ખેડૂતો ખેતર છોડી ફરી મેદાને : શંભુ બોર્ડર પાસે રેલવે ટ્રેક પર ધરણાં કર્યા ...
- 09 Apr, 2024
કિસાનો ફરી એક વાર ખેતરો છોડીને મેદાને ઉતાર્યા છે. તેમના દ્વારા તેમની માંગણીઓ પૂર્ણ કરવા માટે ફરીથી એકવાર આંદોલને ચઢ્યા હતા. દેશમાં હવે લોકસભાની ચુંટણીઓ હોવાથી તેમણે શાંતિપૂર્ણ રીતે વિરોધ પ્રદર્શન કરવાનું શરૂ કર્યું હતું ,એના ભાગ રૂપે તેમણે આજે એટલે કે 9મી એપ્રિલે શંભુ બોર્ડર પાસે રેલવે ટ્રેકને અનિશ્ચિત સમય માટે બ્લોક કરવાની જાહેરાત કરી છે.
સંયુક્ત કિસાન મોરચા અને કિસાન-મજૂર મોરચાએ હરિયાણા અને પંજાબ સહિત દેશભરમાં કેન્દ્ર સરકાર વિરુદ્ધ વિરોધ પ્રદર્શન કર્યું હતું અને વડાપ્રધાનનું પૂતળું બાળ્યું હતું. નવદીપ જલવેડા અને અન્ય ખેડૂત આગેવાનોની પોલીસે ધરપકડ કરી હતી. જે બાદ ખેડૂતોએ ખેડૂત આગેવાનોને તાત્કાલિક મુક્ત કરવાની માગ સાથે કેન્દ્ર સરકાર સામે વિરોધ પ્રદર્શન કર્યું હતું અને વડાપ્રધાનના પૂતળાનું દહન કર્યું હતું.
ખેડૂતોએ માગ કરી હતી કે તેમના નેતાઓને તાત્કાલિક મુક્ત કરવામાં આવે. આ દરમિયાન ખેડૂતોએ ચેતવણી આપી શંભુ બોર્ડર પાસે રેલવે લાઇનને અનિશ્ચિત સમય માટે બ્લોક કરવાની જાહેરાત કરી હતી.ખેડૂતો એમએસપી સહિત તેમની અનેક માંગણીઓને લઈને ઘણા સમયથી શંભુ બોર્ડર પર ઉભા છે. કારણ કે સરકાર સાથેની વાતચીતના અનેક રાઉન્ડ નિષ્ફળ ગયા છે. દેશમાં હવે લોકસભા ચૂંટણીનો તબક્કો શરૂ થઈ ગયો છે. આવી સ્થિતિમાં વિરોધ શાંતિપૂર્ણ રીતે ચાલી રહ્યો છે. મંત્રણા દરમિયાન સરકાર ઘણા મુદ્દાઓ પર સહમત હતી પરંતુ ખેડૂતો તમામ મુદ્દાઓ સ્વીકારવા પર અડગ હતા.
ભારતીય કિસાન મજદૂર યુનિયનના જિલ્લા પ્રમુખ બૂટા સિંહ ખરજપુરે કહ્યું કે, કેન્દ્ર સરકારના ઈશારે હરિયાણા સહિત અનેક રાજ્યોની સરકારોએ અમારા ખેડૂત નેતાઓની ધરપકડ કરીને તેમને જેલમાં ધકેલી દીધા છે. તેમણે કહ્યું કે, જ્યાં સુધી ખેડૂત નેતાઓ જેલમાંથી મુક્ત નહીં થાય ત્યાં સુધી વિરોધ ચાલુ રહેશે. ખેડૂત આગેવાને કહ્યું કે આંદોલનકારી ખેડૂતો પર આટલા અત્યાચાર અને મનમાની કર્યા પછી પણ કેન્દ્ર સરકાર રોકાઈ રહી નથી.
ગુજરાત વંદનના whatsapp ચેનલમાં જોડાવા આ લિંક પર ક્લિક કરોઃ
https://shorturl.at/hjzN0
ગુજરાત વંદનના whatsapp ગ્રુપમાં જોડાવા આ લિંક પર ક્લિક કરોઃ
.webp)
.webp)
.webp)
.webp)
.webp)
.webp)
.webp)
