WhatsApp Status New Feature: આજના ડિજિટલ યુગમાં સોશિયલ મીડિયા એપ વોટ્સએપ (WhatsApp) આપણા જીવનનો એક મહત્વનો ભાગ બની ગઈ છે. ચેટિંગથી લઈને પર્સનલ અને પ્રોફેશનલ લાઈફની વાતો શેર કરવા માટે લોકો સ્ટેટસ ફીચરનો બહોળો ઉપયોગ કરે છે. યુઝર્સના આ અનુભવને વધુ રસપ્રદ અને સરળ બનાવવા માટે મેટા (Meta) માલિકીની કંપની વોટ્સએપ એક અનોખું અને ઉપયોગી ફીચર લઈને આવી છે. હવે યુઝર્સ પોતાના વોટ્સએપ સ્ટેટસમાં મનપસંદ મ્યુઝિક ટ્રેક્સને સેવ અથવા બુકમાર્ક કરી શકશે, જેથી દર વખતે નવું સ્ટેટસ મુકતી વખતે ગીત શોધવાની જરૂર નહીં રહે.
મનપસંદ ગીતને કરી શકાશે 'સ્ટાર' માર્ક
અત્યાર સુધી જ્યારે પણ યુઝર્સ સ્ટેટસમાં કોઈ મ્યુઝિક ઉમેરવા માગતા હતા, ત્યારે તેમને વિશાળ લાઈબ્રેરીમાંથી દર વખતે ગીત સર્ચ કરવું પડતું હતું. પરંતુ નવા ફીચરના આવ્યા બાદ યુઝર્સ પોતાના પ્રિય ગીતોને 'સ્ટાર' (Star) માર્ક કરીને ફેવરિટ લિસ્ટમાં ઉમેરી શકશે. આ અપડેટ મેટાના વિશાળ મ્યુઝિક કેટલોગનો વ્યાપ વધારવા અને સ્ટેટસ બનાવવાની પ્રક્રિયાને વધુ ઝડપી બનાવવાના હેતુથી રજૂ કરવામાં આવ્યું છે.
ડ્યુરેશન પિકર અને વેવફોર્મ સિલેક્ટરથી મળશે કસ્ટમાઇઝેશન
આ નવા અપડેટની ખાસિયત માત્ર ગીત સેવ કરવા પૂરતી સીમિત નથી. તેમાં યુઝર્સને 'ડ્યુરેશન પિકર' (Duration Picker) અને 'વેવફોર્મ સિલેક્ટર' (Waveform Selector) જેવી સુવિધાઓ પણ આપવામાં આવી છે. આ ટૂલ્સની મદદથી યુઝર્સ ગીતનો કયો ભાગ સ્ટેટસમાં રાખવો છે તે ચોક્કસાઈથી નક્કી કરી શકશે. યુઝર્સ પોતાની પસંદગી મુજબ ગીતના ખાસ અંશને કટ કરીને સ્ટેટસની લંબાઈ પ્રમાણે સેટ કરી શકશે, જેથી સ્ટેટસ વધુ આકર્ષક લાગશે.
કોને અને ક્યારે મળશે આ નવું ફીચર?
આ નવું ફીચર હાલમાં 'WhatsApp Beta for Android' ના વર્ઝન 2.26.38.1 માં ટેસ્ટિંગ અને રોલઆઉટ તબક્કામાં ઉપલબ્ધ કરાવવામાં આવ્યું છે. હાલમાં બીટા ટેસ્ટર્સ આ સુવિધાનો ઉપયોગ કરી રહ્યા છે. ખૂબ જ ટૂંક સમયમાં ચકાસણી પૂર્ણ થયા બાદ આ શાનદાર અને ઉપયોગી ફીચર તમામ એન્ડ્રોઇડ અને આઇઓએસ (iOS) યુઝર્સ માટે સામાન્ય અપડેટ દ્વારા રજૂ કરી દેવામાં આવશે.
