Purnima Tiwari Hanuman Ansh Rambeti Sharma: હાલમાં સિનેમાઘરોમાં ધૂમ મચાવી રહેલી સુપરહિટ ફિલ્મ 'હનુમાન અંશ'માં પોતાની દમદાર અદાકારીથી લોકોના દિલ જીતી લેનાર એક્ટ્રેસ પૂર્ણિમા તિવારી ભારે ચર્ચામાં છે. સોશિયલ મીડિયા પર પોતાના ગ્લેમરસ અને બોલ્ડ લુક માટે જાણીતી પૂર્ણિમાએ આ ફિલ્મમાં એકદમ અલગ અને પરંપરાગત અવતાર ધારણ કર્યો છે. તેણે ફિલ્મમાં વિશ્વવિખ્યાત સંત નીમ કરોલી બાબાની પત્ની 'રામબેટી શર્મા'નું યાદગાર પાત્ર ભજવ્યું છે.
ફિલ્મમાં રામબેટી શર્માની ભાવુક સફર
'હનુમાન અંશ'માં પૂર્ણિમા તિવારીનું પાત્ર વાર્તામાં ભાવુક અને મહત્વપૂર્ણ વળાંક લાવે છે. નીમ કરોલી બાબાના આધ્યાત્મિક માર્ગ પર સંપૂર્ણ રીતે આગળ વધતા પહેલાના તેમના પારિવારિક જીવનથી લઈને તેમના પત્ની રામબેટીના સંઘર્ષ અને સમર્પણની સફરને પૂર્ણિમાએ સ્ક્રીન પર ખૂબ જ આબેહૂબ રીતે રજૂ કરી છે.
કોણ છે પૂર્ણિમા તિવારી?
પૂર્ણિમા તિવારી ભારતીય ટેલિવિઝન અને OTT વર્લ્ડની એક જાણીતી એક્ટ્રેસ છે.
ટીવી અને OTT: 'હનુમાન અંશ' પહેલાં તે એકતા કપૂરના શો 'પ્યાર કી રાહતેં', સુપરહિત ટીવી સીરિયલ 'ગુમ હૈ કિસી કે પ્યાર મેં' અને 'છૂના' જેવી વેબ સિરીઝમાં નજરે પડી ચૂકી છે.
બોલીવુડ ફિલ્મો: તેણે બોલીવુડની જાણીતી ફિલ્મો જેવી કે 'રાત અકેલી હૈ' (નવાઝુદ્દીન સિદ્દીકી સાથે), 'હુરદંગ' અને 'લકીરેં'માં પણ મહત્વની ભૂમિકાઓ ભજવી છે.
રિયલ લાઈફમાં ગ્લેમરસ અને ફિલ્મમાં ગામડિયો લૂક
પૂર્ણિમા રિયલ લાઈફમાં સોશિયલ મીડિયા પર ખૂબ જ એક્ટિવ રહે છે અને ઈન્સ્ટાગ્રામ પર તેના 73 હજારથી વધુ ફોલોઅર્સ છે. ઈન્સ્ટાગ્રામ પર તેની ગ્લેમરસ અને ટ્રેન્ડી તસવીરો જોવા મળે છે પરંતુ, 'હનુમાન અંશ' માટે તેણે જે ડી-ગ્લેમ અને સાધારણ ગ્રામીણ લુક અપનાવ્યો છે, તેને કારણે થિયેટરમાં પ્રેક્ષકો માટે તેને ઓળખવી પણ મુશ્કેલ બની ગઈ હતી. તેના આ ટ્રાન્સફોર્મેશનની ચારેય તરફ પ્રશંસા થઈ રહી છે.
2 કરોડના બજેટ સામે 50 કરોડની કમાણી
વિશાલ ચતુર્વેદી દ્વારા લિખિત અને નિર્દેશિત આ ફિલ્મ 7 ઓગસ્ટે સિનેમાઘરોમાં રિલીઝ થઈ હતી. માત્ર 2 કરોડના નાના બજેટમાં બનેલી 'હનુમાન અંશ' એ રિલીઝના 25 દિવસમાં 50 કરોડથી વધુનું બોક્સ ઓફિસ કલેક્શન કરીને ઈતિહાસ રચ્યો છે. ફિલ્મમાં ચંદન આનંદ, શોભિનવ સત્યા અને પૂર્ણિમા તિવારીની મુખ્ય ભૂમિકાઓ છે.
નીમ કરોલી બાબા અને ફિલ્મ અંગે વિશેષ માહિતી
નીમ કરોલી બાબાનું જીવન: નીમ કરોલી બાબા (મહારાજજી) 20મી સદીના ભારતના સૌથી મહાન સંતોમાંના એક ગણાય છે. ઉત્તરાખંડ સ્થિત તેમનો 'કેંચી ધામ' આશ્રમ વિશ્વભરમાં પ્રખ્યાત છે.
આંતરરાષ્ટ્રીય ભક્તો: એપલના સ્થાપક સ્ટીવ જોબ્સ, ફેસબુકના માર્ક ઝુકરબર્ગ અને હોલીવુડ એક્ટ્રેસ જૂલિયા રોબર્ટ્સ જેવા વૈશ્વિક દિગ્ગજો પણ નીમ કરોલી બાબાના પરમ ભક્ત રહી ચૂક્યા છે.
રામબેટી શર્માનો ત્યાગ: નીમ કરોલી બાબાએ માત્ર 11 વર્ષની વયે રામબેટીજી સાથે લગ્ન કર્યા હતા. પાછળથી સંસાર ત્યાગીને સાધુ બન્યા બાદ પણ તેમના પત્ની રામબેટીજીએ ધૈર્ય અને ભક્તિ સાથે પરિવારની જવાબદારી સંભાળી હતી.
