Bigg Boss 20 Episode 3 Nomination Drama and High Voltage Fights: બિગ બોસ 20ના ત્રીજા જ એપિસોડથી ઘરનું વાતાવરણ સંપૂર્ણપણે બદલાઈ ગયું છે. શોની શરૂઆત કેપ્ટનસી ટાસ્કથી થઈ હતી, જ્યાં સ્પર્ધકો વચ્ચે જીત મેળવવા માટે ભારે હોબાળો જોવા મળ્યો હતો. આ ટાસ્ક દરમિયાન કનિકા માને પોતાની વિશેષ 'ટાસ્કમાસ્ટર' પાવરનો ઉપયોગ કરીને કાઝી તૌકીરને આ દોડમાંથી બહાર કરી દીધો હતો. આ સ્પર્ધામાં સૌથી પહેલા ઈશા રિખી, અમન ગાંધી અને ભોજપુરી અભિનેત્રી આમ્રપાલી દુબે રેસમાંથી આઉટ થયા હતા. ત્યાર બાદ ઉદિતિ સિંહ, મેરી કોમ, રોહીદ ખાન, કનિકા માન, અરિશ્ફા ખાન અને સ્કાઉટ પણ એક પછી એક એલિમિનેટ થઈ ગયા હતા. અંતમાં માત્ર ગુલ્લુ, આસિફ ખાન અને યંગ ડીએસ વચ્ચે ખરી ટક્કર જોવા મળી હતી.
'ઉંમર'ના મુદ્દા પર આમ્રપાલી અને અરિશ્ફા સામસામે
ટાસ્ક પૂર્ણ થયા બાદ ઘરની અંદર અસલી ડ્રામા શરૂ થયો હતો. વાતચીત દરમિયાન સોશિયલ મીડિયા ફેમ અરિશ્ફા ખાન અને ભોજપુરી ક્વીન આમ્રપાલી દુબે વચ્ચે ઉંમરના મુદ્દાને લઈને ભારે બોલાચાલી થઈ ગઈ હતી. બંને વચ્ચેનો વિવાદ એટલો વધી ગયો કે ઘરના અન્ય સભ્યોએ વચ્ચે પડીને મામલો થાળે પાડવો પડ્યો હતો. બિગ બોસના ઘરમાં શરૂઆતના દિવસોમાં જ આ પ્રકારે બે જાણીતા ચહેરાઓ સામસામે આવી જતાં આવનારા દિવસોમાં ઘરમાં મોટો ધમાકો થવાના સંકેતો મળી રહ્યા છે.
પ્રથમ નોમિનેશનની પ્રક્રિયા અને 4 સ્પર્ધકો પર જોખમ
આ જ એપિસોડમાં બિગ બોસ સીઝન 20ની પ્રથમ નોમિનેશન પ્રક્રિયા પણ પાર પાડવામાં આવી હતી. પ્રથમ જ નોમિનેશનમાં ઘરના વાતાવરણમાં તણાવ ચરમસીમાએ પહોંચી ગયો હતો. નોમિનેશનના અંતે 4 કન્ટેસ્ટન્ટ્સ પર એવિક્શનની તલવાર લટકી રહી છે અને તેમના પર શોમાંથી બહાર ફેંકાવવાનું જોખમ મંડરાઈ રહ્યું છે. ઘરના સભ્યો દ્વારા કરવામાં આવેલા વોટિંગ અને વ્યૂહરચનાએ સ્પષ્ટ કરી દીધું છે કે આ સીઝનમાં ટકી રહેવું કોઈ માટે સરળ નહીં હોય.
અંગત સંબંધો અને લાઇફલાઇનની રમત
નોમિનેશન અને ઝઘડાઓ ઉપરાંત એપિસોડમાં લાગણીઓ અને અંગત જીવનના સવાલો પણ છવાયેલા રહ્યા હતા. શો દરમિયાન આસિફ ખાન અને ઈશા રિખી વચ્ચેની વાતચીતમાં બાદશાહ સાથેના ઈશાના સંબંધો અંગે ચર્ચા નીકળી હતી, જેના પર ઈશાએ મૌન જાળવવાનું પસંદ કર્યું હતું. બીજી તરફ, રમત આગળ વધવાની સાથે જ સ્પર્ધકો પોતાની લાઇફલાઇન બચાવવા માટે નવી નવી રણનીતિઓ ઘડતા જોવા મળ્યા હતા.
દર્શકો માટે મનોરંજનનો ધમાકો
બિગ બોસ 20ની શરૂઆતથી જ સ્પર્ધકો વચ્ચે શરૂ થયેલી આ ખેંચતાણ દર્શકો માટે ભારે મનોરંજક સાબિત થઈ રહી છે. ટાસ્ક, નોમિનેશન અને ઘરની અંદર ઉભા થતા મતભેદો એ બાબતની સાબિતી છે કે આગામી દિવસોમાં આ રિયાલિટી શોમાં વધુ હાઈ-વોલ્ટેજ ડ્રામા જોવા મળશે. હવે એ જોવું રસપ્રદ રહેશે કે પ્રથમ એવિક્શનમાં કયા સ્પર્ધકની ઘરવાપસી થાય છે.
