Govinda At Lalbaugcha Raja: બોલિવૂડ અભિનેતા ગોવિંદા મંગળવારે સાંજે રૂમર્ડ ગર્લફ્રેન્ડ કોમલ રાની સ્વર્ણકાર સાથે મુંબઈના લાલબાગચા રાજાના દર્શન કરવા પહોંચ્યો હતો. બંનેએ બાપ્પાની પૂજા-અર્ચના કરી અને પ્રસાદ ધરાવ્યો. આ દરમિયાન ગોવિંદા સતત કોમલ રાનીનું ધ્યાન રાખતો જોવા મળ્યો હોવાના વીડિયો સોશિયલ મીડિયા પર વાયરલ થયા છે.
ગોવિંદા-કોમલનો વીડિયો વાયરલ
લાલબાગચા રાજાના પંડાલમાં ગોવિંદા અને કોમલ રાનીએ સાથે મળીને પૂજા કરી હતી. પૂજારીએ બંનેના કપાળ પર તિલક લગાવ્યું હતું. દર્શન બાદ ગોવિંદાએ બહાર એકઠા થયેલા ચાહકોનું હાથ હલાવીને અભિવાદન પણ કર્યું હતું. બંનેની આ મુલાકાત બાદ ગોવિંદા અને કોમલ રાનીના સંબંધોને લઈને ચાલી રહેલી અફવાઓ ફરી ચર્ચામાં આવી છે.
સુનીતા આહુજા એકલી દર્શને પહોંચી
ખાસ વાત એ છે કે ગોવિંદા અને કોમલ રાનીના દર્શનના થોડા સમય પહેલાં જ ગોવિંદાની પત્ની સુનીતા આહુજા પણ લાલબાગચા રાજાના દર્શન કરવા પહોંચી હતી. સુનીતા પોતાની સુરક્ષા ટીમ સાથે એકલી જ પંડાલમાં પહોંચી હતી અને બાપ્પાના દર્શન કર્યા હતા.
ગયા વર્ષે સાથે ઉજવ્યો હતો ગણેશોત્સવ
ગયા વર્ષ સુધી ગોવિંદા અને સુનીતા આહુજા સાથે મળીને ગણેશોત્સવની ઉજવણી કરતા જોવા મળ્યા હતા. જોકે, આ વખતે બંને અલગ-અલગ સમયે લાલબાગચા રાજાના દર્શન કરવા પહોંચ્યા છે. ગોવિંદાની કોમલ રાની સાથેની મુલાકાતનો વીડિયો સામે આવ્યા બાદ સોશિયલ મીડિયા પર બંનેના સંબંધોને લઈને ફરી ચર્ચા શરૂ થઈ છે. જોકે, બંને વચ્ચેના સંબંધ અંગે કોઈ સત્તાવાર પુષ્ટિ સામે આવી નથી.
