દેશ-વિદેશ

પંજાબના પટિયાલામાં ધડાકાભેર તૂટી પડ્યો લોખંડનો પુલ, બે ટ્રકો લટકી જતાં વિસ્તારમાં અફરાતફરી

19 નવેમ્બર, 2026•
GVGujaratvandan team
પંજાબના પટિયાલામાં ધડાકાભેર તૂટી પડ્યો લોખંડનો પુલ, બે ટ્રકો લટકી જતાં વિસ્તારમાં અફરાતફરી

Punjab Bridge Collapse News: પંજાબના પટિયાલા-સંગરુર માર્ગ પર નહેર ઉપર બનેલો લોખંડનો પુલ ગુરુવારે સવારે અચાનક ધરાશાયી થતાં અફરાતફરી મચી ગઈ હતી. દુર્ઘટના સમયે પુલ પરથી બે ટ્રક પસાર થઈ રહ્યા હતા. પુલ તૂટતાં જ બંને ટ્રક નહેરમાં ખાબકીને લટકી પડ્યા હતા. ઘટનાની જાણ થતાં જ વહીવટી તંત્રની ટીમો અને ફાયર બ્રિગેડનો કાફલો ઘટનાસ્થળે પહોંચી ગયો હતો અને તાત્કાલિક રાહત-બચાવ કામગીરી શરૂ કરવામાં આવી હતી.

નહેરમાં લટકતા ટ્રકોમાં લાગી ભીષણ આગ
પુલ ધરાશાયી થતાં બંને ટ્રક નહેરમાં ફસાઈને લટકી ગયા હતા. દુર્ઘટના બાદ બંને ટ્રકમાં ભીષણ આગ ફાટી નીકળી હતી. ફાયર વિભાગની ગાડીઓ દ્વારા આગ પર કાબૂ મેળવવાના પ્રયાસો હાથ ધરવામાં આવ્યા હતા. બીજી તરફ, તૂટેલા પુલના કાટમાળ પરથી ભાખડા નહેરનું પાણી વહેવા લાગતાં પરિસ્થિતિ વધુ ગંભીર બની હતી. સ્થિતિને નિયંત્રિત કરવા માટે તંત્ર દ્વારા યુદ્ધના ધોરણે કામગીરી કરવામાં આવી રહી છે.

બંને ટ્રક ડ્રાઇવરોનો સુરક્ષિત બચાવ
આ અકસ્માતમાં રાહતની વાત એ છે કે બચાવ ટીમોએ બંને ટ્રક ડ્રાઇવરોને સુરક્ષિત રીતે બહાર કાઢી લીધા છે. ઘટનામાં કોઈ જાનહાનિના સમાચાર નથી. સુરક્ષાને ધ્યાનમાં રાખીને વહીવટી તંત્રએ પુલની બંને તરફ બેરિકેડિંગ કરી વાહનવ્યવહાર સંપૂર્ણપણે બંધ કરી દીધો છે. મુસાફરોની સુવિધા માટે વાહનોને નજીકના બીજા પુલ પરથી પસાર કરવાની વ્યવસ્થા કરવામાં આવી છે.

પુલના બાંધકામ અને ટ્રકોના ઓવરલોડિંગ પર સવાલ
મળતી માહિતી મુજબ, આ નેશનલ હાઇવે અને પુલનું નિર્માણ વર્ષ 2016ની આસપાસ કરવામાં આવ્યું હતું. સ્થાનિક સ્તરે અગાઉ પણ પુલમાં તિરાડો પડી હોવાની ફરિયાદો સામે આવી હતી. હવે અચાનક પુલ ધરાશાયી થતાં તેના બાંધકામની ગુણવત્તા અને મજબૂતી સામે ગંભીર સવાલો ઊભા થયા છે. આ ઉપરાંત, દુર્ઘટના સમયે પુલ પરથી પસાર થઈ રહેલા બંને ટ્રક ઓવરલોડ હોવાની પણ ચર્ચા છે. જોકે, પુલ તૂટવા પાછળનું ચોક્કસ કારણ જાણવા માટે તંત્ર દ્વારા વધુ તપાસ હાથ ધરવામાં આવી છે.

Tags:
GujaratVandanPunjab Accident NewsBhakra CanalTwo Trucks FireIron Bridge Collapse
અમારા WhatsApp ચેનલ સાથે જોડાઓ
તાજા અપડેટ્સ મેળવો સીધા તમારા WhatsApp પર
Join Now

Videos

હે ગોળમટોળ લાલરંગવાળા 14 કિલોના મારા પ્રિય સિલિન્ડર તું ક્યાં છે.?

હે ગોળમટોળ લાલરંગવાળા 14 કિલોના મારા પ્રિય સિલિન્ડર તું ક્યા...

16 માર્ચ, 2026
'56 ઇંચની છાતી' અને ટ્રમ્પનો આદેશ: વ્હાઇટ હાઉસથી કેમ ચાલે છે ભારતનો વહીવટ? જુઓ સનસનીખેજ વિશ્લેષણ.

'56 ઇંચની છાતી' અને ટ્રમ્પનો આદેશ: વ્હાઇટ હાઉસથી કેમ ચાલે છે...

10 માર્ચ, 2026
નીતિશ કુમારની 'એક્ઝિટ' અને પુત્ર નિશાંતની 'એન્ટ્રી'! ભાજપે બિહારમાં કેવી રીતે રમી ‘માસ્ટર ગેમ’?

નીતિશ કુમારની 'એક્ઝિટ' અને પુત્ર નિશાંતની 'એન્ટ્રી'! ભાજપે બ...

10 માર્ચ, 2026
'કેજરીવાલ તો ગિયો...'? નીચલી કોર્ટના ચુકાદા પર આટલી ગર્જના કેમ? જાણો અંદરની વાત!

'કેજરીવાલ તો ગિયો...'? નીચલી કોર્ટના ચુકાદા પર આટલી ગર્જના ક...

10 માર્ચ, 2026
શિક્ષણ મંત્રીનું રાજીનામું માંગતા CJI? ન્યાયતંત્રને બદનામ કરવાના કાવતરાનો પર્દાફાશ!

શિક્ષણ મંત્રીનું રાજીનામું માંગતા CJI? ન્યાયતંત્રને બદનામ કર...

10 માર્ચ, 2026
શું પાવરફુલ મોદીની કોઈ 'દુખતી નસ' ટ્રમ્પના હાથમાં છે?

શું પાવરફુલ મોદીની કોઈ 'દુખતી નસ' ટ્રમ્પના હાથમાં છે?

26 ફેબ્રુઆરી, 2026
 ભારતના રાજનેતાઓની રાજનીતિ પણ 3 વસ્તુઓથી ચાલે છે રેવડી કલ્ચર... રેવડી કલ્ચર... ઔર રેવડી કલ્ચર...

ભારતના રાજનેતાઓની રાજનીતિ પણ 3 વસ્તુઓથી ચાલે છે રેવડી કલ્ચર...

26 ફેબ્રુઆરી, 2026