ગુજરાત વંદન

દિવ્યાંગોએ મતદાન કરીને કહ્યું : અમે ભલે ન ચાલી શકીએ,પણ સરકાર ચાલવી જોઈએ ...

07 May, 2024

લોકશાહીનું પર્વ એટલે મતદાન. વિશ્વની સૌથી મોટી લોકશાહીમાં આજે સરકારને ચૂંટવા માટે ઉત્તમ વ્યવસ્થા કરવામાં આવી છે. તેમાં દરેક મતદારોના મતની કિંમત અમૂલ્ય છે. આજે દેશમાં લોકસભાની ત્રીજા તબકકાની ચૂંટણી માટે યોજાઈ રહેલા મતદાનમાં સામાન્ય મતદારોની જેમ દિવ્યાંગ મતદારો પણ ઉત્સાહભેર મતદાન કરવા માટે પહોંચ્યા હતાં. પોતાના મતાધિકારનો ઉપયોગ કરીને દિવ્યાંગ મતદાતાઓએ કહ્યું કે, અમે ભલે ટેકે ચાલતાં હોઈએ પરંતુ અમાંરા દ્વારા ચુંટાયેલી સરકાર ચાલવી જોઇએ ,અને તેથી જ અમે ઉમંગભેર મતદાન કરવા આવ્યા છે,અને દરેકને પોતાનો કીમતી મત આપવા અપીલ કરીએ છીએ.

રાજ્યમાં દિવ્યાંગો માટે મતદાન મથક પર ખાસ વ્યવસ્થા કરવામાં આવી છે. તેમની માટે વ્હિલચેર છેક મતદાન બૂથ સુધી પહોંચી જાય તે પ્રકારે વ્યવસ્થા કરવામાં આવી છે. સાથે જ દિવ્યાંગોને અગ્રીમ સ્થાન પણ મતદાન માટે આપવામાં આવી રહ્યું છે. મતદાન બૂથ પર દિવ્યાંગોને માન સન્માન સાથે સુરક્ષાકર્મીઓ પણ મદદરૂપ બનતાં હોવાના સમાચાર સામે આવી રહયા છે.

દેવાંગી ચાવડાએ કહ્યું કે, હું છેલ્લા ચારેક ચૂંટણીથી મતદાન કરુ છું. હું દેશ માટે મત આપી રહી છું. ત્યારે મારે એક જ સંદેશો લોકોને આપવો છે કે, આપણે જે પક્ષ કે ઉમેદવારને મત આપવા ઈચ્છતા હોઈએ તેને આપણો અમૂલ્ય મત આપવો જોઈએ. કારણ કે આપણા મતનો અધિકાર આપણને બંધારણે આપ્યો છે. અમે ભલે અશક્ત પણ સરકાર તો સશક્ત હોવી જોઈએ . અને તે માટે જ દરેક વ્યક્તિએ મત આપવો જરૂરી બની જાય છે .

ગુજરાત વંદનના whatsapp ચેનલમાં જોડાવા આ લિંક પર ક્લિક કરોઃ‎

https://shorturl.at/hjzN0