અફઘાન ક્રિકેટરે પાકિસ્તાનને આપી ચેતવણી, કાબુલ હુમલા બાદ ભારતને કહ્યું 'સાચો મિત્ર'

Allah Ghazanfar statement on Afghanistan Kabul airstrike: પાકિસ્તાને અફઘાનિસ્તાનના કાબુલમાં એક નશામુક્તિ હોસ્પિટલ પર હવાઈ હુમલો કર્યો, જેમાં અંદાજે 400 લોકોનાં મોત થયા અને 250થી વધુ લોકો ઘાયલ થયા છે. અફઘાન ક્રિકેટર અલ્લાહ ગજનફરે આ હુમલાની કડક નિંદા કરી અને કહ્યું કે ગરીબ લોકોના સારવાર માટેની જગ્યાને નિશાન બનાવવું સ્વીકાર્ય નથી.

400 લોકોનાં મોત થયા અને 250થી વધુ લોકો ઘાયલ
પાકિસ્તાન દ્વારા અફઘાનિસ્તાનના કાબુલમાં 2,000 બેડવાળા રિહેબિલિટેશન સેન્ટર પર ભયાનક હવાઈ હુમલો કરવામાં આવ્યો. આ હુમલામાં લગભગ 400 લોકોનાં મોત થયા અને 250થી વધુ લોકો ઘાયલ થયા છે. હોસ્પિટલનો મોટો ભાગ સંપૂર્ણપણે નષ્ટ થઈ ગયો છે. આ દુખદ ઘટનાને લઈને અફઘાન ક્રિકેટર અલ્લાહ ગજનફરે કડક પ્રતિક્રિયા આપી છે. તેમણે કહ્યું કે, ગરીબ લોકોની સારવાર માટેની જગ્યાને નિશાન બનાવવું અફઘાનિસ્તાનને સ્વીકાર્ય નથી. તેમણે આંતરરાષ્ટ્રીય સમુદાય, ખાસ કરીને ભારતને હસ્તક્ષેપ કરવા માટે અપીલ કરી છે.

અલ્લાહ ગજનફરે પાકિસ્તાનને આપી ચેતવણી
ગજનફરે અફઘાનિસ્તાનના ઇતિહાસનો ઉલ્લેખ કરતા પાકિસ્તાનને ચેતવણી આપી કે જો ઇતિહાસનું ફરી પુનરાવર્તન થશે, તો તે તેમના માટે ખૂબ જ ખરાબ સાબિત થશે. તેમણે ભારતને અફઘાનિસ્તાનનો 'સૌથી નજીકનો મિત્ર' ગણાવ્યું અને આંતરરાષ્ટ્રીય સમુદાયને આ સંકટ સમયે એક થવા અને વાતચીત દ્વારા ઉકેલ લાવવા અપીલ કરી. પાકિસ્તાને આ હવાઈ હુમલાના આરોપોને નકારી કાઢ્યા છે. આઈપીએલ 2026માં મુંબઈ ઇન્ડિયન્સની જર્સી પહેરવા જઈ રહેલા ગજનફરે એક ઇન્ટરવ્યૂમાં પોતાનું દુઃખ વ્યક્ત કર્યું છે. તેમણે કહ્યું, "ત્યાંના લોકો પાસે સારવાર માટે પૈસા નથી અને હવે તેમણે તે જગ્યાને પણ નિશાન બનાવી છે. આ અફઘાનિસ્તાનના લોકો માટે બિલકુલ સ્વીકાર્ય નથી."

સૈન્ય હુમલાઓ પાછળના હેતુ પર સવાલ
ગજનફરે સૈન્ય હુમલાઓ પાછળના હેતુ પર સવાલ ઉઠાવતા કહ્યું કે, સામાન્ય નાગરિકોને નિશાન બનાવીને કોઈ શું સાબિત કરવા માંગે છે? તેમણે ચેતવણીભર્યા સ્વરે કહ્યું, "સંપૂર્ણ દુનિયા અફઘાનિસ્તાનનો ઇતિહાસ જાણે છે. જો ઇતિહાસનું ફરી પુનરાવર્તન થશે, તો તે પાકિસ્તાન માટે ખૂબ જ ખરાબ સાબિત થશે."

ભારતને કરી ખાસ અપીલ
આઈપીએલ 2026માં મુંબઈ ઇન્ડિયન્સનો ભાગ બનવા જઈ રહેલા ગજનફરે ભારતને અફઘાનિસ્તાનનો નજીકનો મિત્ર ગણાવ્યું. તેમણે કહ્યું કે, "ભારત અમારો નજીકનો મિત્ર છે. અમે ઇચ્છીએ છીએ કે ભારત આ મુદ્દે અમારી સાથે વાત કરે અને મદદનો હાથ આગળ વધારે જેથી ભવિષ્યમાં આવા નિર્દોષ લોકોના જીવ ન જાય." તેમણે આગળ કહ્યું કે, "આજકાલ દુનિયા પહેલેથી જ ઘણી મુશ્કેલીઓનો સામનો કરી રહી છે, ત્યારે યુદ્ધ અને સંઘર્ષ કોઈના હિતમાં નથી."