અલ મક્તૂમ ઇન્ટરનેશનલ હવે દુનિયાનું સૌથી મોટું એરપોર્ટ રણમાં બનશે ભવિષ્યનું અદ્ભૂત શહેર....
![top-news](https://www.gujaratvandan.com/public/uploads/images/newsimages/GujaratVandan29042024_101629_Worlds-Largest-Airport-in-Dubai.webp)
- 29 Apr, 2024
સૌથી મોટા રણપ્રદેશમાં હવે આકાર લેશે વિશ્વનું સૌથી મોટુ એરપોર્ટ, હા , હવે UAEમાં બનવા જઈ રહ્યું છે, જે લગભગ 35 બિલિયન ડોલર એટલે કે લગભગ 2.9 લાખ કરોડ રૂપિયાના ખર્ચે નિર્માણ પામશે . આ એરપોર્ટને અલ મક્તૂમ ઇન્ટરનેશનલ એરપોર્ટ એવું નામ આપવામાં આવશે . જે વિશ્વનું સૌથી મોટું એરપોર્ટ હશે. 26 કરોડ મુસાફરોની ક્ષમતા ધરાવતું આ એરપોર્ટ દુબઈ ઈન્ટરનેશનલ એરપોર્ટ કરતા પાંચ ગણું મોટું હશે.તેમજ આ એરપોર્ટમાં 400 ટર્મિનલ ગેટ અને પાંચ રનવે પણ સામેલ હશે.
રવિવારે, દુબઈના શાસક શેખ મોહમ્મદ બિન રશીદ અલ-મક્તૂમે AED 128 બિલિયનના ખર્ચે એક નવા પેસેન્જર ટર્મિનલને મંજૂરી આપી હતી. તેમજ તેમણે X પર એક પોસ્ટમાં જણાવ્યું હતું કે આ નવી યોજના આપણા બાળકો અને તેમના બાળકો માટે સતત અને સ્થિર વિકાસની ખાતરી કરશે. આ એરપોર્ટ બનાવવાનું કામ 2013માં જ શરૂ કરવામાં આવ્યું હતું.
આગામી વર્ષોમાં દુબઈ એરપોર્ટ પરની તમામ કામગીરી અલ મક્તૂમ એરપોટમાં શિફ્ટ કરવામાં આવશે. સાઉથ દુબઈમાં એરપોર્ટની આસપાસ આખું શહેર બનાવવામાં આવશે આ પ્રોજેક્ટ સાથે 10 લાખ લોકો માટે હાઉસિંગ પ્રોજેક્ટનું કામ પણ થશે.જેથી ભવિષ્યમાં રણપ્રદેશમાં સુંદર શહેરપણ એરપોર્ટ સાથે આકાર લેશે. દુબઈ એરપોર્ટની ગણતરી વિશ્વના સૌથી વ્યસ્ત એરપોર્ટમાં થાય છે.
તેમજ વર્ષ 2022માં દુબઈ એરપોર્ટનો ઉપયોગ 66 મિલિયન મુસાફરો દ્વારા કરવામાં આવ્યો હતો. દુબઈની સરકારી એરલાઈન અમીરાતના ચેરમેન શેખ અહમદ બિન સઈદ અલ-મક્તૂમે જણાવ્યું હતું કે એરપોર્ટ ફ્લેગશિપ કેરિયર અમીરાત અને તેની ઓછી કિંમતની એરલાઈન ક્ષેત્રે વિશ્વની અગ્રણી કંપનીઓને હોસ્ટ કરશે. ઉડ્ડયન ક્ષેત્રમાં પ્રથમ વખત નવી ઉડ્ડયન ટેકનોલોજીનો ઉપયોગ કરવામાં આવશે.
ગુજરાત વંદનના whatsapp ચેનલમાં જોડાવા આ લિંક પર ક્લિક કરોઃ
https://shorturl.at/hjzN0
ગુજરાત વંદનના whatsapp ગ્રુપમાં જોડાવા આ લિંક પર ક્લિક કરોઃ