Ahmedabad Gota Fire News: અમદાવાદના ગોતા વિસ્તારમાં આવેલા ગ્રેનાઈટના ગોડાઉનમાં અચાનક ભીષણ આગ ફાટી નીકળી હતી. આગની જાણ થતાં જ ફાયર બ્રિગેડની પાંચ ગાડીઓ ઘટનાસ્થળે પહોંચી હતી અને આગ પર કાબૂ મેળવવા પાણીનો મારો ચલાવી કામગીરી શરૂ કરી હતી. આગની જ્વાળાઓ વિકરાળ બનતાં વિસ્તારમાં અફરાતફરીનો માહોલ સર્જાયો હતો. ઘટનાની જાણ થતાં પોલીસની ટીમ પણ સ્થળ પર પહોંચી હતી. આગ કયા કારણોસર લાગી તે અંગે હજુ સુધી ચોક્કસ માહિતી સામે આવી નથી.
ગોડાઉનમાં આગ ફાટી નીકળતાં દોડધામ
ગોતામાં આવેલા ગ્રેનાઈટના ગોડાઉનમાં અચાનક આગ લાગવાની ઘટના બની હતી. આગ ઝડપથી ફેલાતાં ગોડાઉનનો મોટો ભાગ તેની લપેટમાં આવી ગયો હતો. ઘટનાની ગંભીરતાને ધ્યાનમાં રાખીને ફાયર બ્રિગેડની પાંચ ગાડીઓ સ્થળ પર પહોંચી હતી અને આગને કાબૂમાં લેવાના પ્રયાસો હાથ ધર્યા હતા.
પોલીસની ટીમ પણ ઘટનાસ્થળે પહોંચી
આગની ઘટનાને પગલે લોકોનાં ટોળાં એકઠાં થઈ ગયાં હતાં. પરિસ્થિતિને ધ્યાનમાં રાખીને પોલીસની ટીમ પણ તાત્કાલિક ઘટનાસ્થળે પહોંચી હતી. પોલીસે લોકોને આગવાળા સ્થળથી દૂર રાખવાની કામગીરી હાથ ધરી હતી, જેથી રાહત અને બચાવ કામગીરીમાં અવરોધ ઊભો ન થાય.
આગનું કારણ જાણવા તપાસ
ગોડાઉનમાં આગ કેવી રીતે લાગી તે અંગેનું ચોક્કસ કારણ હજુ સુધી સામે આવ્યું નથી. આગ પર કાબૂ મેળવવાની કામગીરી હાથ ધરવામાં આવી હતી. આગની ઘટનામાં કોઈ જાનહાનિ થઈ છે કે નહીં તે અંગે પણ સત્તાવાર વિગતોની રાહ જોવાઈ રહી છે.
