Mumbai Metro pillar collapse: ઉત્તર-પૂર્વ મુંબઈના મુલુંડ વિસ્તારમાં બાંધકામ હેઠળના મેટ્રો પિલરનો એક ભાગ તૂટીને પડી ગયો છે. આ અકસ્માતમાં ઘણી ગાડીઓ દબાઈ ગઈ છે. ઘટનામાં એક વ્યક્તિનું મોત થયું છે અને ત્રણ લોકો ઘાયલ થયા છે. આ ઘટના શનિવારે બપોરે અંદાજે 12:20 વાગ્યે જૉનસન એન્ડ જૉનસન ફેક્ટરી સામે, એલબીએસ રોડ પર બની હતી. સ્થળ પર રાહત અને બચાવ કામગીરી ચાલુ છે.
અકસ્માતમાં એક વ્યક્તિનું મોત
ઉત્તર-પૂર્વ મુંબઈના મુલુંડ વિસ્તારમાં આજે એક મોટો અકસ્માત થયો છે, જ્યાં બાંધકામ હેઠળની મેટ્રો રેલના પિલરનો એક ભાગ અચાનક તૂટી પડ્યો. જેના નીચે ઘણી ગાડીઓ દબાઈ ગઈ છે. આ અકસ્માતમાં એક વ્યક્તિનું મોત થયું છે, જ્યારે ત્રણ લોકો ઘાયલ થયા છે. ફાયર બ્રિગેડના એક અધિકારીએ જણાવ્યું કે, શનિવારે બપોરે ઉત્તર-પૂર્વ મુંબઈના મુલુંડમાં બાંધકામ હેઠળની મેટ્રો રેલ રૂટના પિલરનો એક ભાગ તૂટી પડતાં ત્રણથી ચાર લોકો ઘાયલ થયા હોવાની આશંકા છે. અધિકારીએ જણાવ્યું કે, આ ઘટના બપોરે લગભગ 12:20 વાગ્યે જૉનસન એન્ડ જૉનસન ફેક્ટરી સામે, એલબીએસ રોડ પર બની હતી.
મુલુન્ડમાં બાંધકામ હેઠળના મેટ્રો પિલરનો ભાગ તૂટી પડતાં ઘણી ગાડીઓ દબાઈ ગઈ.
બાંધકામ દરમિયાન મેટ્રો પિલરનો સિમેન્ટનો એક ભાગ અચાનક તૂટી પડ્યો.
સ્થળ પર ફાયર બ્રિગેડ, પોલીસ અને મેટ્રો ટીમ રાહત અને બચાવ કામગીરીમાં લાગી છે.
ઓટોરિક્ષામાં સવાર 3-4 લોકો ઘાયલ થયા હોવાની સંભાવના છે.
પિલરનો એક સ્લેબ તૂટી નીચે એક ઓટોરિક્ષા પર પડ્યો
ફાયર બ્રિગેડના અધિકારીએ વધુમાં જણાવ્યું કે, "પિલરનો સિમેન્ટનો એક સ્લેબ તૂટી નીચે એક ઓટોરિક્ષા પર પડ્યો, જેના કારણે તે થ્રી-વ્હીલર સંપૂર્ણપણે ચૂરચૂર થઈ ગયું. આ ઘટનામાં ત્રણથી ચાર લોકો ઘાયલ થયા હોવાની આશંકા છે. ફાયર બ્રિગેડ અને પોલીસના કર્મચારીઓ તેમજ મેટ્રો રેલ રૂટ બનાવતી કંપનીના કર્મચારીઓ ઘટનાસ્થળે હાજર છે અને પરિસ્થિતિ પર નજર રાખી રહ્યા છે."
BMCએ શું કહ્યું?
દુર્ઘટના અંગે BMCએ જણાવ્યું, "આજે બપોરે 12:20 વાગ્યે જૉનસન એન્ડ જૉનસન કંપની, એલબીએસ રોડ, મુલુંડ (વેસ્ટ) નજીક મેટ્રો પિલરનો એક ભાગ તૂટી પડ્યો. બાંધકામ દરમિયાન મેટ્રો પિલરનો સિમેન્ટનો એક ભાગ તૂટી એક રિક્ષા પર પડ્યો. મુંબઈ ફાયર બ્રિગેડ, પોલીસ, મેટ્રો સ્ટાફ, વોર્ડ સ્ટાફ અને 108 એમ્બ્યુલન્સ સેવા સ્થળ પર હાજર છે."
