Virat Kohli New 12th Tattoo Water Ripple Design: ભારતીય ક્રિકેટ ટીમના દિગ્ગજ બેટ્સમેન વિરાટ કોહલીએ વેસ્ટઈન્ડિઝ સામેની આગામી વનડે સીરીઝ પહેલાં પોતાના લુક અને ટેટૂ કલેક્શનમાં નવો ઉમેરો કર્યો છે. વિરાટ પોતાના ડાબા હાથ પર 12મું ટેટૂ બનાવડાવી રહ્યો છે, જેની તસવીરો સોશિયલ મીડિયા પર વાયરલ થઈ રહી છે. આ નવું ટેટૂ તેના ડાબા બાઈસેપ પર જૂના ડિઝાઇન સાથે જોડાઈ રહ્યું છે, જેનો પેટર્ન પાણીની સપાટી પર ટીપું પડ્યા બાદ બનતી લહેરો (Ripples) જેવો દેખાય છે.
5 સેશન પૂર્ણ, હજુ પણ કામ બાકી
મુંબઈના જાણીતા ટેટૂ આર્ટિસ્ટ એલન ગોઈસના જણાવ્યા અનુસાર, આ ટેટૂ બનાવવા માટે અત્યાર સુધીમાં 5 કઠિન સેશન પૂર્ણ થઈ ચૂક્યા છે પરંતુ, હજુ પણ કામ પૂર્ણ થયું નથી. એલને કોહલી સાથેની તસવીરો સોશિયલ મીડિયા પર શેર કરી હતી. આ પ્રોજેક્ટની શરૂઆત IPL-2026 પહેલાં થઈ હતી, જેમાં વિરાટ પોતાના જૂના ટેટૂઝને હટાવવાને બદલે તેને એક નવી યુનિફાઈડ સ્લીવ (Unified Sleeve)માં રીસ્ટોર અને રીફાઈન કરી રહ્યો છે.
માતા-પિતાના નામથી લઈને આધ્યાત્મિક પ્રતીકો
વિરાટ કોહલી માટે ટેટૂ માત્ર ફેશન નથી, પરંતુ તેના જીવનના વિવિધ પાસાઓ અને આધ્યાત્મિકતાનું પ્રતીક છે. આ નવી સ્લીવ ટ્રાન્સફોર્મેશનમાં તેના શિવ-ઈન્સપાયર્ડ આર્મબેન્ડને ફરીથી ડિઝાઇન કરાયું છે. જેમાં 'ડોટવર્ક મંડલા', કમળ (Lotus) અને પિઓની (Peony) જેવા ફૂલોની ડિઝાઇન ઉમેરવામાં આવી છે, જે દ્રઢતા અને વ્યક્તિગત વિકાસનું પ્રતીક છે. આ સિવાય તેના શરીર પર માતા સરોજ અને પિતા પ્રેમનું નામ તેમજ 'ઓમ' અને ભગવાન શિવના પ્રતીકો પણ કોતરાયેલા છે.
કોહલીના 11 જૂના ટેટૂઝનું લિસ્ટ
આ નવું ટેટૂ પૂર્ણ થયા પછી વિરાટના શરીર પર કુલ 12 ટેટૂ થશે. અગાઉના 11 ટેટૂઝમાં:
જપાની સામૂરાઈ (યૌદ્ધા)
ગોડ્સ આઈ (દિવ્ય નજર)
ભગવાન શિવ
મોનેસ્ટ્રી (મઠ)
વનડે ડેબ્યૂ નંબર 175
ટેસ્ટ ડેબ્યૂ નંબર 269
માતા સરોજનું નામ
પિતા પ્રેમનું નામ
સ્કોર્પિયો (વૃશ્ચિક રાશિ)
ટ્રાઈબલ આર્ટ
ઓમ (ॐ) નો સમાવેશ થાય છે.
ઈન્ટરનેશનલ ક્રિકેટમાં 18 વર્ષ પૂર્ણ
વિરાટ કોહલીએ ઓગસ્ટ 2008માં શ્રીલંકા સામે ઈન્ટરનેશનલ ક્રિકેટમાં ડેબ્યૂ કર્યું હતું અને હાલમાં જ તેણે આંતરરાષ્ટ્રીય ક્રિકેટમાં પોતાના ૧૮ સફળ વર્ષ પૂર્ણ કર્યા છે. પોતાની શાનદાર કરિયરમાં તેણે 28000થી વધુ રન અને 85 આંતરરાષ્ટ્રીય સદી ફટકારી છે. જો તે 100 સદીનો આંકડો પાર કરશે તો સચિન તેંડુલકર પછી આમ કરનાર વિશ્વનો બીજો બેટ્સમેન બનશે.
વિરાટ કોહલીના ટેટૂઝ અને કરિયર અંગે વિશેષ માહિતી
ટેટૂ આર્ટિસ્ટ એલન ગોઈસ અને 'કિંગ્સ સ્ટેચ્યુ': વિરાટના આ નવા ટેટૂ પર કામ કરી રહેલા એલન ગોઈસ બોલીવુડ અને સ્પોર્ટ્સ સેલિબ્રિટીઝના ફેવરિટ આર્ટિસ્ટ છે. વિરાટે આ પહેલાં ૨૦૨૩માં સ્પ્રિચ્યુઅલ મંડલા ટેટૂ પણ બનાવડાવ્યું હતું, જેને પૂરું થતાં 14 કલાકનો સમય લાગ્યો હતો.
જાપાની સામૂરાઈ ટેટૂનું મહત્વ: વિરાટના ડાબા હાથ પર બનેલું સામૂરાઈ ટેટૂ તેના આક્રમક અને ક્યારેય હાર ન માનવાના વલણને દર્શાવે છે. સામૂરાઈ સંસ્કૃતિમાં આ શિસ્ત અને સમર્પણનું પ્રતીક માનવામાં આવે છે.
ICC એવોર્ડ્સ રેકોર્ડ: વિરાટ કોહલી વિશ્વનો એકમાત્ર એવો ક્રિકેટર છે, જેણે 10 ICC એવોર્ડ્સ જીત્યા છે, જેમાં સર ગારફિલ્ડ સોબર્સ ટ્રોફી (ICC ક્રિકેટર ઓફ ધ ડિકેડ) નો પણ સમાવેશ થાય છે.
ટેટૂ બનાવતા સમયે કઈ-કઈ બાબતોનું ધ્યાન રાખવું જોઈએ?
ટેટૂ આર્ટિસ્ટ અને સ્ટુડિયોની પસંદગી
હાઈજીન અને સેનિટાઈઝેશન: સ્ટુડિયો સાફ અને સેનિટાઈઝ થયેલો હોવો જોઈએ.
નવી સોય (Needle): આર્ટિસ્ટ તમારી સામે જ પેક્ડ સોય (Disposal Needle) ખોલે તે ખાસ ચકાસો. એકવાર વપરાયેલી સોયથી HIV કે હેપેટાઈટિસ જેવા ગંભીર રોગોનું જોખમ રહે છે.
ગ્લવ્ઝનો ઉપયોગ: ટેટૂ બનાવતી વખતે આર્ટિસ્ટે ડિસ્પોઝેબલ હેન્ડ ગ્લવ્ઝ પહેરેલા હોવા જોઈએ.
ટેટૂ બનાવતા પહેલા ધ્યાન રાખવા જેવી બાબતો
ઈંકની ક્વોલિટી: ટેટૂમાં વપરાતી ઈંક ઓર્ગેનિક અને સારી બ્રાન્ડની હોવી જોઈએ.
પૂરતી ઊંઘ અને ખોરાક: ટેટૂ બનાવડાવવા જતાં પહેલાં સરખો ખોરાક લો અને પૂરતા પ્રમાણમાં પાણી પીઓ, જેથી બ્લડ સુગર જળવાઈ રહે અને ચક્કર ન આવે.
અલ્કોહોલ કે પેઈનકિલર ટાળો: ટેટૂ કરાવવાના 24 કલાક પહેલાં શરાબ કે લોહી પાતળું કરતી દવાઓ ન લેવી, તેનાથી ટેટૂ બનાવતી વખતે વધુ બ્લીડિંગ થઈ શકે છે.
પેચ ટેસ્ટ: જો તમારી સ્કીન ખૂબ સેન્સિટિવ હોય, તો એલર્જીથી બચવા પહેલા નાનો પેચ ટેસ્ટ કરાવી લેવો હિતાવહ છે.
ટેટૂ બનાવ્યા પછીની સંભાળ (Aftercare)
બેન્ડેજ: આર્ટિસ્ટે લગાવેલી પટ્ટી કે ફિલ્મ ૨ થી ૪ કલાક સુધી ઉતારવી નહીં.
સફાઈ: ટેટૂને હળવા એન્ટી-બેક્ટેરિયલ સોપ અને નવશેકા પાણીથી જ સાફ કરો. તેને ઘસવું નહીં.
મોઈશ્ચરાઈઝર: આર્ટિસ્ટે સૂચવેલી આફ્ટરકેયર ક્રીમ કે એન્ટીબાયોટિક મલમ જ નિયમિત લગાવવું.
પાણીથી બચાવ: ટેટૂ સંપૂર્ણ રૂઝાઈ ન જાય ત્યાં સુધી સ્વિમિંગ, સાબુવાળા ગરમ પાણીમાં સ્નાન કે વધુ પડતા તડકાથી બચવું.
પોપડી ન ઉખાડવી: કવર પર આવતી સપાટી કે પોપડીને હાથેથી ખંજવાળવી કે ઉખાડવી નહીં, તેનાથી ટેટૂનો કલર ઝાંખો થઈ શકે છે.
