બિઝનેસ

સાડા ત્રણ વર્ષ બાદ RBIનો મોટો નિર્ણય! રેપો રેટમાં 0.25 bpsનો વધારો, લોન-EMI મોંઘી થવાની શક્યતા

7 ઑક્ટોબર, 2026•
GVGujaratvandan team
સાડા ત્રણ વર્ષ બાદ RBIનો મોટો નિર્ણય! રેપો રેટમાં  0.25 bpsનો વધારો, લોન-EMI મોંઘી થવાની શક્યતા

RBI REPO RATE: રિઝર્વ બેન્ક ઓફ ઈન્ડિયા (RBI)ની મોનિટરી પોલિસી કમિટી (MPC)એ ત્રણ દિવસની બેઠક બાદ રેપો રેટમાં 0.25 ટકાનો વધારો કરવાનો નિર્ણય લીધો છે. આ સાથે રેપો રેટ 5.25%થી વધીને 5.50% થયો છે. લગભગ સાડા ત્રણ વર્ષ બાદ RBIએ પહેલી વખત વ્યાજદરમાં વધારો કર્યો છે. ઊંચો ફુગાવો, રૂપિયામાં નબળાઈ, વૈશ્વિક બોન્ડ યીલ્ડમાં વધારો અને ક્રૂડ ઓઈલના વધતા ભાવને ધ્યાનમાં રાખીને આ નિર્ણય લેવામાં આવ્યો છે.

હોમ લોનની EMI પર સીધી અસર થઈ શકે
રેપો રેટમાં વધારાની સીધી અસર બેન્કોના લોનના વ્યાજદર પર જોવા મળી શકે છે. ખાસ કરીને ફ્લોટિંગ રેટવાળી હોમ લોન ધરાવતા ગ્રાહકો માટે આગામી સમયમાં EMI વધી શકે છે અથવા લોનની અવધિ વધી શકે છે. બીજી તરફ, વ્યાજદરમાં વધારાથી FD સહિતની કેટલીક ડિપોઝિટ સ્કીમમાં વધુ સારું રિટર્ન મળવાની શક્યતા પણ રહે છે. જોકે, બેન્કો પોતાના વ્યાજદર અંગે અલગથી નિર્ણય લે છે.

ફુગાવો અને ક્રૂડ ઓઈલની ચિંતા
RBIનો આ નિર્ણય એવા સમયે આવ્યો છે જ્યારે ફુગાવાને લઈને ફરી ચિંતા વધી રહી છે. ક્રૂડ ઓઈલના ભાવમાં વધારો, રૂપિયાની નબળાઈ અને ઊંચા વૈશ્વિક બોન્ડ યીલ્ડ જેવા પરિબળો ભારતીય અર્થતંત્ર પર દબાણ વધારી શકે છે. દેશમાં ફુગાવો હાલમાં પાંચ ટકાની નજીક હોવાનું જણાવાઈ રહ્યું છે અને આગામી સમયમાં તેમાં વધુ વધારો થવાની આશંકા છે. આ સ્થિતિમાં RBI માટે મોંઘવારીને નિયંત્રણમાં રાખવી મહત્વની બની શકે છે.

અગાઉ ત્રણ બેઠકમાં રેપો રેટ યથાવત્ રહ્યો હતો
ઉલ્લેખનીય છે કે અગાઉની ત્રણ MPC બેઠકોમાં RBIએ રેપો રેટમાં કોઈ ફેરફાર કર્યો નહોતો. હવે 0.25 ટકાના વધારા સાથે નવો રેપો રેટ 5.50% થયો છે. RBIએ ફેબ્રુઆરી 2023માં રેપો રેટમાં 0.25 ટકાનો વધારો કરીને તેને 6.50% કર્યો હતો. ત્યારબાદ વ્યાજદરમાં ઘટાડાનો તબક્કો જોવા મળ્યો હતો. હવે સાડા ત્રણ વર્ષ બાદ ફરી દર વધારવામાં આવ્યો છે.

RBIએ આગળનો રસ્તો ખુલ્લો રાખ્યો
રેપો રેટમાં વધારો કર્યા બાદ MPCએ ન્યુટ્રલ પોલિસી સ્ટાન્સ જાળવી રાખ્યો છે. એટલે કે આગામી સમયમાં ફુગાવો, ક્રૂડ ઓઈલ, રૂપિયાની સ્થિતિ અને વૈશ્વિક આર્થિક પરિસ્થિતિને ધ્યાનમાં રાખીને RBI વ્યાજદર અંગે આગળનો નિર્ણય લઈ શકે છે.

Tags:
Debt ManagementSavingsCredit ScoreEMI CalculatorInflation News
અમારા WhatsApp ચેનલ સાથે જોડાઓ
તાજા અપડેટ્સ મેળવો સીધા તમારા WhatsApp પર
Join Now

Videos

હે ગોળમટોળ લાલરંગવાળા 14 કિલોના મારા પ્રિય સિલિન્ડર તું ક્યાં છે.?

હે ગોળમટોળ લાલરંગવાળા 14 કિલોના મારા પ્રિય સિલિન્ડર તું ક્યા...

16 માર્ચ, 2026
'56 ઇંચની છાતી' અને ટ્રમ્પનો આદેશ: વ્હાઇટ હાઉસથી કેમ ચાલે છે ભારતનો વહીવટ? જુઓ સનસનીખેજ વિશ્લેષણ.

'56 ઇંચની છાતી' અને ટ્રમ્પનો આદેશ: વ્હાઇટ હાઉસથી કેમ ચાલે છે...

10 માર્ચ, 2026
નીતિશ કુમારની 'એક્ઝિટ' અને પુત્ર નિશાંતની 'એન્ટ્રી'! ભાજપે બિહારમાં કેવી રીતે રમી ‘માસ્ટર ગેમ’?

નીતિશ કુમારની 'એક્ઝિટ' અને પુત્ર નિશાંતની 'એન્ટ્રી'! ભાજપે બ...

10 માર્ચ, 2026
'કેજરીવાલ તો ગિયો...'? નીચલી કોર્ટના ચુકાદા પર આટલી ગર્જના કેમ? જાણો અંદરની વાત!

'કેજરીવાલ તો ગિયો...'? નીચલી કોર્ટના ચુકાદા પર આટલી ગર્જના ક...

10 માર્ચ, 2026
શિક્ષણ મંત્રીનું રાજીનામું માંગતા CJI? ન્યાયતંત્રને બદનામ કરવાના કાવતરાનો પર્દાફાશ!

શિક્ષણ મંત્રીનું રાજીનામું માંગતા CJI? ન્યાયતંત્રને બદનામ કર...

10 માર્ચ, 2026
શું પાવરફુલ મોદીની કોઈ 'દુખતી નસ' ટ્રમ્પના હાથમાં છે?

શું પાવરફુલ મોદીની કોઈ 'દુખતી નસ' ટ્રમ્પના હાથમાં છે?

26 ફેબ્રુઆરી, 2026
 ભારતના રાજનેતાઓની રાજનીતિ પણ 3 વસ્તુઓથી ચાલે છે રેવડી કલ્ચર... રેવડી કલ્ચર... ઔર રેવડી કલ્ચર...

ભારતના રાજનેતાઓની રાજનીતિ પણ 3 વસ્તુઓથી ચાલે છે રેવડી કલ્ચર...

26 ફેબ્રુઆરી, 2026