મારું ગુજરાત

સુરતના રાજ ટેક્સટાઈલ માર્કેટમાં વિકરાળ આગ, 22થી વધુ ફાયર ટેન્ડર તાત્કાલિક ઘટનાસ્થળે

10 ડિસેમ્બર, 2025•
GVGujaratvandan team
સુરતના રાજ ટેક્સટાઈલ માર્કેટમાં વિકરાળ આગ, 22થી વધુ ફાયર ટેન્ડર તાત્કાલિક ઘટનાસ્થળે

Surat textile market fire: સુરત શહેરના પર્વત પાટિયા વિસ્તારમાં આવેલા પ્રસિદ્ધ રાજ ટેક્સટાઈલ માર્કેટમાં બુધવારે અચાનક જ મોટાપાયે આગ લગતા વેપારીઓ અને આસપાસના લોકોમાં દોડધામ મચી ગઈ હતી. માર્કેટના સાતમા અને આઠમા માળેથી નીકળતા આગના ધુમાડાથી જ આગ કેટલી વિકરાળ હોઈ શકે છે તેનું અનુમાન લગાવી શકાય છે.

22થી વધુ ફાયર બ્રિગેડની ગાડીઓ ઘટનાસ્થળે
આગની જાણ થતાં જ શહેરના ફાયર બ્રિગેડ વિભાગમાંથી સતત મદદ મોકલવામાં આવી હતી. થોડા જ સમયમાં 22થી વધુ ફાયર બ્રિગેડની ગાડીઓ સ્થળ પર તૈનાત કરી દેવામાં આવી હતી અને ફાયરમેનોએ આગ પર કાબૂ મેળવવા માટે સતત પાણીનો મારો શરૂ કરી દીધો હતો. ઘટનાસ્થળે પોલીસનો કાફલો પણ તરત જ પહોંચી ગયો હતો અને લોકોની ભીડને નિયંત્રિત કરી કામગીરી સરળ બને તેવા પ્રયાસો હાથ ધર્યા હતા.

આગ કેવી રીતે ફાટી નીકળી?
પ્રાથમિક તપાસ મુજબ આગના મૂળમાં ટેક્સટાઈલ માર્કેટમાં આવેલા ઇલેક્ટ્રિકલ વાયરિંગમાં ખામી હોવાનું અનુમાન લગાવવામાં આવી રહ્યું છે. ફાયર અધિકારી ઇશ્વર પટેલે જણાવ્યું કે, ચોક્કસ કારણ શું છે તેની પુષ્ટિ આગ સંપૂર્ણ રીતે શાંત થયા પછી જ મળી શકશે. માહિતી પ્રમાણે આગ ઝડપી ગતિએ ફેલાઈ હોવાથી ઉપરના માળના મોટા ભાગમાં ધુમાડો છવાઈ ગયો હતો, જેના કારણે ફાયરમેનને કામગીરી દરમિયાન મુશ્કેલીઓ પણ પડી રહી છે.

જાનહાનિ ટળી, બચાવ કામગીરી ચાલુ
સૌથી સારા સમાચાર એ છે કે અત્યાર સુધી કોઈ જાનહાનિની માહિતી સામે આવી નથી. માર્કેટમાં રહેલા વેપારીઓ અને કામદારોને સમયસર બહાર કાઢી લેવામાં આવ્યા હોવાથી મોટી દુર્ઘટના ટળી ગઈ હોવાનું માનવામાં આવે છે. ફાયર વિભાગની ટીમો માર્કેટના દરેક ભાગની તપાસ કરી રહી છે જેથી ક્યાંય કોઈ વ્યકિત ફસાઈ ન હોય તેની ખાતરી થઈ શકે. પોલીસ વિભાગ દ્વારા આસપાસના માર્ગોના ટ્રાફિકને અન્ય રસ્તાઓ તરફ વાળવામાં આવી રહ્યો છે જેથી ફાયર બ્રિગેડની ગાડીઓની અવર–જવર સરળ બને. ઉપરાંત નજીકના લોકોમાં ભય ફેલાય નહીં અને અફરાતફરી ન મચે તે માટે સતત જાહેર સુચનાઓ આપી સહકાર આપવા વિનંતી કરવામાં આવી છે.

Tags:
Surat Businessસુરત વેપારDisaster Managementઆપત્તિ વ્યવસ્થાપનMy Gujarat
અમારા WhatsApp ચેનલ સાથે જોડાઓ
તાજા અપડેટ્સ મેળવો સીધા તમારા WhatsApp પર
Join Now

Videos

હે ગોળમટોળ લાલરંગવાળા 14 કિલોના મારા પ્રિય સિલિન્ડર તું ક્યાં છે.?

હે ગોળમટોળ લાલરંગવાળા 14 કિલોના મારા પ્રિય સિલિન્ડર તું ક્યા...

16 માર્ચ, 2026
'56 ઇંચની છાતી' અને ટ્રમ્પનો આદેશ: વ્હાઇટ હાઉસથી કેમ ચાલે છે ભારતનો વહીવટ? જુઓ સનસનીખેજ વિશ્લેષણ.

'56 ઇંચની છાતી' અને ટ્રમ્પનો આદેશ: વ્હાઇટ હાઉસથી કેમ ચાલે છે...

10 માર્ચ, 2026
નીતિશ કુમારની 'એક્ઝિટ' અને પુત્ર નિશાંતની 'એન્ટ્રી'! ભાજપે બિહારમાં કેવી રીતે રમી ‘માસ્ટર ગેમ’?

નીતિશ કુમારની 'એક્ઝિટ' અને પુત્ર નિશાંતની 'એન્ટ્રી'! ભાજપે બ...

10 માર્ચ, 2026
'કેજરીવાલ તો ગિયો...'? નીચલી કોર્ટના ચુકાદા પર આટલી ગર્જના કેમ? જાણો અંદરની વાત!

'કેજરીવાલ તો ગિયો...'? નીચલી કોર્ટના ચુકાદા પર આટલી ગર્જના ક...

10 માર્ચ, 2026
શિક્ષણ મંત્રીનું રાજીનામું માંગતા CJI? ન્યાયતંત્રને બદનામ કરવાના કાવતરાનો પર્દાફાશ!

શિક્ષણ મંત્રીનું રાજીનામું માંગતા CJI? ન્યાયતંત્રને બદનામ કર...

10 માર્ચ, 2026
શું પાવરફુલ મોદીની કોઈ 'દુખતી નસ' ટ્રમ્પના હાથમાં છે?

શું પાવરફુલ મોદીની કોઈ 'દુખતી નસ' ટ્રમ્પના હાથમાં છે?

26 ફેબ્રુઆરી, 2026
 ભારતના રાજનેતાઓની રાજનીતિ પણ 3 વસ્તુઓથી ચાલે છે રેવડી કલ્ચર... રેવડી કલ્ચર... ઔર રેવડી કલ્ચર...

ભારતના રાજનેતાઓની રાજનીતિ પણ 3 વસ્તુઓથી ચાલે છે રેવડી કલ્ચર...

26 ફેબ્રુઆરી, 2026