IND vs BAN: ભારત અને બાંગ્લાદેશ વચ્ચે સીરિઝ મૂળ 2025માં યોજાવાની હતી, પરંતુ તે સમયે મુલતવી રાખવામાં આવી હતી. હવે, બાંગ્લાદેશ ક્રિકેટ બોર્ડે આ અંગે એક મોટું નિવેદન જારી કર્યું છે. બાંગ્લાદેશે આ વર્ષ માટે તેનું ઘરેલું કેલેન્ડર પણ રીલીઝ કર્યું છે. ભારતીય ટીમ ઓગસ્ટથી સપ્ટેમ્બર દરમિયાન આ ટૂર પર રહેશે, જ્યાં ODI અને T20I મેચોની સીરિઝ રમાશે. જોકે, BCCI દ્વારા હજુ સુધી આ અંગે કોઈ સત્તાવાર નિવેદન જારી કરવામાં આવ્યું નથી.
બાંગ્લાદેશ ક્રિકેટ બોર્ડે કેલેન્ડર કર્યું રીલીઝ
બાંગ્લાદેશે તેનું 2026 કેલેન્ડર જાહેર કરી દીધું છે. નોંધપાત્ર વાત એ છે કે, પાકિસ્તાન અને ઓસ્ટ્રેલિયા ઉપરાંત, ભારતીય ટીમ પણ ત્યાં ટૂર કરશે. માહિતી અનુસાર, ટીમ ઈન્ડિયા બાંગ્લાદેશમાં ત્રણ ODI અને ત્રણ T20I મેચ રમશે. કેટલાક સૂત્રોએ શેડ્યૂલ જાહેર કર્યો છે, પરંતુ BCCI એ હજુ સુધી તેને જાહેર કર્યું નથી.
વન-ડે સીરિઝ 1 સપ્ટેમ્બરથી શૂરું થશે
બાંગ્લાદેશ ક્રિકેટ બોર્ડના ઓપરેશન્સ હેડ શહરયાર નફીસે જણાવ્યું હતું કે મૂળ 2025 માટે નિર્ધારિત સીરિઝને ફરીથી શેડ્યૂલ કરવામાં આવી છે. અહેવાલ મુજબ, ટીમ ઈન્ડિયા 28 ઓગસ્ટે બાંગ્લાદેશ પહોંચશે. પ્રથમ વનડે 1 સપ્ટેમ્બરે રમાશે. સીરિઝની બીજી વનડે 3 સપ્ટેમ્બરે રમાશે અને ત્રીજો અને અંતિમ વનડે 6 સપ્ટેમ્બરે રમાશે.
T20 સીરિઝનો શેડ્યૂલ
ત્રણ મેચની T20 સીરિઝનું શેડ્યૂલ પણ જાહેર કરવામાં આવ્યું છે. તેમાં જણાવાયું છે કે સીરિઝની પહેલી મેચ 9 સપ્ટેમ્બરે, બીજી મેચ 12 સપ્ટેમ્બરે અને છેલ્લી T20 મેચ 13 સપ્ટેમ્બરે રમાશે. જોકે, બાંગ્લાદેશમાં હાલમાં પરિસ્થિતિ ખરાબ છે, તેથી ટીમ ઇન્ડિયા ત્યાં ટૂર કરશે કે નહીં તે સ્પષ્ટ નથી. એવું માનવામાં આવે છે કે BCCI સીરિઝ પહેલા રિપોર્ટ માંગશે. વધુમાં, આ શેડ્યૂલ બાંગ્લાદેશ દ્વારા પ્રદાન કરવામાં આવ્યું છે. જ્યાં સુધી BCCI સીરિઝની જાહેરાત ન કરે ત્યાં સુધી ચોક્કસ કંઈ કહેવું અશક્ય છે.
