પ.બંગાળમાં ED બાદ હવે NIAની ટીમ પર હુમલો કારમાં તોડફોડ કરાઈ, બે અધિકારીઓ ઈજાગ્રસ્ત
- 06 Apr, 2024
પ.બંગાળમાં થોડા સમય પહેલા સંદેશખાલીમાં ઈડીની ટીમને નિશાન બનાવાયુ હતું ,ત્યાર બાદ હવે પ. બંગાળના પૂર્વ મેદિનીપુરમાં ભૂપતિનગર ખાતે કેન્દ્રીય તપાસ એજન્સી એનઆઈએની ટીમ પર જોરદાર હુમલો કરાયાના સમાચાર પ્રાપ્ત થયા છે. મળતી વિગત મુજબ કલકત્તા હાઈકોર્ટના આદેશ અનુસાર એનઆઈએની ટીમ શનિવારે તપાસ માટે પૂર્વ મેદિનીપુરમાં ભૂપતિનગર ખાતે પહોંચી હતી. ત્યારે જ તપાસકારોની ટીમના કાફલાની કાર સાથે તોડફોડ કરી હોવાનું સામે આવ્યું છે.
કેન્દ્રીય અજન્સી એનઆઈએએદ્વારા જણાવવામાં આવ્યું છે કે બે વ્યક્તિને પૂછપરછ માટે લઇ જતી વખતે જ તેમની ટીમ પર હુમલો કરી દેવામાં આવ્યો હતો. એનઆઈએની ટીમ વિસ્તારમાં થયેલા વિસ્ફોટની તપાસ માટે ભૂપતિનગર પહોંચ્યા હતા. જ્યારે ટીમના અધિકારીઓ બે લોકોને લઈ જઈ રહ્યા હતા ત્યારે ગામના લોકોએ એનઆઈએની ગાડીને ઘેરી લીધા બાદ બંનેને મુક્ત કરવાની માગ કરી અને તેમને મુક્ત ન કરતાં તોડફોડ મચાવી અને ત્યારબાદ હુમલો કરી દીધો. આ હુમલામાં બે અધિકારીઓને સામાન્ય ઈજાઓ થઈ હોવાની માહિતી મળી રહી છે.
ટીએમસીના નેતા સંતનુ સેને જણાવ્યું હતું કે, "જ્યારે કેન્દ્રીય એજન્સી કોઈ સ્થળે દરોડા પાડવા જાય છે અથવા શોધ ચલાવે છે અને મીડિયાને જાણ કરે છે, પરંતુ સ્થાનિક વહીવટીતંત્રને જાણ કરતું નથી ત્યારે તે પૂર્વ-આયોજિત કાવતરું છે." “ચૂંટણી પહેલા વિરોધ પક્ષો સામે કેન્દ્રીય એજન્સીઓનો જે રીતે ઉપયોગ કરવામાં આવે છે તે અભૂતપૂર્વ છે. જો પોલીસ અને સ્થાનિક પ્રશાસનને જાણ કરવામાં આવી હોત તો આવી દુર્ભાગ્યપૂર્ણ ઘટનાને અટકાવી શકાઈ હોત. સ્વાભાવિક રીતે, તે સ્પષ્ટ છે કે ભાજપ આવી ઘટનાઓ ઇચ્છે છે," સેને ઉમેર્યું.
“પશ્ચિમ બંગાળમાં કાયદો અને વ્યવસ્થા નથી… કેન્દ્રીય ટીમો પણ અહીં સલામત નથી. કાયદો અને વ્યવસ્થા પડી ભાંગી છે. અમને લાગે છે કે સ્વતંત્ર, નિષ્પક્ષ અને શાંતિપૂર્ણ લોકસભા ચૂંટણી સુનિશ્ચિત કરવા માટે કલમ 355 (રાજ્યોને બાહ્ય આક્રમણ અને આંતરિક વિક્ષેપ સામે રક્ષણ આપવાની સંઘની ફરજ) લાદવી જોઈએ, ”ભાજપના રાજ્યસભા સાંસદ સમિક ભટ્ટાચાર્યએ જણાવ્યું હતું.
ગુજરાત વંદનના whatsapp ચેનલમાં જોડાવા આ લિંક પર ક્લિક કરોઃ
ગુજરાત વંદનના whatsapp ગ્રુપમાં જોડાવા આ લિંક પર ક્લિક કરોઃ
.webp)
.webp)
.webp)
.webp)
.webp)
.webp)
.webp)
