Azur Air emergency landing: થાઈલેન્ડથી 238 મુસાફરોને લઈને ઉડાન ભરનાર અઝૂર એરનું એક વિમાન ચીનના આકાશમાં ગંભીર સંકટમાં ફસાઈ ગયું છે. વિમાને ઇમરજન્સી સિગ્નલ મોકલ્યા બાદ હવે તે ચીનના લાન્ઝૂ એરપોર્ટ પર તાત્કાલિક લેન્ડિંગ કરવાની તૈયારી કરી રહ્યું છે.
વિમાન લાન્ઝૂ એરપોર્ટ પર ઇમરજન્સી લેન્ડિંગ કરશે
અઝૂર એરનું એક બોઇંગ 757 વિમાન ચીન ઉપરથી ઉડી રહ્યું હતું ત્યારે તેણે અચાનક 'ડિસ્ટ્રેસ સિગ્નલ' મોકલ્યો. હવે આ વિમાન લાન્ઝૂ એરપોર્ટ પર ઇમરજન્સી લેન્ડિંગ કરશે. રશિયન અને ચીની સરકારી મીડિયા મુજબ, આ વિમાનમાં કુલ 238 મુસાફરો સવાર છે. ફ્લાઇટ નંબર ZF-2998એ લગભગ ચાર કલાક પહેલાં થાઈલેન્ડથી ઉડાન ભરી હતી. ત્યારબાદ ટેકનિકલ ખામી અથવા કોઈ અન્ય સંકટના કારણે પાયલોટને આ ઈમરજન્સી સિગ્નલ મોકલવો પડ્યો.
લાન્ઝૂ એરપોર્ટ પર તમામ ઇમરજન્સી સેવાઓ એલર્ટ
એરલાઇનની પ્રેસ સર્વિસે જણાવ્યું છે કે, વિમાન લાન્ઝૂ એરપોર્ટ પર અનશેડ્યૂલ્ડ લેન્ડિંગ માટે તૈયારી કરી રહ્યું છે. કંપનીની સંબંધિત ટીમો પરિસ્થિતિ પર સતત નજર રાખી રહી છે અને સ્થિતિ નિયંત્રણમાં હોવાનું જણાવ્યું છે. વિમાનની સુરક્ષિત લેન્ડિંગ માટે લાન્ઝૂ એરપોર્ટ પર તમામ ઇમરજન્સી સેવાઓને એલર્ટ પર રાખવામાં આવી છે.
બોઇંગ 757માં અચાનક ખામી
રશિયન મીડિયાના જણાવ્યા અનુસાર, અઝૂર એરનું આ બોઇંગ 757 વિમાન તેની નિયમિત ઉડાન પર હતું, ત્યારે અચાનક પાયલોટને ડિસ્ટ્રેસ સિગ્નલ મોકલવો પડ્યો. વિમાનમાં 238 મુસાફરો હાજર હોવાથી આ ઘટના અત્યંત સંવેદનશીલ બની ગઈ છે. થાઈલેન્ડથી ઉડાન ભર્યા પછી ચાર કલાક બાદ આ ઇમરજન્સી સ્થિતિ સર્જાઈ, જેના કારણે વિમાનને નજીકના લાન્ઝૂ એરપોર્ટ તરફ વાળવું પડ્યું.
એરલાઇન અને એરપોર્ટ એલર્ટ મોડ પર
અઝૂર એરએ નિવેદન જાહેર કરીને જણાવ્યું છે કે, તેમની ટીમ પરિસ્થિતિને સંપૂર્ણ રીતે નિયંત્રિત કરવાનો પ્રયાસ કરી રહી છે. અનશેડ્યૂલ્ડ લેન્ડિંગ માટે લાન્ઝૂ એરપોર્ટનો રનવે ખાલી કરાવવામાં આવ્યો છે અને ફાયર બ્રિગેડ તેમજ મેડિકલ ટીમોને તૈનાત કરવામાં આવી છે. વિમાન જમીન પર સુરક્ષિત રીતે ઉતર્યા પછી જ ડિસ્ટ્રેસ સિગ્નલ મોકલવાના ચોક્કસ કારણોની માહિતી મળી શકશે.
