Brazil President Election: બ્રાઝિલની રાષ્ટ્રપતિ ચૂંટણીને લઈને એક મોટા રાજકીય ફેરફાર કરવામાં આવી રહ્યો છે. આપેલી માહિતી અનુસાર, ડાબેરી નેતા લુઈઝ ઇનાસિયો લૂલા ડી સિલ્વાએ પોતાના પ્રતિસ્પર્ધી ફ્લેવિયો બોલ્સોનારોને હરાવીને ફરી જીત મેળવી છે. આ પરિણામને અમેરિકાના રાષ્ટ્રપતિ ડોનાલ્ડ ટ્રમ્પની રાજકીય વિચારધારા માટે ઝટકા તરીકે રજૂ કરવામાં આવી રહ્યું છે.
લૂલા ડી સિલ્વાની ચોથી જીત
80 વર્ષીય લૂલા ડી સિલ્વા બ્રાઝિલમાં ચોથી વખત રાષ્ટ્રપતિ બનવા જઈ રહ્યા છે અને તેમનો નવો કાર્યકાળ 5 જાન્યુઆરી, 2027થી શરૂ થશે. ચૂંટણીના બીજા તબક્કામાં લૂલાએ ફ્લેવિયો બોલ્સોનારોને હરાવ્યા હોવાનું પણ જણાવાયું છે.
ટ્રમ્પ માટે રાજકીય ઝટકાની ચર્ચા કેમ?
લૂલાની જીતને લેટિન અમેરિકાની રાજનીતિ માટે મહત્ત્વપૂર્ણ ગણાવવામાં આવી છે. લૂલા ડી સિલ્વા ડાબેરી રાજકીય નેતા છે, જ્યારે ડોનાલ્ડ ટ્રમ્પ દક્ષિણપંથી રાજકીય વિચારધારા સાથે સંકળાયેલા છે. આ કારણે બ્રાઝિલના રાજકીય પરિણામોને અમેરિકા અને લેટિન અમેરિકાના રાજકીય સમીકરણોના સંદર્ભમાં જોવામાં આવે છે.
'બ્રાઝિલ કોઈના પ્રભાવ ક્ષેત્રમાં નથી'- લૂલા ડી સિલ્વા
જીત બાદ લૂલાએ કહ્યું હતું, કે બ્રાઝિલ કોઈ અન્ય દેશના પ્રભાવ ક્ષેત્રમાં નહીં રહે. તેમણે ડિજિટલ પ્લેટફોર્મ્સ દ્વારા થતી વિદેશી દખલગીરીનો સામનો કરવાની વાત પણ કરી હોવાનું જણાવાયું છે.
