ગુજરાત વંદન

UPના રાજ્યપાલ આનંદીબેન પટેલે કર્યું મતદાન: લખનઉથી ખાસ મતદાન માટે આવ્યા અમદાવાદ

07 May, 2024

રાજ્યના પૂર્વ મુખ્યમંત્રી અને હાલના ઉત્તરપ્રદેશના ગવર્નર આનંદીબેન પટેલે શિલજ ખાતે આવેલા મતદાન મથકમાં મતદાન કર્યું હતું અને લોકોને મતદાન કરવાની અપીલ પણ કરી હતી. લોકસભા ચૂંટણીના ત્રીજા તબક્કામાં આજે ગુજરાત સહિત 11 રાજ્યો અને કેન્દ્ર શાસિત પ્રદેશોની 93 સીટો માટે મતદાન ચાલી રહ્યું છે. સવારના 9 વાગ્યા સુધીમાં ગુજરાતમાં 9.83 ટકા, પશ્નિમ બંગાળમાં 14.60 ટકા, મધ્યપ્રદેશમાં 14.07 ટકા, છત્તીસગઢમાં 13.24 ટકા, ગોવામાં 11.83 ટકા, ઉત્તરપ્રદેશમાં 11.13 ટકા, દાદરા અને નગર હવેલી, દમણ અને દીવમાં 10.13 ટકા, અસમમાં 10.12 ટકા, બિહારમાં 10.03 ટકા, કર્ણાટકમાં 9.45 ટકા અને મહારાષ્ટ્રમાં 6.64 ટકા મતદાન થયું છે.

દરમિયાનમાં ગુજરાતમાં 25 બેઠકો માટે મતદાન થઈ રહ્યું છે. 25 બેઠકો માટે ચૂંટણી જંગના મેદાનમાં 19 મહિલા ઉમેદવારો સહિત 266 ઉમેદવારો રાજકીય નસીબ અજમાવી રહ્યાં છે. ગુજરાતની 25 બેઠકોમાાં ગૃહમંત્રી અમિત શાહની ગાંધીનગર બેઠક વીવીઆઈપી છે. જ્યારે ભાજપના પ્રદેશ પ્રમુખ સી આર પાટીલની નવસારી બેઠક પણ વીવીઆઈપી છે. રાજયભરમાં શરૂઆતથી અંદાજે 50,000 મતદાન મથકો પર મતદાનની પ્રક્રિયા શરૂ થઈ છે. ચૂંટણીમાં આ વખતે 3.97 કરોડ મતદારો નોંધાયા છે. સંવેદનશીલ મતદામ મથકો ખાતે પોલીસ, પેરામિલિટ્રી ફોર્સ સહિતના જવાનો તહેનાત કરવામાં આવ્યા છે.

ગુજરાત વંદનના whatsapp ચેનલમાં જોડાવા આ લિંક પર ક્લિક કરોઃ‎

https://shorturl.at/hjzN0