Kareena Kapoor Khan Angry On Paparazzi Daayra Trailer Launch: બોલીવુડની જાણીતી એક્ટ્રેસ કરીના કપૂર ખાન પોતાની આગામી ફિલ્મ 'દાયરા'ના ટ્રેલર લોન્ચ ઈવેન્ટમાં પેપરાઝી પર ગુસ્સે થઈ ગઈ હતી. મુંબઈમાં આયોજિત આ ભવ્ય ઈવેન્ટ દરમિયાન જ્યારે કરીના કેમેરા સામે પોઝ આપી રહી હતી ત્યારે પેપરાઝીના વારંવારના નિર્દેશોથી તે અસહજ થઈ ગઈ હતી અને પોતાનો પારો ગુમાવી બેઠી હતી.
હીલ્સ પહેરી હોવાથી વારંવાર રાઈટ-લેફ્ટ થવા પર નારાજગી
ફોટોગ્રાફી સેશન દરમિયાન પેપરાઝી તેને સતત "રાઈટ જુઓ, લેફ્ટ જાવ, આ એંગલથી પોઝ આપો" તેવું કહી રહ્યા હતા. આ સતત સૂચનાઓથી પરેશાન થઈને કરીનાએ ફટોગ્રાફર્સને ટોકતા કડક અવાજે કહ્યું કે, "ક્યારેક આ બાજુ, ક્યારેક પેલી બાજુ... મેં હીલ્સ પહેરી છે!" હાઈ હીલ્સ પહેરીને વારંવાર સ્થળ અને એંગલ બદલવાનું મુશ્કેલ હોવાથી કરીનાના ચેહરા પર નારાજગી સ્પષ્ટ દેખાઈ રહી હતી.
કૃતિ સેનનના વિવાદિત એડ અને ટ્રોલિંગ પર કરીનાની ચૂપી
આ જ ઈવેન્ટ દરમિયાન જ્યારે એક રિપોર્ટરે કરીનાને પૂછ્યું કે, હાલમાં જ એક્ટ્રેસ કૃતિ સેનનના રક્ષાબંધન એડવર્ટાઈઝમેન્ટમાં કપડાંને લઈને ઘણો વિવાદ થયો છે, તો સોશિયલ મીડિયા ટ્રોલિંગ પર એક એક્ટ્રેસ તરીકે તેની શું મર્યાદાઓ હોવી જોઈએ? આ સવાલ સાંભળતાં જ કરીનાએ પોતે જવાબ આપવાને બદલે માઈક પાસે બેઠેલાં ફિલ્મ ડાયરેક્ટર મેઘના ગુલઝાર તરફ લંબાવી દીધું હતું. મેઘના ગુલઝારે સ્થિતિ સંભાળતાં જવાબ આપ્યો હતો કે, "સ્ક્રીન પર કોઈપણ કલાકારનો લુક અને કપડાં તેના પાત્ર પર નિર્ભર કરે છે, જે ડાયરેક્ટરના વિઝન મુજબ નક્કી થાય છે. આવા કિસ્સામાં માત્ર એક એક્ટરને કટઘેરામાં ઊભો કરવો યોગ્ય નથી."
ત્રીજી પ્રેગ્નન્સીની અફવાઓ અને નવી ફિલ્મ
ટ્રેલર લોન્ચ પહેલાં કરીના પોતાની પર્સનલ લાઈફને લઈને પણ ચર્ચામાં રહી હતી. તાજેતરમાં જીમ બહારનો તેનો એક વીડિયો વાયરલ થયા બાદ સોશિયલ મીડિયા પર તેની ત્રીજી પ્રેગ્નન્સીની અફવાઓ ઊડી હતી. જોકે, પાછળથી કરીનાની ટીમે સ્પષ્ટતા કરી હતી કે તે ગર્ભવતી નથી અને આ માત્ર એક અફવા હતી. કરીના કપૂર ટૂંક સમયમાં જ મેઘના ગુલઝારની ફિલ્મ 'દાયરા' માં સાઉથ સિનેમાના દમદાર અભિનેતા પૃથ્વીરાજ સુકુમારન સાથે મુખ્ય ભૂમિકામાં જોવા મળશે.
ફિલ્મ 'દાયરા' અને કરીના કપૂર અંગે વિશેષ માહિતી
મેઘના ગુલઝારનું વિઝન: મેઘના ગુલઝાર 'રાઝી' (Raazi) અને 'સેમ બહાદુર' (Sam Bahadur) જેવી સત્યઘટનાઓ પર આધારિત ઈન્ટેન્સ ફિલ્મો બનાવવા માટે જાણીતા છે. 'દાયરા' પણ એક સોશિયલ-ક્રાઈમ ડ્રામા ફિલ્મ છે જે માનવ સંવેદનાઓ અને કાયદાકીય સીમાઓ પર આધારિત છે.
પૃથ્વીરાજ સુકુમારન સાથે પ્રથમ કેમેસ્ટ્રી: સાઉથના સુપરસ્ટાર અને ડાયરેક્ટર પૃથ્વીરાજ સુકુમારન અને કરીના કપૂર પ્રથમ વાર કોઈ ફિલ્મમાં એકસાથે સ્ક્રીન શેર કરી રહ્યા છે, જેને લઈને ચાહકોમાં ભારે ઉત્સાહ છે.
પેપરાઝી કલ્ચર અને સેલેબ્સ: મુંબઈમાં પેપરાઝી કલ્ચર ખૂબ વધી ગયું છે, જ્યાં સેલેબ્સના અંગત સ્પેસ અને સુરક્ષાને લઈને અવારનવાર વિવાદો સામે આવતા રહે છે. કરીના અગાઉ પણ પોતાના બાળકો (તૈમૂર અને જેહ) ના સતત ફોટા પાડવા બદલ પેપરાઝી પર નારાજગી વ્યક્ત કરી ચૂકી છે.
