કાર અકસ્માતમાં એક જ પરિવારના 7નાં મોત: રૂ ભરેલી ટ્રકને ટક્કર મારતા આગ ભભૂકી ઉઠી
![top-news](https://www.gujaratvandan.com/public/uploads/images/newsimages/GujaratVandan15042024_045212_Rajsthan accident.jpg)
- 15 Apr, 2024
રાજસ્થાનના સીકર જિલ્લાના ફતેહપુરમાં યુપીના મેરઠના એક પરિવારના સાત લોકો
જીવતા ભડથું થયા હતા. એક કારે ટ્રકને ટક્કર
મારી હતી. આ અકસ્માત બાદ તુરંત કારમાં આગ લાગી હતી અને થોડી જ વારમાં આખી કાર અને તેમાં
સવાર તમામ લોકો આગના હવાલે થઇ ગયા હતા.
ભીષણ આગના કારણે થોડીવારમાં જ બે માસુમ બાળકો, ત્રણ મહિલાઓ સહિત પરિવારના સાત લોકો જીવતા સળગી ગયા હતા. આગ એટલી વિકરાળ હતી
કે કોઈ કંઇ ના કરી શક્યું. પ્રાપ્ત માહિતી મુજબ,
પરિવાર સાલાસર બાલાજીના દર્શન કરીને મેરઠ પરત ફરી રહ્યો હતો, તે સમયે આ
દુર્ઘટના બની હતી. મૃતકોમાં પતિ-પત્ની, બે પુત્રી, માતા અને કાકી સહિત 7
લોકોનો સમાવેશ થાય છે. ઓવરટેક કરતી વખતે કાર ટ્રકની નીચે ઘુસી ગઈ હતી.
એવું કહેવાય છે કે સાલાસર પુલિયા પર ઓવરટેક કરવાનો પ્રયાસ કરતી વખતે પૂરપાટ આવતી કાર ટ્રકની નીચે ઘુસી ગઈ હતી. ત્યારે ગેસ પાઈપ ફાટવાને કારણે ગેસકેટના સિલિન્ડરમાં તરત જ આગ લાગી હતી અને થોડી જ વારમાં કાર બળીને ખાખ થઈ ગઈ હતી. ટ્રકમાં ભરેલા કપાસના રોલના કારણે આગ વિકરાળ બની હતી. રાહદારીઓએ પણ તેમને બચાવવાનો કર્યો હતો, પરંતુ ગેટ ખુલ્યો ન હતો અને થોડી જ ક્ષણોમાં આગે સાત લોકોના જીવ લીધા હતા.