Elon Musk X App New Features: એલોન મસ્કનું X Money હવે લોન્ચ થવાની ખૂબ નજીક છે અને X એપને 'એવરીથિંગ એપ' બનાવવાની દિશામાં આ એક મોટું પગલું માનવામાં આવી રહ્યું છે. આ નવા ફીચરથી શું-શું સુવિધાઓ મળશે, ચાલો જાણીએ.
Xને એવરીથિંગ એપ બનાવવાની તૈયારી
એલોન મસ્ક લાંબા સમયથી Xને એવરીથિંગ એપ બનાવવાની વાત કરી રહ્યા છે. X Chat પછી હવે એલન મસ્કનું આગળનું પગલું એપમાં પેમેન્ટ્સ ફીચર ઉમેરવાનું છે. રિપોર્ટ્સ અનુસાર, X Money નામની નવી સર્વિસ હવે લોન્ચ થવાની નજીક છે અને તે બેંકિંગ અને ટ્રાન્ઝેક્શનને સીધા એપની અંદર જ ઇન્ટિગ્રેટ કરી શકે છે. આ એવું ક્ષેત્ર છે જેમાં મસ્ક પહેલેથી જ પરિચિત છે, કારણ કે PayPal બનાવવામાં તેમની શરૂઆતની ભૂમિકા રહી હતી. હવે વિચાર એવો છે કે આવું જ કંઈક તેઓ પોતાના સોશિયલ પ્લેટફોર્મમાં પણ ઉમેરવા માંગે છે.
X Moneyમાં શું-શું સુવિધાઓ હશે?
એક રિપોર્ટ મુજબ, X Moneyથી પિયર-ટુ-પિયર પેમેન્ટ્સની સુવિધા મળવાની અપેક્ષા છે. એટલે કે તમે એપમાંથી બહાર નીકળ્યા વગર, સીધા ચેટ દ્વારા અથવા કોઈની પ્રોફાઇલ દ્વારા પણ તેમને પૈસા મોકલી શકશો. એકાઉન્ટ સાથે જોડાયેલા ડેબિટ કાર્ડનો પણ ઉલ્લેખ છે. કેટલાક રિપોર્ટ્સ મુજબ, આ એક પર્સનલાઇઝ્ડ Visa કાર્ડ હોઈ શકે છે, જે કદાચ તમારા X હેન્ડલ સાથે જોડાયેલું હશે. જેનાથી યુઝર્સ એપની બહાર પણ પૈસા ખર્ચી શકશે. એક બીજું ફીચર, જેનું ટેસ્ટિંગ ચાલી રહ્યું છે, તે છે xAI દ્વારા બનાવાયેલ AI આસિસ્ટન્ટ. તે તમારા ખર્ચ પર નજર રાખવામાં, તમારા ટ્રાન્ઝેક્શન્સને ગોઠવવામાં અને સરળ રીતે બતાવવામાં મદદ કરી શકે છે કે તમારા પૈસા ક્યાં જઈ રહ્યા છે. કેટલાક શરૂઆતના ટેસ્ટર્સે કેટલાક ખાસ પેમેન્ટ્સ પર 3 ટકા સુધીના કેશબેક અને લગભગ 6 ટકા સુધીના સેવિંગ્સ ઇન્ટરેસ્ટ રેટ વિશે પણ જણાવ્યું છે. જોકે,તે સ્પષ્ટ નથી કે આ ફાયદા લાંબા સમય સુધી રહેશે કે ફક્ત શરૂઆતના રોલઆઉટનો ભાગ હશે.
X Money લોન્ચ ટાઇમલાઇન
કહેવાય છે કે X Money ટૂંક સમયમાં સામાન્ય લોકો માટે ઉપલબ્ધ થવાનું છે, પરંતુ હજી સુધી તેની કોઈ ચોક્કસ લોન્ચ તારીખ આવી નથી. તેને લોન્ચ કરવામાં અપેક્ષા કરતાં વધારે સમય લાગી રહ્યો છે અને તેનું મુખ્ય કારણ મંજૂરી મેળવવામાં થયેલો વિલંબ છે. USમાં પેમેન્ટ સર્વિસ ચલાવવા માટે Xને અલગ-અલગ રાજ્યોમાં લાઇસન્સની જરૂર પડે છે. તેમાંના કેટલાક લાઇસન્સ હજી પણ પેન્ડિંગ છે, જેમ કે ન્યૂયોર્ક જેવા રાજ્યોમાં, જેના કારણે કામની ગતિ ધીમી પડી છે. આ જ કારણે શક્ય છે કે તે એકસાથે બધે લોન્ચ ન થાય. શરૂઆત કદાચ થોડા યુઝર્સ સુધી મર્યાદિત ઍક્સેસથી થઈ શકે છે અને પછી ધીમે ધીમે તેનો વિસ્તાર કરવામાં આવશે.
