IND vs WI T20: વેસ્ટ ઈન્ડિઝ સામે રમાયેલી ચોથી T20 મેચમાં ભારતીય ટીમને 24 રનથી પરાજયનો સામનો કરવો પડ્યો છે. આ પરાજય સાથે જ પાંચ મેચોની શ્રેણી અત્યારે રોમાંચક મોડ પર આવી ગઈ છે. ટીમ ઈન્ડિયાની આ હાર પાછળ અનેક પરિબળો જવાબદાર રહ્યા છે, પરંતુ તેમાંથી સૌથી મુખ્ય અને ચિંતાજનક કારણ વિસ્ફોટક ઓપનર અભિષેક શર્માનું કચરપટ્ટી જેવું પ્રદર્શન રહ્યું છે. હૈદરાબાદના મેદાન પર 248 રનના વિશાળ લક્ષ્યાંકનો પીછો કરવા ઉતરેલી ભારતીય ટીમને ઓપનિંગમાં જે ધમાકેદાર શરૂઆતની જરૂર હતી, તે અભિષેક શર્મા આપવામાં સાવ નિષ્ફળ નીવડ્યો હતો.
સંજુ સેમસનની તોફાની રમત પણ અભિષેક શર્માના ધીમા સ્ટ્રાઈક રેટ સામે એળે ગઈ
248 રનનો મોટો સ્કોર ચેઝ કરતી વખતે સંજુ સેમસને બીજા છેડેથી આક્રમક બેટિંગ કરીને ભારતીય ઈનિંગ્સને ઝડપી ગતિ આપી હતી. પરંતુ ટીમના વિસ્ફોટક બેટર ગણાતા અભિષેક શર્માએ ચાહકોને ભારે નિરાશ કર્યા હતા. તેણે ક્રિઝ પર સમય વિતાવ્યો ખરો, પરંતુ રન બનાવવાની ઝડપ જાળવી શક્યો નહોતો. અભિષેકે 24 બોલનો સામનો કરીને માત્ર 29 રન જ બનાવ્યા હતા, જેમાં તેનો સ્ટ્રાઈક રેટ માત્ર 120.83નો રહ્યો હતો. T20 ક્રિકેટમાં ખાસ કરીને જ્યારે 200થી વધુ રનનો પીછો કરવાનો હોય ત્યારે આટલી ધીમી રમત મિડલ ઓર્ડરના બેટર્સ પર અસહ્ય દબાણ ઊભું કરે છે.
200 પ્લસના ટાર્ગેટ ચેઝમાં અભિષેક શર્માનો ફ્લોપ શો
આંકડાઓ તપાસતા એક ખૂબ જ ચોંકાવનારો ખુલાસો થયો છે કે જ્યારે પણ ભારતીય ટીમે T20 આંતરરાષ્ટ્રીય ક્રિકેટમાં 200 કે તેથી વધુ રનના લક્ષ્યાંકનો પીછો કરવો પડ્યો છે, ત્યારે-ત્યારે અભિષેક શર્મા સંપૂર્ણપણે ફ્લોપ સાબિત થયો છે. આવી સ્થિતિમાં અભિષેક કાં તો ઈનિંગ્સની શરૂઆતમાં જ પોતાની વિકેટ ગુમાવી દે છે અથવા તો ખૂબ જ ધીમી બેટિંગ કરીને ટીમ પર રન રેટનું દબાણ વધારી દે છે. મોટા ટાર્ગેટ ચેઝ કરતી વખતે તેનો આત્મવિશ્વાસ ડગમગી જતો હોય તેવું સ્પષ્ટ દેખાઈ રહ્યું છે.
200થી વધુ રનના ચેઝમાં 29 રન જ અભિષેકનો સર્વોચ્ચ સ્કોર!
હજુ સુધીના પોતાના કરિયરમાં 200થી વધુ રનના લક્ષ્યાંકનો પીછો કરતી વખતે અભિષેક શર્મા ક્યારેય 30 રનના આંકડા સુધી પણ પહોંચી શક્યો નથી. આ પરિસ્થિતિમાં અડધી સદી તો તેના માટે બહુ દૂરની વાત બની ગઈ છે. ચોથી T20 મેચમાં વેસ્ટ ઈન્ડિઝ સામે બનાવેલા 29 રન જ 200 પ્લસ ચેઝમાં તેનો અત્યાર સુધીનો સૌથી સર્વોચ્ચ સ્કોર છે. આ આંકડો દર્શાવે છે કે જ્યારે પણ ટીમને મોટા સ્કોરનો પીછો કરતી વખતે તેની પાસેથી એક કેપ્ટન ઈનિંગ્સની આશા હોય છે, ત્યારે તે અપેક્ષાઓ પર ખરો ઊતરી શકતો નથી.
માત્ર 10થી ઓછી સરેરાશ દર્શાવે છે અભિષેકની નબળાઈ
જો 200થી વધુ રનના લક્ષ્યાંક વખતે અભિષેક શર્માના એકંદર આંકડાઓ પર નજર કરીએ તો તે અત્યંત નબળા અને ચિંતાજનક છે. મોટા ચેઝ દરમિયાન તેણે 10થી પણ ઓછી સરેરાશથી કુલ માત્ર 59 રન બનાવ્યા છે. આ દરમિયાન તે બે વાર તો ખાતું ખોલાવ્યા વિના (0 રને) આઉટ થઈને પેવેલિયન પરત ફર્યો છે. આ આંકડા જ સાબિત કરે છે કે મોટા ટાર્ગેટ ચેઝ કરતી વખતે અભિષેક શર્મા પર બિલકુલ ભરોસો કરી શકાય તેમ નથી અને ટીમે ભવિષ્યની મેચો માટે તેની આ નબળાઈ પર ગંભીરતાથી વિચારવું પડશે.
