T20I Most Sixes 2026: ભારત અને અફઘાનિસ્તાન વચ્ચે ત્રણ મેચની T20I સિરીઝ રમાઈ રહી છે. સિરીઝની પ્રથમ બે મેચમાં ભારતીય બેટ્સમેનોએ જોરદાર બેટિંગ કરી છે. ખાસ કરીને અભિષેક શર્મા, ઈશાન કિશન અને સંજુ સેમસન જેવા ખેલાડીઓએ ઝડપી ઇનિંગ્સ સાથે ઘણા છગ્ગા ફટકાર્યા છે.
ઈશાન કિશન નંબર-2 પર
અફઘાનિસ્તાન સામેની બીજી T20Iમાં ઈશાન કિશને પોતાની ઇનિંગ દરમિયાન બે સિક્સર ફટકાર્યા હતા. આ સાથે 2026માં T20I ક્રિકેટમાં સૌથી વધુ સિક્સર ફટકારનાર બેટ્સમેનોની યાદીમાં ઈશાન બીજા સ્થાને પહોંચી ગયો છે. તેણે 25 મેચમાં 44 સિક્સર ફટકાર્યા છે. ઝિમ્બાબ્વેના શિમરોન હેટમાયર પણ 44 સિક્સર સાથે તેની સાથે બીજા સ્થાને છે, જોકે હેટમાયરે આ આંકડો 16 મેચમાં હાંસલ કર્યો છે.
અભિષેક શર્મા પણ ટોપ-3માં
અભિષેક શર્મા પણ 2026માં સિક્સર ફટકારવાના મામલે સતત આગળ વધી રહ્યો છે. તેણે અત્યાર સુધી 25 T20I મેચમાં 42 સિક્સર ફટકાર્યા છે. અફઘાનિસ્તાન સામેની બીજી મેચમાં અભિષેકે ચાર સિક્સર ફટકારતાં ટોપ-3માં સ્થાન મેળવ્યું છે. આ યાદીમાં કરનવીર સિંહ સૌથી આગળ છે, જેણે 2026માં 24 મેચમાં કુલ 78 સિક્સર ફટકાર્યા છે.
શિવમ દુબે પણ ટોપ-10માં
ભારતીય ઓલરાઉન્ડર શિવમ દુબે પણ 2026માં સૌથી વધુ સિક્સર ફટકારનાર બેટ્સમેનોની યાદીમાં સામેલ છે. દુબેએ અત્યાર સુધી 25 મેચમાં 34 સિક્સર ફટકાર્યા છે. ઈંગ્લેન્ડના કેપ્ટન હેરી બ્રૂકના નામે પણ 34 સિક્સર છે. જોકે બ્રૂકે આ આંકડો માત્ર 17 મેચમાં હાંસલ કર્યો છે.
સંજુ સેમસને પણ લગાવી લાંબી છલાંગ
અફઘાનિસ્તાન સામેની બીજી T20Iમાં સંજુ સેમસને તોફાની અડધી સદી ફટકારી હતી. આ ઇનિંગ દરમિયાન તેણે ચાર સિક્સર પણ ફટકાર્યા હતા. આ સાથે 2026માં T20I ક્રિકેટમાં સંજુના કુલ સિક્સરની સંખ્યા 16 મેચમાં 32 થઈ ગઈ છે. તે આ યાદીમાં આઠમા સ્થાને છે. સંજુ સાથે ડેવાલ્ડ બ્રેવિસ અને હામિદ શાહ પણ 32-32 સિક્સર સાથે આ જ સ્થાન પર છે.
