Kurian Twin Brothers Kerala Silicon Valley: વિશ્વની સૌથી મોટી ટેકનોલોજી કંપનીઓની જ્યારે પણ વાત થાય છે ત્યારે ગૂગલ, માઈક્રોસોફ્ટ અને એરેકલ જેવા દિગ્ગજ નામો સામે આવે છે. આ વૈશ્વિક બ્રાન્ડ્સનું નેતૃત્વ કરવામાં ભારતીય મૂળના દિગ્ગજોનો દબદબો રહ્યો છે જેમ કે, ગૂગલના CEO સુંદર પિચાઈ છે અને માઈક્રોસોફ્ટના CEO સત્યા નાડેલા છે પરંતુ, થોમસ કુરિયન અને જોર્જ કુરિયનની સ્ટોરી આ બધા કરતાં સાવ અલગ અને રોમાંચક છે. આ બંને માત્ર ભારતીય મૂળના ટેક લીડર્સ નથી, પરંતુ એક જ જેવા દેખાતા જુડવા ભાઈઓ છે. કેરળથી શરૂ થયેલી આ બે ભાઈઓની સફર આજે અમેરિકાની સિલિકોન વેલીમાં સૌથી ઉચ્ચ હોદ્દાઓ સુધી પહોંચી છે.
કેરળના કોટ્ટયમથી શરૂ થયેલી સફર
થોમસ અને જોર્જ કુરિયનનો જન્મ કેરળના કોટ્ટયમ જિલ્લામાં થયો હતો. બંનેએ પ્રાથમિક શિક્ષણ ભારતમાં પૂર્ણ કર્યા બાદ IIT મદ્રાસમાં પ્રવેશ મેળવ્યો હતો. ત્યારબાદ ઉચ્ચ અભ્યાસ માટે તેઓ અમેરિકા ગયા, જ્યાં તેમણે પ્રતિષ્ઠિત પ્રિન્સટન યુનિવર્સિટી (Princeton University) માંથી એન્જિનિયરિંગ અને બાદમાં સ્ટેનફોર્ડ યુનિવર્સિટી (Stanford University) માંથી બિઝનેસ (MBA) ની ડિગ્રી મેળવી. બંને ભાઈઓનું શિક્ષણ અને શરૂઆતી કરિયર એકસરખું રહ્યું, પરંતુ બાદમાં બંનેએ અલગ-અલગ રસ્તા પસંદ કર્યા.
થોમસ કુરિયન: Google Cloudના CEO
થોમસ કુરિયન હાલમાં ગૂગલના સૌથી મહત્વપૂર્ણ કારોબાર Google Cloud ના CEO તરીકે સેવા આપી રહ્યા છે. ગૂગલ ક્લાઉડ કમ્પ્યુટિંગ, ડેટા સર્વિસિસ, સાયબર સિક્યોરિટી અને આર્ટિફિશિયલ ઈન્ટેલિજન્સ (AI) ના ક્ષેત્રમાં અગ્રણી છે. ઓરેકલ (Oracle) માં બે દાયકાથી વધુ સમય વિતાવ્યા બાદ થોમસે 2018માં ગૂગલ ક્લાઉડની કમાન સંભાળી હતી.આજે AIની દોડમાં Amazon Web Services (AWS) અને Microsoft Azure સામે સ્પર્ધા કરવામાં થોમસ કુરિયનની ભૂમિકા અત્યંત મહત્વની છે. ગૂગલમાં તેમનું કદ એટલું વધ્યું છે કે ભવિષ્યમાં સુંદર પિચાઈ બાદ તેઓ Alphabet/Google ના ગ્લોબલ CEO બની શકે એવી ચર્ચાઓ પણ ટેક જગતમાં ચાલી રહી છે.
જોર્જ કુરિયન: NetAppના CEO
બીજી તરફ, થોમસના જુડવા ભાઈ જોર્જ કુરિયન ગ્લોબલ ડેટા સ્ટોરેજ અને ક્લાઉડ ઈન્ફ્રાસ્ટ્રક્ચર કંપની NetAppના CEO છે. સામાન્ય યુઝર્સ માટે નેટએપ નામ નવું હોઈ શકે, પરંતુ કોર્પોરેટ વર્લ્ડમાં ડેટા મેનેજમેન્ટ અને સુરક્ષિત ક્લાઉડ સ્ટોરેજ માટે નેટએપ અગ્રણી પ્લેયર છે. જોર્જ કુરિયન છેલ્લા ઘણા વર્ષોથી સફળતાપૂર્વક કંપનીનું નેતૃત્વ કરી રહ્યા છે.
એક જ પરિવારના બે ભાઈઓ અને બંને ગ્લોબલ CEO
દુનિયામાં અનેક ભારતીયો સીઈઓ પદ પર છે, પરંતુ એક જ પરિવારના જુડવા ભાઈઓ બે અલગ-અલગ મલ્ટીનેશનલ ટેકનોલોજી કંપનીઓના સર્વોચ્ચ પદ (CEO) પર હોય તેવો આ વિશ્વનો અત્યંત વિરલ (Rare) કિસ્સો છે.
ભારતીય ટેક નેતૃત્વ અને કુરિયન બ્રધર્સ અંગે વિશેષ માહિતી
કેરળનું વૈશ્વિક કનેક્શન: કુરિયન ભાઈઓના પિતા કેરળમાં કેમિકલ એન્જિનિયર હતા. તેમના ઘરમાં નાનપણથી જ શિસ્ત અને અભ્યાસનું વાતાવરણ હતું, જેણે આ બંને ભાઈઓને વૈશ્વિક મંચ પર સફળ બનાવવામાં મુખ્ય ભૂમિકા ભજવી.
AI ક્રાંતિમાં બંને કંપનીઓનો સમન્વય: AI મોડેલ્સને ટ્રેન કરવા માટે ગૂગલ ક્લાઉડ જેવા હાઇ-પાવર કમ્પ્યુટિંગની જરૂર પડે છે, જ્યારે તે ડેટાને સ્ટોર અને મેનેજ કરવા માટે NetApp જેવા ઈન્ફ્રાસ્ટ્રક્ચરની જરૂર હોય છે. આ રીતે બંને ભાઈઓ પરોક્ષ રીતે વર્તમાન AI ક્રાંતિના બે મુખ્ય સ્તંભોનું નેતૃત્વ કરી રહ્યા છે.
ગ્લોબલ ઇન્ડિયન ટેક લીડર્સ: સુંદર પિચાઈ (Google), સત્યા નાડેલા (Microsoft), શાંતનુ નારાયણ (Adobe), અને અરવિંદ ક્રિષ્ના (IBM) ની સાથે કુરિયન બ્રધર્સનું નામ પણ વૈશ્વિક સ્તરે ભારતનું ગૌરવ વધારી રહ્યું છે.
