કરણી સેનાના રાષ્ટ્રીય અધ્યક્ષ મહિપાલસિંહની અટકાયત; રૂપાલાના નિવેદન મામલે ક્ષત્રિય સમાજનું વિરોધ પ્રદર્શન ..
- 06 Apr, 2024
ચુંટણીનો માહોલ રાજ્યમાં હાલ જામ્યો છે, એવામાં રાજકોટના સાંસદ અને ઉમેદવારે જાહેરસભામાં ક્ષત્રિય સમાજને લઇને કરેલ નિવેદન બાદ કરણી સેનાનાતેમજ સમગ્ર ક્ષત્રિય સમાજ રોષે ભરાયો છે, અને ઠેર ઠેર વિરોધ પ્રદર્શન કરી રહ્યા છે. તેથી તેમને સમજાવવા રાષ્ટ્રીય અધ્યક્ષ મહિપાલસિંહ મકરાણા ગુજરાત આવ્યા છે. આએ દરમિયાન અમદાવાદ બોપલ વિસ્તારમાં મકરાણાની પોલીસ દ્વારા અટકાયત કરવામાં આવી છે. કરણી સેનાના રાષ્ટ્રીય અધ્યક્ષ જોહર કરવાની ચિમકી આપનાર મહિલાઓને મળવા જતા હતા મહિપાલસિંહે કહ્યું કે- હું કોઇનાથી ડરતો નથી, મારી અનેક વખત અટકાયત કરવામાં આવી છે.
કરણી સેનાના રાષ્ટ્રીય અધ્યક્ષ મહિપાલસિંહ મકરાણા અમદાવાદના બોપલ વિસ્તારમાં જોહર કરવાની ચિમકી ઉચ્ચારનાર 5 ક્ષત્રિયાણી મહિલાઓને મળવા માટે પહોંચ્યા હતા. જોકે, પોલીસે મહિપાલસિંહ મકરાણાને મળવા જવા દેવામાં આવ્યા ન હતા અને તેમની અટકાયત કરવામાં આવી હતી. ક્ષત્રિયાણી મહિલાઓને ઘરમાં નજરકેદ કરવામાં આવી છે.કરણી સેનાના રાષ્ટ્રીય અધ્યક્ષ મહિપાલસિંહ મકરાણા ગુજરાતની મુલાકાતે આવ્યા છે. મહિપાલસિંહ ગોતા ખાતે આવેલા રાજપૂત ભવનમાં આગેવાનો સાથે બેઠક કરશે અને રાજકોટમાં એક કાર્યક્રમમાં હાજરી આપશે.
મહિપાલ સિંહ મકરાણાએ ગઈકાલે સોશિયલ મીડિયા પર વીડિયો શેર કરીને કહ્યું હતું કે રૂપાલા જે ભાજપના રાજકોટમાં સાંસદના ઉમેદવાર છે તેમણે અમારી બહેન-દીકરીઓ વિરૂદ્ધ ક્ષત્રિયાણીઓ વિરૂદ્ધ જેમણે પોતાનું માન-સમ્માન બચાવવા માટે જોહર કરી લીધુ, ગરદનો કપાવી લીધી તે ક્ષત્રિયાણીઓ વિરૂદ્ધ અભદ્ર ટિપ્પણીઓ કરે છે. ભાજપ તેમ છતાં પણ તેમની ટિકિટ કાપતું નથી, આ તમારી અને અમારી માટે કમજોરી છે. આ જમ્મુથી કન્યા કુમારીના ક્ષત્રિયો માટે શરમની વાત છે. હું તમને બધાને કહેવા માંગુ છું કે હું ગુજરાત આવી રહ્યો છું અને આપણે સાથે મળીને આગળની રણનીતિ નક્કી કરીશું. ગુજરાત આવીને ગુજરાતની ધરતી પર નક્કી કરીને જઇશું કે ફરીથી કોઇ વ્યક્તિ અમારી બહેન-દીકરીઓ વિશે કઇ ના બોલી શકે.”
ગુજરાત વંદનના whatsapp ચેનલમાં જોડાવા આ લિંક પર ક્લિક કરોઃ
ગુજરાત વંદનના whatsapp ગ્રુપમાં જોડાવા આ લિંક પર ક્લિક કરોઃ
.webp)
.webp)
.webp)
.webp)
.webp)
.webp)
.webp)
