Salman Khan Ganpati Visarjan: બોલિવૂડ એક્ટર સલમાન ખાન મંગળવારે ખાન પરિવારના ગણપતિ વિસર્જનમાં સામેલ થયો હતો. તેણે પરિવારના સભ્યો સાથે ગણપતિ બાપ્પાની આરતી કરી હતી. આ વખતે ખાન પરિવારે સોહેલ ખાનના ઘરે ગણેશ ચતુર્થીનું આયોજન કર્યું હતું.
સલમાન ખાને ઊંધી આરતી ઉતારી, અર્પિતાએ ભૂલ સુધારી
ગણપતિ વિસર્જનનો એક વીડિયો સામે આવ્યો છે, જેમાં સલમાન ખાન ગણપતિ બાપ્પાની ઊંધી આરતી કરતો જોવા મળી રહ્યો છે. થોડા સમય બાદ તેની નાની બહેન અર્પિતા ખાને તેને ટોક્યો અને આરતી કરવાની સાચી રીત જણાવી. બહેનની સલાહ મળ્યા બાદ સલમાને તરત પોતાની ભૂલ સુધારીને યોગ્ય રીતે આરતી કરી હતી. આ વિસર્જન દરમિયાન સલમાન ખાનની રૂમર્ડ ગર્લફ્રેન્ડ યૂલિયા વંતૂર પણ સોહેલ ખાનના ઘરે પહોંચી હતી. સલમાન બાદ યૂલિયાએ પણ ગણપતિ બાપ્પાની આરતી કરી હતી. આ દરમિયાન અર્પિતા તેને પણ આરતી કરવાની રીત સમજાવતી જોવા મળી હતી.
વિસર્જનમાં અલગ લુકમાં જોવા મળ્યો સલમાન
ગણેશ ચતુર્થીના વિવિધ કાર્યક્રમોમાં સલમાન ખાને પોતાનો લુક બદલ્યો હતો. સોહેલ ખાન અને અંબાણી પરિવારના ઘરે ગણપતિ સ્થાપનાના પ્રસંગે તે અલગ અંદાજમાં જોવા મળ્યો હતો. વિસર્જન દરમિયાન પણ તેનો કેઝ્યુઅલ અને સ્ટાઇલિશ લુક જોવા મળ્યો. તેણે ટી-શર્ટ સાથે હાફ લેધર જેકેટ અને વિન્ટર કેપ પહેરી હતી. સોહેલ ખાનના ઘરે વિસર્જન માટે પહોંચેલા સલમાનનું ધ્યાન સ્ટાફના ખોળામાં સૂઈ રહેલી એક બાળકીએ ખેંચ્યું હતું. સલમાન તેની પાસે ગયો હતો અને બાળકીને પંપાળી હતી. આ ક્ષણનો વીડિયો પણ સોશિયલ મીડિયા પર જોવા મળી રહ્યો છે.
સલમાને અંબાણી પરિવારના ઘરે બાપ્પાના આશીર્વાદ લીધા
સલમાન ખાન અંબાણી પરિવારના ગણપતિ સેલિબ્રેશનમાં પણ સામેલ થયો હતો. આ દરમિયાન તેણે ગણપતિ બાપ્પાના દર્શન કરીને ફૂલ અર્પણ કર્યા હતા. સલમાન નવા લુક સાથે એન્ટિલિયા પહોંચ્યો હતો અને ત્યાં તસવીરો પણ ક્લિક કરાવી હતી. થોડીવાર બાદ સલમાન ગણપતિની પ્રતિમા પાસે ગયો હતો અને બાપ્પાના આશીર્વાદ લીધા હતા. પંડિતજીએ તેને તિલક લગાવીને પટકો પહેરાવ્યો હતો. ત્યારબાદ સલમાને ગણપતિ બાપ્પાને પુષ્પ અર્પણ કર્યા હતા.
