T20 World Cup 2026 : ભારતીય ટીમને 2026ના T20 વર્લ્ડ કપ પહેલા એક સમસ્યાનો ઉકેલ મળી રહ્યો નથી. 7 ફેબ્રુઆરીથી શરૂ થનારા આ ટુર્નામેંટથી પહેલા સંજુ સેમસન હજુ સુધી પોતાનું ફોર્મ પાછું મેળવી શક્યો નહીં. ન્યુઝીલેન્ડ સામે પાંચમા T20 મુકાબલામાં શનિવારે સંજુ સેમસન ફરી એક વાર નિષ્ફળ રહ્યો. તિરુવંતપુરમના ગ્રીનફિલ્ડ ઈંટરનેશનલ સ્ટેડિયમ ખાતે રમાનારી આ મેચમાં બેટિંગ કરતાં સંજુએ 6 બોલમાં 1 ચોગ્ગા ફટકારી ફક્ત 6 રન બનાવી આઉટ થઈ ગયો.
મોટો શૉટ મારવાનો પ્રયાસમાં આઉટ
સંજુ આ મેચ તેના હોમ ગ્રાઉન્ડ પર રમી રહ્યો હતો, તેથી ચાહકોને આશા હતી કે વિકેટકીપર-બેટ્સમેન તેનું ખોવાયેલું ફોર્મ પાછું મેળવશે. જોકે એવું બન્યું નહીં. લોકિ ફર્ગ્યુસનની બોલ પર મોટો શૉટ મારવાનો પ્રયાસ કરતી વખતે સંજુએ બેવૉન જૈકબ્સના હાથે કેચ થઈ ગયો.
સીરિઝમાં સંજુ રહ્યો ફેલ
સંજુ સેમસન ન્યૂઝીલેન્ડ સામેની પાંચ મેચની સીરિઝમાં શાંત રહ્યો છે. તેણે પાંચ ઇનિંગ્સમાં 9.20 ની સરેરાશથી 46 રન બનાવ્યા છે. તે પાંચ મેચની T20 સીરિઝમાં 50 થી ઓછા રન બનાવનાર પ્રથમ ભારતીય વિકેટકીપર બન્યો છે.
T20 સીરિઝમાં સૌથી ઓછા રન બનાવનાર ભારતીય વિકેટકીપર
46 રન: સંજુ સેમસન, 2026
51 રન: સંજુ સેમસન, 2025
58 રન: ઋક્ષભ પંત , 2022
85 રન: મહેન્દ્ર સિંઘ ધોની, 2010
85 રન: દિનેશ કાર્તિક, 2018
86 રન: મહેન્દ્ર સિંઘ ધોની, 2009
89 રન: મહેન્દ્ર સિંઘ ધોની, 2016
કેવું હતું સંજુનું પ્રદર્શન
નાગપુરમાં રમાયેલી પહેલી T20 મેચમાં તેણે 7 બોલમાં 10 રન બનાવ્યા હતા. રાયપુરમાં રમાયેલી બીજી મેચમાં સંજુ ફક્ત 6 રન બનાવી શક્યો હતો. ગુવાહાટીમાં ટીમ ઈન્ડિયાએ સીરિઝ પોતાના નામે કરી હતી. જોકે, સંજુ તે મેચમાં પોતાનું ખાતું પણ ખોલી શક્યો ન હતો. વિશાખાપટ્ટનમમાં રમાયેલી ચોથી મેચમાં સંજુએ થોડું સારું પ્રદર્શન કર્યું હતું. પરંતુ તે મોટી ઇનિંગ રમી શક્યો ન હતો. તે 15 બોલમાં 24 રન બનાવીને આઉટ થયો હતો. અને શનિવારે તેના હોમ ગ્રાઉન્ડ પર રમાયેલી મેચમાં સંજુ ફક્ત 6 રન બનાવી શક્યો હતો.
