Arijit Singh net worth: લગભગ એક દાયકાના કારકિર્દીમાં અરિજિત સિંહે હિન્દી, બંગાળી, મરાઠી અને તેલુગુ સહિત અનેક ભાષાઓમાં લગભગ 300થી વધુ ગીતો ગાયા છે. તેમના અસંખ્ય રોમેન્ટિક ગીતોએ તેમને મ્યુઝિક ઇન્ડસ્ટ્રીમાં મજબૂત સ્થાન અપાવ્યું છે. સિંગિંગ કરિયરમાં અરિજિતને ફેમ સાથે ઘણી ખ્યાતિ પણ મળી છે. તેમની નેટવર્થ કરોડોમાં છે.
પ્લેબેક સિંગિંગમાંથી રિટાયરમેન્ટની જાહેરાત
ફેમસ સિંગર અરિજિત સિંહે તાજેતરમાં પ્લેબેક સિંગિંગમાંથી રિટાયરમેન્ટની જાહેરાત કરીને બધાને ચોંકાવી દીધા છે. પોતાનો મધુર અવાજ અને સાદા સ્વભાવ માટે જાણીતા અરિજિતે મ્યુઝિક જગતમાં સૌથી વફાદાર ફેનબેઝમાંથી એક તૈયાર કર્યો છે. ટીવી રિયાલિટી શો 'ફેમ ગુરુકુલ' થી શરૂઆત કરીને બોલિવૂડના સૌથી વિશ્વસનીય સિંગર બન્યા સુધીની તેમની સફર ખરેખર અદ્ભુત રહી છે.
કેટલી છે અરિજિત સિંહની નેટવર્થ?
લગભગ એક દાયકાના કરિયરમાં અરિજિત સિંહે હિન્દી, બંગાળી, મરાઠી અને તેલુગુ સહિત અનેક ભાષાઓમાં લગભગ 300થી વધુ ગીતો ગાયા છે. 'ઘેરા હુઆ' (ધુરંધર), 'તૈનુ ખબર નહીં' (મુંજ્યા), 'સતરંગા' (એનિમલ) અને આવા અનેક રોમેન્ટિક સુપરહિટ ગીતોએ તેમને ઇન્ડસ્ટ્રીમાં પોતાનો દબદબો બનાવવામાં મદદ કરી છે. સિંગિંગ કરિયરમાં અરિજિતે ફેમ અને પૈસા બંને મેળવ્યા છે. એક રિપોર્ટ મુજબ, અરિજિત સિંહની અંદાજિત નેટવર્થ આશરે 414 કરોડ રૂપિયા છે. આ આંકડો તેમને ભારતના સૌથી વધુ કમાણી કરનારા સિંગર્સમાં સામેલ કરે છે. તેમની કમાણી પ્લેબેક સિંગિંગ, લાઇવ કોન્સર્ટ્સ, બ્રાન્ડ એન્ડોર્સમેન્ટ્સ અને મ્યુઝિક રોયલ્ટીમાંથી આવે છે. રિપોર્ટ મુજબ અરિજિત દર વર્ષે લગભગ 70 કરોડ રૂપિયા કમાય છે, જે સોલ્ડ-આઉટ શો અને વૈશ્વિક ફેન ફોલોઇંગના કારણે શક્ય બને છે.
ફિલ્મોમાં ગીત ગાવા માટે લે છે આટલી ફી
સિંગરે રિયલ એસ્ટેટ અને લક્ઝરી એસેટ્સમાં પણ મોટું રોકાણ કર્યું છે. અરિજિત પાસે મુંબઈના વર્સોવા વિસ્તારમાં એક બિલ્ડિંગમાં ચાર એપાર્ટમેન્ટ્સ છે, જેમાં દરેક એપાર્ટમેન્ટની કિંમત લગભગ 9 કરોડ રૂપિયા છે. તેમના કાર કલેક્શનમાં રેન્જ રોવર વોગ (1.8 થી 4 કરોડ રૂપિયા), હમર H3 અને મર્સિડીઝ-બેન્ઝ (57 લાખથી 1.5 કરોડ રૂપિયા વચ્ચે) જેવી ગાડીઓ સામેલ છે. તેમની લોકપ્રિયતાને કારણે અરિજિત પોતાના કામ માટે પ્રીમિયમ ફી લે છે. ઘણી રિપોર્ટ્સ અનુસાર, તેઓ ફિલ્મ પ્રોજેક્ટ્સમાં એક ગીત ગાવા માટે આશરે 8થી 10 લાખ રૂપિયા ચાર્જ કરે છે. જ્યારે કેટલાક ખાસ પ્રોડક્શન્સ માટે તેઓ આનાથી પણ વધુ ફી લે છે.
લાઇવ પરફોર્મન્સ માટે લે છે કરોડો
અરિજિતની લાઇવ પરફોર્મન્સની ફી આથી ઘણી વધારે છે. ગયા વર્ષે મ્યુઝિક કમ્પોઝર મોન્ટી શર્માએ HT મ્યુઝિકને આપેલા ઇન્ટરવ્યુમાં જણાવ્યું હતું કે, અરિજિત એક પરફોર્મન્સ માટે 2 કરોડ રૂપિયા ચાર્જ કરે છે. અન્ય રિપોર્ટ્સમાં દાવો કરવામાં આવ્યો છે કે તેઓ બે કલાકના લાઇવ કોન્સર્ટ માટે આશરે 14 કરોડ રૂપિયા કમાય છે, જેના કારણે તેઓ માત્ર ભારતમાં જ નહીં, પરંતુ વૈશ્વિક સ્તરે પણ સૌથી વધુ કમાણી કરનારા મ્યુઝિશિયન્સમાં સામેલ છે.
સિંગિંગ છોડવાની જાહેરાત કરીને ફેન્સને ચોંકાવી દીધા
બે વખત નેશનલ એવોર્ડ જીતનાર અરિજિતે પ્લેબેક સિંગિંગ છોડવાની જાહેરાત કરીને ફેન્સને ચોંકાવી દીધા છે. પોતાની પોસ્ટમાં અરિજિતે લખ્યું હતું, "હેલો, સૌને હેપ્પી ન્યૂ યર. છેલ્લા ઘણા વર્ષોમાં મળેલા તમારા પ્રેમ માટે હું આપ સૌનો આભાર માનું છું. શ્રોતાઓ તરીકે તમે મને ખુબ જ પ્રેમ આપ્યો. હું ખુશીથી જાહેરાત કરું છું કે, હવે હું પ્લેબેક વોકલિસ્ટ તરીકે કોઈ નવી અસાઇનમેન્ટ સ્વીકારવાનો નથી. હું અહીં વિરામ લઈ રહ્યો છું. આ એક અદભુત સફર રહી છે." આ સમાચારથી ફેન્સનું દિલ તૂટી ગયું છે.
