Shikhar Dhawan Sophie Shine: ભૂતપૂર્વ ભારતીય ક્રિકેટર શિખર ધવને આ વર્ષે ફેબ્રુઆરીમાં સોફી શાઇન સાથે લગ્ન કર્યા હતા. શિખરના આ બીજા લગ્ન છે. તાજેતરમાં બંને ‘ફેમિલી ફુલ હાઉસ વિથ રોહિત શર્મા’ શોમાં મહેમાન તરીકે પહોંચ્યા હતા, જ્યાં તેમણે પોતાની લવ સ્ટોરી વિશે રસપ્રદ ખુલાસા કર્યા હતા.
પહેલી મુલાકાતમાં સોફીએ પૂછ્યું- ‘તમે શું કરો છો?’
શિખરે શોમાં પોતાની અને સોફીની પહેલી મુલાકાતનો કિસ્સો શેર કર્યો હતો. તેણે જણાવ્યું કે બંને પહેલીવાર એક રેસ્ટોરન્ટમાં મળ્યા હતા. એકબીજા સાથે નજર મળ્યા બાદ તેમની વાતચીત શરૂ થઈ હતી. વાતચીત દરમિયાન સોફીએ શિખરને પૂછ્યું કે તે શું કરે છે. શિખરે જવાબ આપ્યો કે તે ક્રિકેટ રમે છે. જોકે, સોફીને શિખર ક્રિકેટર છે એ વાતની જાણ નહોતી. તેણે માન્યું કે શિખર કદાચ શોખ માટે ક્રિકેટ રમતો હશે અને તેથી પૂછ્યું કે કામ શું કરે છે.
સોફીના સવાલથી શિખર પણ હસી પડ્યો
સોફીની આ વાત સાંભળીને શિખર ધવન હસી પડ્યો હતો. તેણે મજાકમાં સોફીને કહ્યું, ‘મૂર્ખ છોકરી, તું સમજી શકતી નથી.’ શિખરના આ ખુલાસા બાદ શોના સેટ પર હાજર લોકો પણ હસી પડ્યા હતા. આ કિસ્સો શેર કરતી વખતે શિખરે સોફી પ્રત્યેનો પ્રેમ પણ વ્યક્ત કર્યો હતો. બંનેની વાતચીત અને કેમેસ્ટ્રીએ શોમાં હાજર લોકોનું ધ્યાન ખેંચ્યું હતું.
‘શ્રીમતી ધવન બનીને હું ભારતની બની ગઈ’
સોફીએ શોમાં ભારત પ્રત્યેનો પોતાનો પ્રેમ પણ વ્યક્ત કર્યો હતો. તેણે જણાવ્યું કે તેને ભારત ખૂબ ગમે છે અને અહીંનું ભોજન પણ તેને પસંદ છે. તેણે થોડું હિન્દી પણ શીખી લીધું હોવાનું કહ્યું હતું. સોફીએ શિખર સાથે લગ્ન બાદ પોતાને ભારત સાથે વધુ જોડાયેલી ગણાવી હતી. શોના સેટ પર બંનેની બોન્ડિંગ અને મસ્તીભર્યા અંદાજે ચાહકોનું પણ ધ્યાન ખેંચ્યું હતું. સોશિયલ મીડિયા પર અનેક ચાહકોએ બંનેની કેમેસ્ટીને પસંદ કરી હતી અને તેમને સુંદર કપલ ગણાવ્યું હતું.
