Radhika Ambani Dance Antilia Ganeshotsav: દેશના અગ્રણી ઉદ્યોગપતિ મુકેશ અંબાણીના મુંબઈ સ્થિત આવાસ 'એન્ટિલિયા' ખાતે દર વર્ષની જેમ આ વર્ષે પણ ગણેશોત્સવનું અત્યંત ભવ્ય અને શાહી આયોજન કરવામાં આવ્યું હતું. આ ગ્રાન્ડ ગણેશોત્સવમાં બોલિવૂડ, બિઝનેસ તેમજ રાજકીય જગતની અનેક નામી હસ્તીઓએ હાજરી આપી હતી પરંતુ, આ સમગ્ર આયોજનમાં સૌથી વધુ આકર્ષણનું કેન્દ્ર અંબાણી પરિવારની નાની વહુ રાધિકા અંબાણી રહી હતી. રાધિકાએ ભગવાન ગણેશની પ્રસિદ્ધ સ્તુતિ 'એકદંતાય વક્રતુંડાય' પર અત્યંત ભાવુક અને ભક્તિમય ક્લાસિકલ ડાન્સ પરફોર્મન્સ આપીને ઉપસ્થિત તમામ મહેમાનોને મંત્રમુગ્ધ કરી દીધા હતા.
લાલ કાંજીવરમ સાડી અને રોયલ લૂકે ખેંચ્યું સૌનું ધ્યાન
આ ખાસ પ્રસંગે રાધિકા અંબાણીએ લાલ રંગની આકર્ષક કાંજીવરમ સાડી ધારણ કરી હતી, જેને તેમણે પોતાની પરફોર્મન્સની અનુકૂળતા મુજબ પ્રી-સ્ટિચ્ડ સ્ક્ર્ટ સ્ટાઇલમાં કૅરી કરી હતી. આ સાડી પર એન્ટિક ગોલ્ડ મારોડી એમ્બ્રોઇડરી અને જરદોશી વર્કની ઝીણી ડિટેલિંગ કરવામાં આવી હતી. પોતાના લૂકને વધુ શાહી બનાવવા માટે રાધિકાએ ડબલ લેયર હાર, માથા પટ્ટી, કમરબંધ, ડાયમંડના કંગન તેમજ મેચિંગ ઇયરરિંગ્સ પહેર્યા હતા. નાકમાં નથ અને માથા પર નાની બિંદી સાથે હળવા મેકઅપમાં તેમનો ટ્રેડિશનલ અવતાર સોશિયલ મીડિયા પર ખુબ વખાણાઈ રહ્યો છે.
તાલબદ્ધ નૃત્ય અને પરફેક્ટ એક્સપ્રેસન્સથી બાંધ્યો સમા
'એકદંતાય વક્રતુંડાય' સ્તુતિના દરેક બોલ અને તાલ પર રાધિકા અંબાણીના એક્સપ્રેશન્સ તેમજ સચોટ સ્ટેપ્સે વાતાવરણને ભક્તિમય બનાવી દીધું હતું. તેમના આ ભક્તિમય ડાન્સનો વીડિયો સામે આવતાની સાથે જ સોશિયલ મીડિયા પર ઝડપથી વાયરલ થઈ ગયો હતો. ફેન્સ તેમની સાદગી, ભરતનાટ્યમ કૌશલ્ય અને ભારતીય સંસ્કૃતિ પ્રત્યેના લગાવની મુક્ત મને પ્રશંસા કરી રહ્યા છે. કાર્યક્રમમાં હાજર તમામ અતિથિઓએ પણ તાળીઓના ગડગડાટ સાથે રાધિકા અંબાણીની આ સુંદર રજૂઆતને બિરદાવી હતી.
રાધિકા અંબાણીની ભરતનાટ્યમની સફર
ઉલ્લેખનીય છે કે, રાધિકા અંબાણી એક તાલીમબદ્ધ ભરતનાટ્યમ નર્તકી છે. તેમણે મુંબઈની જાણીતી 'શ્રી ભ્રમર કલા કેન્દ્ર' એકેડેમીમાંથી ગુરુ ભાવના ઠાકરના માર્ગદર્શન હેઠળ આશરે 8 વર્ષ સુધી ભરતનાટ્યમની કડક તાલીમ લીધી છે. જૂન 2022માં બાંદ્રા કુર્લા કોમ્પ્લેક્સ (BKC) ના જિયો વર્લ્ડ સેન્ટર ખાતે રાધિકા અંબાણીનું 'અરંગેટ્રમ' (પ્રથમ સ્ટેજ પરફોર્મન્સ) યોજાયું હતું, જેમાં અંબાણી અને મર્ચન્ટ પરિવાર સહિત દેશના અનેક દિગ્ગજો હાજર રહ્યા હતા. અનંત અંબાણી સાથેના લગ્ન બાદ પણ રાધિકા પોતાની આ નૃત્ય કળા અને ભારતીય પરંપરાઓને જાળવી રાખવા માટે જાણીતી છે.
