IND vs WI 1st ODI: ભારત અને વેસ્ટઈન્ડિઝ વચ્ચેની ત્રણ મેચની ODI સિરીઝનો પ્રારંભ 27 સપ્ટેમ્બર 2026થી થશે. સિરીઝની પ્રથમ મેચ તિરુવનંતપુરમના ગ્રીનફિલ્ડ ઇન્ટરનેશનલ સ્ટેડિયમમાં રમાશે. આ મેચ બપોરે 2 વાગ્યે શરૂ થશે, જ્યારે તેના 30 મિનિટ પહેલાં એટલે કે બપોરે 1:30 વાગ્યે ટોસ થશે.
ભારત-વેસ્ટઈન્ડિઝ વચ્ચે રોમાંચક મુકાબલો
વેસ્ટઈન્ડિઝની ટીમ શાઈ હોપની કેપ્ટનશીપમાં ભારત પ્રવાસે આવી છે, જ્યારે ભારતીય ODI ટીમની કમાન શુભમન ગિલ સંભાળશે. ત્રણ મેચની આ ODI સિરીઝમાં 27 સપ્ટેમ્બર, 30 સપ્ટેમ્બર અને 3 ઓક્ટોબરે મુકાબલા રમાશે. ત્રણેય મેચ બપોરે 2 વાગ્યે શરૂ થવાની છે. પ્રથમ ODIમાં રોહિત શર્મા અને વિરાટ કોહલી પણ ભારતીય ટીમનો ભાગ છે. બંને અનુભવી બેટર્સની હાજરીને કારણે પ્રથમ મેચને લઈને ક્રિકેટ ચાહકોમાં ખાસ ઉત્સુકતા જોવા મળી રહી છે.
મેચ કેટલા વાગ્યા સુધી ચાલશે?
આ 50 ઓવરની ODI મેચ હોવાથી સામાન્ય રીતે મુકાબલો લાંબો ચાલે છે. જો મેચમાં કોઈ વિક્ષેપ ન આવે અને બંને ટીમો સંપૂર્ણ 50-50 ઓવર રમે, તો મેચ સાંજથી રાત સુધી ચાલી શકે છે. જોકે, વરસાદ અથવા અન્ય કારણોસર સમય બદલાઈ શકે છે.
ક્યાં જોઈ શકાશે Live?
ભારત અને વેસ્ટઈન્ડિઝ વચ્ચેની પ્રથમ ODIનું ભારતમાં ટેલિવિઝન પ્રસારણ Star Sports Network પર થશે. મોબાઇલ અને ડિજિટલ પ્લેટફોર્મ પર મેચનું લાઈવ સ્ટ્રીમિંગ JioHotstar પર ઉપલબ્ધ રહેશે.
ભારતની ODI ટીમ
શુભમન ગિલ (કેપ્ટન), રોહિત શર્મા, વિરાટ કોહલી, ઋતુરાજ ગાયકવાડ, કેએલ રાહુલ, ધ્રુવ જુરેલ, નીતિશ કુમાર રેડ્ડી, રવિન્દ્ર જાડેજા, કુલદીપ યાદવ, પ્રસિદ્ધ કૃષ્ણા, ગુરનૂર બ્રાર, મોહમ્મદ સિરાજ, ઔકિબ નબી, યશસ્વી જયસ્વાલ અને નમન ધીર ભારતીય ODI ટીમમાં સામેલ છે.
ભારત-વેસ્ટઈન્ડિઝ ODI સિરીઝનું શેડ્યૂલ
27 સપ્ટેમ્બર: પ્રથમ ODI, તિરુવનંતપુરમ - બપોરે 2:00 વાગ્યે
30 સપ્ટેમ્બર: બીજી ODI, ગુવાહાટી - બપોરે 2:00 વાગ્યે
3 ઓક્ટોબર: ત્રીજી ODI, ન્યૂ ચંડીગઢ - બપોરે 2:00 વાગ્યે
