ટાટા જૂથનો ભંડોળ એકત્ર કરવા માટે IPO લાવવાનો વિચાર: 20 કે 25 વર્ષ પહેલા શરૂ કરાયેલા વ્યવસાયો વિકસાવવાની જરૂર ...
![top-news](https://www.gujaratvandan.com/public/uploads/images/newsimages/GujaratVandan27032024_083318_images (30).jpg)
- 27 Mar, 2024
ભારતનું સૌથી જૂનું અને મોટું વ્યાવસાયિક જૂથ કથિત રીતે નવા વ્યવસાયોને ભંડોળ આપવા માટે ઘણા IPO લોન્ચ કરવાનું વિચારી રહ્યું છે. જેમાં ટાટા કેપિટલ, ટાટા ઓટોકોમ્પ સિસ્ટમ્સ, ટાટા પેસેન્જર ઇલેક્ટ્રિક મોબિલિટી, બિગબાસ્કેટ, ટાટા ડિજિટલ, ટાટા ઇલેક્ટ્રોનિક્સ, ટાટા હાઉસિંગ અને ટાટા બેટરીઝ જેવી કંપનીઓનો સમાવેશ થાય છે. ટાટા ગ્રુપ આગામી ત્રણ વર્ષમાં આ કંપનીઓ અંગે આઈપીઓ લાવવાનું વિચારી શકે છે. એક અહેવાલ મુજબ ટાટા જૂથ મોટું ભંડોળ એકત્ર કરવા માટે આ કંપનીઓનો IPO લાવવાનું વિચારી શકે છે.
એક ખાનગી મીડિયાના અહેવાલમાં દાવો કરવામાં આવ્યો છે કે, ગ્રૂપના ફ્લેગશિપ TCSમાં રૂ. 9,300 કરોડ એકત્ર કરવા માટે તાજેતરના 0.65% હિસ્સાનું વેચાણ આ સૂચવે છે. રિપોર્ટમાં કંપનીના એક્ઝિક્યુટિવને ટાંકીને કહેવામાં આવ્યું છે કે "નિર્ણયો પર વિચાર કરવામાં આવશે" અને સંભવતઃ "20 કે 25 વર્ષ પહેલા શરૂ કરાયેલા વ્યવસાયો હવે વિકસાવવામાં આવી રહ્યા છે અને ભંડોળ માટે તૈયાર છે".
આ સાથે ટાટા મોટર્સ તેના ઈલેક્ટ્રિક વાહનો અને જગુઆર લેન્ડ રોવર લક્ઝરી કાર મેન્યુફેક્ચરિંગ એકમની કિંમતને અનલોક કરવાના ઉદ્દેશ્ય સાથે તેના પેસેન્જર અને કોમર્શિયલ વ્હીકલ બિઝનેસને બેમાં લિસ્ટ કરવાની યોજના બનાવી રહી છે. કંપનીઓ વચ્ચે વિતરણ અંગે પણ વિચારણા કરી રહી છે. કંપનીએ ફાઇલિંગમાં કહ્યું હતું, કે ટ્રક અને બસનું ઉત્પાદન અને કોમર્શિયલ બિઝનેસમાં સંબંધિત રોકાણ અલગ યુનિટમાં થશે. બીજી કંપનીમાં પેસેન્જર કાર, ઈલેક્ટ્રિક વાહનો, જગુઆર લેન્ડ રોવર અને સંબંધિત રોકાણ સામેલ હશે.
નોંધનીય છે કે, ગયા વર્ષે નવેમ્બરમાં ટાટા મોટર્સની પેટાકંપની ટાટા ટેક્નોલોજીસનું લિસ્ટિંગ થયું હતું, જે 2004માં ટાટા કન્સલ્ટન્સી સર્વિસિસના આઈપીઓ પછી લગભગ બે દાયકામાં ગ્રુપનો પહેલો આઈપીઓ ઓફર હતો.
ગુજરાત વંદનના whatsapp ચેનલમાં જોડાવા આ લિંક પર ક્લિક કરોઃ
ગુજરાત વંદનના whatsapp ગ્રુપમાં જોડાવા આ લિંક પર ક્લિક કરોઃ