ચૂંટણી બાદ સામાન્ય જનતાના ખિસ્સાનું ભારણ વધશે..!!!. મોબાઇલ રિચાર્જ થશે મોંઘા : રિપોર્ટ
![top-news](https://www.gujaratvandan.com/public/uploads/images/newsimages/GujaratVandan13042024_095853_1200-675-21207408-thumbnail-16x9-mobile.webp)
- 13 Apr, 2024
દેશમાં લોકસભા ચૂંટણીના પડઘમ હવે જોરથી વાગી રહયા છે. ચુંટણી પ્રચારમાં રાજકીય પાર્ટીઓ લોકોને સસ્તા પ્રલોભન આપીને વૉટબેંકની રાજનીતિ કરી રહ્યા છે. પરંતુ આ વૉટબેંકની રાજનીતિ વચ્ચે સામાન્ય જનતાના ખિસ્સાને અસર થાય તેવો એક ચોંકાવનારો રિપોર્ટ સામે આવ્યો છે. પ્રાપ્ત માહિતી મુજબ એક રિપોર્ટમાં જણાવવામાં આવ્યું હતું કે દેશમાં લોકસભાની ચુંટણી બાદ મોબાઇલના ટેરિફ પ્લાનમાં વધારો થવા જઈ રહ્યો છે.
ચૂંટણી બાદ ટેરિફ પ્લાન 15-17 ટકા મોંઘો થઈ શકે છે. નોંધનિય છે કે, દેશમાં પ્રથમ તબક્કાનું મતદાન 19 એપ્રિલથી શરૂ થશે અને 4 જૂને પરિણામ જાહેર થશે.ત્યારબાદ આ વધારો લાગુ થવાની સંભાવનાઓ જણાઈ રહી છે.
રિપોર્ટ અનુસાર ટેલિકોમ સેક્ટરમાં ટેરિફની કિંમતમાં 15-17 ટકાનો વધારો થવાની ધારણા છે. જો આ વધારો લાગુ થશે તો તેનો સૌથી વધુ ફાયદો ભારતી એરટેલને થશે . અને તેથી સામાન્ય જનમાણસ પર તેની અસર જોવા જરરૂ મળશે,તેનું કારણ હવે કોરોનાના કપરાકાળ પછી આમ જન માણસ પણ મોબાઈલનો ઉપયોગ કરતો થઈ ગયો છે, તેથી દરેક વ્યક્તિના ખિસ્સા પર તેની ચોક્કસ અસર જોવા મળશે.અગાઉ ડિસેમ્બર 2021માં મોબાઈલ કંપનીઓએ ટેરિફમાં લગભગ 20 ટકાનો વધારો કર્યો હતો.
સૌથી મોંઘું રીચાર્જ કોનું હોઈ શકે છે જેનો હજુ સુધી કોઈ જવાબ નથી. પરંતુ રિપોર્ટ અનુસાર એરટેલ તેના ટેરિફમાં વધુ વધારો કરી શકે છે. વોડાફોન-આઈડિયા નાણાકીય સંકટનો સામનો કરી રહી છે તેથી તે તેના ટેરિફની કિંમત પણ ઝડપથી વધારી શકે છે. પરંતુ હજુ સુધી આ અંગે કંપનીઓ દ્વારા કોઈ સત્તાવાર માહિતી આપવામાં આવી નથી.
એક રિપોર્ટ સૂચવે છે કે ઝડપી ઇન્ટરનેટ માટે તમારે 14 રૂપિયા વધુ ચૂકવવા પડશે. જો તમે 5G ઈન્ટરનેટનો ઉપયોગ કરવા ઈચ્છો છો તો તમારે અત્યારે જે ચૂકવણી કરી રહ્યા છો તેના કરતાં તમારે 14 રૂપિયા વધુ ચૂકવવા પડી શકે છે. હાલમાં 5G ઇન્ટરનેટ મોબાઇલ કંપનીઓનું સીધું લક્ષ્ય હશે કારણ કે ઝડપી ઇન્ટરનેટની સાથે ગ્રાહકો ડેટા માટે વધુ ચૂકવણી પણ કરે છે. હવે આવી સ્થિતિમાં મોબાઈલ કંપનીઓ તરફથી કંઈ કહેવામાં આવ્યું નથી તેથી આ અંગે સંપૂર્ણ રીતે કહી શકાય નહીં.
ગુજરાત વંદનના whatsapp ચેનલમાં જોડાવા આ લિંક પર ક્લિક કરોઃ
https://shorturl.at/hjzN0
ગુજરાત વંદનના whatsapp ગ્રુપમાં જોડાવા આ લિંક પર ક્લિક કરોઃ