ટેકનોલોજી

AI ઇમ્પેક્ટ સમિટમાં Adobeની ઐતિહાસિક જાહેરાત: હવે ભારતીય વિદ્યાર્થીઓને Photoshop સહિત આ એપ્સ મળશે બિલકુલ મફત!

19 ફેબ્રુઆરી, 2026•
GVGujaratvandan team
AI ઇમ્પેક્ટ સમિટમાં Adobeની ઐતિહાસિક જાહેરાત: હવે ભારતીય વિદ્યાર્થીઓને Photoshop સહિત આ એપ્સ મળશે બિલકુલ મફત!

AI Impact Summit/Adobe: Adobeએ AI ઈમ્પેક્ટ સમિટમાં ભારતીય વિદ્યાર્થીઓને મોટી ભેટ આપી છે. Photoshop, Acrobat, Firefly જેવા ક્રિએટિવ એપ્સ અને સોફ્ટવેર બનાવતી કંપનીએ જાહેરાત કરી છે કે તે ભારતમાં અભ્યાસ કરતા વિદ્યાર્થીઓને આ એપ્સની મફત ઍક્સેસ આપશે. નવી દિલ્હીમાં આયોજિત AI સમિટમાં, કંપનીએ એવી પણ જાહેરાત કરી છે કે તે વિદ્યાર્થીઓને AI ફર્સ્ટ લર્નિંગ સર્ટિફિકેટ આપશે. અમેરિકન ટેક કંપનીની આ જાહેરાતથી ક્રિએટિવ્સના અભ્યાસ કરતા લાખો ભારતીય વિદ્યાર્થીઓને ફાયદો થશે.

Adobeની મોટી જાહેરાત
AI સમિટમાં, Adobeએ ભારતીય વિદ્યાર્થીઓ માટે AI-સંચાલિત પ્રોડ્કટીવીટી અને ક્રિએટિવિટી એપ્લિકેશન્સનું પેકેજ મફતમાં આપ્યું છે. વિદ્યાર્થીઓ Photoshop, Acrobat અને Fireflyનો મફતમાં ઉપયોગ કરી શકશે. આ એપ્લિકેશન્સ ભારતીય માન્યતા પ્રાપ્ત યુનિવર્સિટીઓ અને કોલેજોમાં અભ્યાસ કરતા વિદ્યાર્થીઓ માટે મફતમાં ઉપલબ્ધ કરાવવામાં આવશે. ઉચ્ચ શિક્ષણ મેળવતા તમામ વિદ્યાર્થીઓને Adobeની ક્રિએટિવ એપ્લિકેશન્સનો લાભ મળશે. કંપનીએ આને એક વ્યૂહાત્મક રોકાણ ગણાવ્યું છે. આ મોટી જાહેરાત દેશમાં AI-સક્ષમ ક્રિએટિવિટીને વેગ આપશે.

એનિમેશન, વિઝ્યુઅલ ઇફેક્ટ્સ, ગેમિંગ અને કોમિક્સ નોકરીઓનું લક્ષ્ય
આ ત્રણ એપ્સ ઉપરાંત, Adobeએ વિદ્યાર્થીઓને આવા સોફ્ટવેર આપવાની પણ જાહેરાત કરી છે, જેમાં આ ટૂલ્સના ઉપયોગ અંગે ટ્રેનિંગ આપવામાં આવશે. કંપનીએ તેને AI-ફર્સ્ટ ઓફર નામ આપ્યું છે. તાજેતરમાં, સરકારે દેશની 15,000 શાળાઓ અને 500 કોલેજોમાં કન્ટેન્ટ ક્રિએટર લેબ્સ સ્થાપવાની જાહેરાત કરી છે. Adobeના આ રોકાણથી તે શાળાઓ અને કોલેજોમાં અભ્યાસ કરતા વિદ્યાર્થીઓને ફાયદો થશે. બજેટમાં, કેન્દ્ર સરકારે 2030 સુધીમાં એનિમેશન, વિઝ્યુઅલ ઇફેક્ટ્સ, ગેમિંગ અને કોમિક્સ (AVGC) નોકરીઓ બનાવવાનું લક્ષ્ય રાખ્યું છે.

NAASCOM સાથે ભાગીદારી
AI સમિટમાં, Adobeએ NAASCOM સાથે ભાગીદારીની જાહેરાત કરી. આ ભાગીદારી વિદ્યાર્થીઓને AI લર્નિંગ કોર્ષ દ્વારા સર્ટિફિકેટ પ્રદાન કરશે. કંપનીએ કહ્યું કે આ Adobe ડિજિટલ એકેડેમીનું વિસ્તરણ છે, જે એક ગ્લોબલ ટ્રેનિંગ અને કરિયર પાથવેનું એક્સટેન્શન છે.
Adobe ભારતમાં વિદ્યાર્થીઓ માટે ક્રિએટિવ ક્લાઉડ પ્રો પેકેજ સબ્સ્ક્રિપ્શન્સ પહેલા મહિના માટે ₹400 અને આવતા મહિનાથી દર મહિને ₹2,714માં ઓફર કરી રહ્યું છે. તે Photoshop, Illustrator, Premiere, Acrobat Pro, Adobe Express, Adobe Firefly, After Effects, InDesign, Lightroom, Adobe XD, Audition, Animate, Dreamweaver, InCopy, Lightroom Classic, Character Animator, Capture, Adobe Fresco, Bridge, Photoshop Express, Media Encoder, Lightroom Web, Acrobat Reader, Adobe Scan અને Fill & Sign એપ્સની ઍક્સેસ આપે છે.

Tags:
NAASCOMનાસકોમCreative Cloudક્રિએટિવ ક્લાઉડBreaking News
અમારા WhatsApp ચેનલ સાથે જોડાઓ
તાજા અપડેટ્સ મેળવો સીધા તમારા WhatsApp પર
Join Now

Videos

હે ગોળમટોળ લાલરંગવાળા 14 કિલોના મારા પ્રિય સિલિન્ડર તું ક્યાં છે.?

હે ગોળમટોળ લાલરંગવાળા 14 કિલોના મારા પ્રિય સિલિન્ડર તું ક્યા...

16 માર્ચ, 2026
'56 ઇંચની છાતી' અને ટ્રમ્પનો આદેશ: વ્હાઇટ હાઉસથી કેમ ચાલે છે ભારતનો વહીવટ? જુઓ સનસનીખેજ વિશ્લેષણ.

'56 ઇંચની છાતી' અને ટ્રમ્પનો આદેશ: વ્હાઇટ હાઉસથી કેમ ચાલે છે...

10 માર્ચ, 2026
નીતિશ કુમારની 'એક્ઝિટ' અને પુત્ર નિશાંતની 'એન્ટ્રી'! ભાજપે બિહારમાં કેવી રીતે રમી ‘માસ્ટર ગેમ’?

નીતિશ કુમારની 'એક્ઝિટ' અને પુત્ર નિશાંતની 'એન્ટ્રી'! ભાજપે બ...

10 માર્ચ, 2026
'કેજરીવાલ તો ગિયો...'? નીચલી કોર્ટના ચુકાદા પર આટલી ગર્જના કેમ? જાણો અંદરની વાત!

'કેજરીવાલ તો ગિયો...'? નીચલી કોર્ટના ચુકાદા પર આટલી ગર્જના ક...

10 માર્ચ, 2026
શિક્ષણ મંત્રીનું રાજીનામું માંગતા CJI? ન્યાયતંત્રને બદનામ કરવાના કાવતરાનો પર્દાફાશ!

શિક્ષણ મંત્રીનું રાજીનામું માંગતા CJI? ન્યાયતંત્રને બદનામ કર...

10 માર્ચ, 2026
શું પાવરફુલ મોદીની કોઈ 'દુખતી નસ' ટ્રમ્પના હાથમાં છે?

શું પાવરફુલ મોદીની કોઈ 'દુખતી નસ' ટ્રમ્પના હાથમાં છે?

26 ફેબ્રુઆરી, 2026
 ભારતના રાજનેતાઓની રાજનીતિ પણ 3 વસ્તુઓથી ચાલે છે રેવડી કલ્ચર... રેવડી કલ્ચર... ઔર રેવડી કલ્ચર...

ભારતના રાજનેતાઓની રાજનીતિ પણ 3 વસ્તુઓથી ચાલે છે રેવડી કલ્ચર...

26 ફેબ્રુઆરી, 2026