Anil Kapoor Love Story and Married Life: બોલિવૂડના દિગ્ગજ અભિનેતા અને પોતાની ફિટનેસ માટે જાણીતા 'ઝકાસ' સ્ટાર અનિલ કપૂર માત્ર ફિલ્મી પડદે જ નહીં, પરંતુ રિયલ લાઈફમાં પણ એક આદર્શ પબ્લિક ફિગર તરીકે ઓળખાય છે. પોતાના પરિવાર અને પત્ની સુનીતા કપૂર પ્રત્યેનો તેમનો પ્રેમ આખી ઈન્ડસ્ટ્રી માટે એક મિસાલ સમાન છે. લગ્નના દાયકાઓ વિત્યા પછી પણ આ કપલ વચ્ચેનો પ્રેમ અકબંધ રહ્યો છે. તાજેતરમાં ટેલિવિઝન ક્ષેત્રના એક જાણીતા રિયાલિટી શો દરમિયાન અનિલ કપૂરે પોતાની અંગત જિંદગી સાથે જોડાયેલો એક એવો કિસ્સો શેર કર્યો હતો, જેને સાંભળીને ચાહકો અને દર્શકો આશ્ચર્યચકિત થઈ ગયા છે.
પત્ની સુનીતાની એ અનોખી શરત
શોના એક સ્પર્ધક સાથે વાતચીત કરતી વખતે અનિલ કપૂરે ખુલાસો કર્યો હતો કે સુનીતા સાથે લગ્ન કરવા માટે તેમણે એક ખાસ શરત માનવી પડી હતી. લગ્ન પહેલાં જ સુનીતાએ સ્પષ્ટ શબ્દોમાં કહી દીધું હતું કે તેઓ લગ્ન પછી ક્યારેય રસોડામાં જઈને રસોઈ નહીં બનાવે. સુનીતા એક મોડેલ અને સમૃદ્ધ પરિવારમાંથી આવતી હોવાથી તે પોતાની સ્વતંત્રતા અને જીવનશૈલી પ્રત્યે ખૂબ સ્પષ્ટ હતી. આ શરતે જ અનિલ કપૂરના જીવનમાં એક નવો વળાંક આવ્યો અને તેમને વધુ જવાબદાર બનાવ્યા.
"મારે એટલા સફળ બનવું હતું કે તેને રસોડામાં ન જવું પડે"
પત્નીની આ અનોખી શરત અંગે વિગતવાર વાત કરતા અનિલ કપૂરે જણાવ્યું હતું કે, "જ્યારે સુનીતાએ આ શરત મૂકી ત્યારે મેં મનોમન નક્કી કરી લીધું હતું કે મારે કરિયરમાં એટલી સખત મહેનત કરવી પડશે અને એટલા સફળ બનવું પડશે જેથી મારી પત્નીને ક્યારેય રસોડામાં જવાની કે કોઈ તકલીફ વેઠવાની જરૂર ન પડે." અનિલ કપૂરે તે શરતનો સહર્ષ સ્વીકાર કર્યો અને રાત-દિવસ મહેનત કરીને બોલિવૂડમાં પોતાનું આગવું સ્થાન બનાવ્યું. તેમણે ઉમેર્યું કે, આજે આટલા વર્ષો વિત્યા પછી પણ તેમણે પોતાનું વચન નિભાવ્યું છે અને સુનીતા ક્યારેય રસોડામાં ગઈ નથી.
1984 ના એ લગ્ન અને દાયકાઓ જૂનો પ્રેમ
અનિલ કપૂર અને સુનીતાના લગ્ન વર્ષ 1984માં ખૂબ જ સાદગીપૂર્ણ રીતે થયા હતા. માત્ર 30 મિનિટના ટૂંકા સમયગાળામાં વિધિપૂર્ણ રીતે સંપન્ન થયેલા આ લગ્ન પાછળ બંનેની અપાર સમજણ અને પ્રેમ હતો. શરૂઆતના દિવસોમાં સંઘર્ષ હોવા છતાં, સુનીતાએ અનિલ કપૂરના કરિયરના દરેક તબક્કે સાથ આપ્યો અને અનિલ કપૂરે પણ પત્નીની દરેક ઈચ્છાનો આદર કર્યો. આજે 42 વર્ષ કરતાં પણ વધુ સમય વિતી ગયો હોવા છતાં બંને વચ્ચેનો પ્રેમ અને આદર તેવો જ જળવાઈ રહ્યો છે.
સોશિયલ મીડિયા પર વાયરલ થયો આ પ્રેરણાદાયી કિસ્સો
રિયાલિટી શોમાં અનિલ કપૂર દ્વારા કરવામાં આવેલો આ ખુલાસો હાલ સોશિયલ મીડિયા પર ખૂબ જ ઝડપથી વાયરલ થઈ રહ્યો છે. ચાહકો આ કિસ્સાને માત્ર એક રમૂજી કે રસપ્રદ કિસ્સા તરીકે નહીં, પરંતુ એક સફ્ળ લગ્નજીવન અને પુરુષના સમર્પણની પ્રેરણાદાયી વાર્તા તરીકે જોઈ રહ્યા છે. નેટિઝન્સ અનિલ કપૂરની મહેનત અને પોતાની પત્ની પ્રત્યેના પ્રેમ તેમજ વચનપાલનની મુક્ત મને પ્રશંસા કરી રહ્યા છે.
