Lionel Messi Most Expensive Car Collection: ફૂટબોલની દુનિયાના મહાનતમ ખેલાડીઓમાં સ્થાન ધરાવતા આર્જેન્ટિનાના દિગ્ગજ ખેલાડી લિઓનલ મેસ્સી પોતાના રમત કૌશલ્ય સાથે પોતાની શાહી લાઈફસ્ટાઈલ માટે પણ જાણીતા છે. બાળપણમાં ગરીબી અને શારીરિક સ્વાસ્થ્યના સઘન પડકારોનો સામનો કરીને કરિયરની શરૂઆત કરનાર મેસ્સી આજે વિશ્વના સૌથી વધુ કમાણી કરતા એથ્લેટ્સમાંના એક છે. મેસ્સીની રોયલ લાઈફસ્ટાઈલની શાનદાર ઝલક તેમના વિશાળ અને મોંઘાદાટ કાર કલેક્શનમાં જોવા મળે છે.
મેસ્સીના ગૅરેજમાં સામેલ છે દુનિયાની શ્રેષ્ઠ લક્ઝરી ગાડીઓ
મીડિયા રિપોર્ટ્સ મુજબ, લિઓનલ મેસ્સી પાસે દુનિયાભરની સુપરકાર્સ અને સ્પોટ્સ વાહનોનું અદ્ભુત કલેક્શન છે. તેમના ગૅરેજમાં ફેરારી 335 એસ સ્પાઈડર સ્કલેટી (Ferrari 335 S Spider Scaglietti) અને ફેરારી એફ-430 સ્પાઈડર (Ferrari F430 Spider) જેવા આઈકોનિક મોડેલ્સ છે. આ સિવાય ઓડી ટ્રાયો (Audi Trio - RS6, A7, Q7), પગાની જોંડા ટ્રાઈકલર (Pagani Zonda Tricolore), મર્સિડીઝ એસએલએસ એએમજી (Mercedes SLS AMG), મસેરાટી ગ્રાન્ટુરિઝ્મો એમસી સ્ટ્રાડાલે, રેન્જ રોવર વોગ, કેડિલેક એસ્કેલેડ, લેક્સસ આરએક્સ 450H અને મિની કૂપર જેવી શાનદાર કારનો સમાવેશ થાય છે.
સૌથી સસ્તી અને સૌથી મોંઘી કારની કિંમત
મેસ્સીના આ વિશાળ કલેક્શનમાં સૌથી સસ્તી કાર મિની કૂપર માનવામાં આવે છે, જેની કિંમત આશરે 19 લાખથી 25 લાખ વચ્ચે છે. બીજી તરફ, તેમના કલેક્શનમાં સૌથી મોંઘી અને દુર્લભ કાર ફેરારી 335-S સ્પાઈડર સ્કલેટી છે, જે તેમણે એક હરાજી દરમિયાન ખરીદી હતી. આ ક્લાસિક વિન્ટેજ સુપરકારની કિંમત આશરે 339.7 કરોડ ($37.1 મિલિયન) હોવાનો અંદાજ છે.
ફૂટબોલ કરિયર અને શાનદાર સફર
લિઓનલ મેસ્સીની આગેવાની હેઠળ આર્જેન્ટિનાએ ફિફા વર્લ્ડ કપ 2022નો ઐતિહાસિક ખિતાબ જીત્યો હતો. પોતાના શાનદાર કરિયરમાં 8 વાર પ્રતિષ્ઠિત 'બેલન ડી ઓર' (Ballon d'Or) એવોર્ડ જીતનાર મેસ્સીએ ક્લબ ફૂટબોલમાં એફસી બાર્સિલોના અને પેરિસ સેન્ટ જર્મન (PSG) માટે અનેક રેકોર્ડ્સ પોતાના નામે કર્યા છે. હાલમાં તેઓ યુએસએની મેજર લીગ સોકર (MLS) ની ક્લબ ઈન્ટર માયામી (Inter Miami) તરફથી રમી રહ્યા છે.
લિઓનલ મેસ્સી અને તેમની કાર્સ અંગે વિશેષ માહિતી
ફેરારી હરાજીનો રોચક કિસ્સો: 2016માં પેરિસમાં આયોજિત હરાજીમાં ફેરારી 335-S સ્પાઈડર સ્કલેટી કાર મેળવવા માટે લિઓનલ મેસ્સી અને તેમના સમકાલીન પ્રતિસ્પર્ધી ક્રિસ્ટિયાનો રોનાલ્ડો વચ્ચે પણ બોલી લાગી હોવાની ચર્ચા જાગી હતી, જેમાં આખરે મેસ્સીએ સૌથી ઊંચી બોલી લગાવીને આ કાર પોતાના નામે કરી હતી.
ઓડી સાથેનો કરાર: એફસી બાર્સિલોના ક્લબમાં લાંબા સમય સુધી રમવા દરમિયાન સ્પોન્સરશિપ ડીલ હેઠળ મેસ્સીને દર વર્ષે ઓડી કંપની તરફથી નવીનતમ લક્ઝરી કાર્સ ભેટ સ્વરૂપે મળતી હતી.
પગાની જોંડા ટ્રાઈકલરની વિશેષતા: મેસ્સી પાસે રહેલી પગાની જોંડા ટ્રાઈકલર કાર વિશ્વમાં માત્ર 3 જ બનાવવામાં આવી હતી, જે તેને અત્યંત દુર્લભ અને ખાસ બનાવે છે.
