T20 World Cup 2026: આંતરરાષ્ટ્રીય ક્રિકેટ કાઉન્સિલ (ICC) એ ભારતમાં યોજાનાર T20 વર્લ્ડ કપ 2026માં ભાગ લેનારા પાકિસ્તાની મૂળના તમામ 42 ખેલાડીઓ અને અધિકારીઓ માટે વિઝા ઔપચારિકતાઓને સરળ બનાવવા માટે પગલાં લીધાં છે.
પાકિસ્તાની અને નેધરલેન્ડના સભ્યોને મળી શકે છે વિઝા
અહેવાલ મુજબ, ઇંગ્લેન્ડના પાકિસ્તાની મૂળના ખેલાડીઓ આદિલ રશીદ, રેહાન અહેમદ અને ફાસ્ટ બોલર સાકિબ મહમૂદની વિઝા અરજીઓ પહેલાથી જ મંજૂર કરવામાં આવી છે. નેધરલેન્ડ ટીમના સભ્યો અને કેનેડાના સપોર્ટ સ્ટાફ શાહ સલીમ ઝફરને પણ વિઝા આપવામાં આવ્યા છે.
પાકિસ્તાની મૂળના ઈંગ્લેન્ડના ખેલાડીઓને વિઝા મળ્યા
T20 વર્લ્ડ કપ માટે ભારત જઈ રહેલી યાદીમાં યુએસએ ટીમમાં અલી ખાન અને શાયાન જહાંગીર જેવા કેટલાક પાકિસ્તાની મૂળના ખેલાડીઓનો પણ સમાવેશ થાય છે, અને નેધરલેન્ડ ટીમમાં ઝુલ્ફીકાર સાકિબનો સમાવેશ થાય છે. સંયુક્ત આરબ અમીરાત, ઇટાલી, બાંગ્લાદેશ અને કેનેડાની ટીમોમાં પાકિસ્તાની રાષ્ટ્રીયતા અથવા પાકિસ્તાની મૂળના ખેલાડીઓ અને અધિકારીઓ છે.
ભારતીય હાઈ કમિશન સાથે સતત સંપર્કમાં
આ બધાને વિઝા આપવાની પ્રક્રિયા ચાલી રહી છે. જરૂરી ઔપચારિકતાઓ પૂર્ણ કરવા માટે આગામી અઠવાડિયાની તારીખ નક્કી કરવામાં આવી છે. ICC વિશ્વભરના વિવિધ શહેરોમાં ભારતીય હાઈ કમિશન સાથે સતત સંપર્કમાં છે. સહભાગીઓને વિઝા આપવાની અંતિમ તારીખ 31 જાન્યુઆરી છે. T20 વર્લ્ડ કપ 7 ફેબ્રુઆરીથી શરૂ થશે.
