દેશની પહેલી અંડરવોટર મેટ્રોને મોદીએ બતાવી લીલી ઝંડી : રેલ નદી-હાવડાને કોલકાતા સાથે જોડશે ,એન્જિનિયરિંગની અદભૂત સિદ્ધિ
- 06 Mar, 2024
વડાપ્રધાન મોદીએ આજે કોલકાતામાં ભારતની પ્રથમ અંડરવોટર મેટ્રોનું ઉદ્ઘાટન કર્યું છે. આ અંડરવોટર મેટ્રો રેલ નદી અને હાવડાને કોલકાતા શહેર સાથે જોડશે.પાણીની અંદરની મેટ્રો ટનલ એ હુગલી નદીની નીચે 16.6 કિલોમીટરમાં ફેલાયેલી એન્જિનિયરિંગની અદભૂત સિદ્ધિ છે. અંડરવોટર મેટ્રો હુગલીના પશ્ચિમ કાંઠે હાવડાને પૂર્વ કિનારે સોલ્ટ લેક શહેર સાથે જોડશે. તેમાં 6 સ્ટેશન હશે, જેમાંથી ત્રણ અંડરગ્રાઉન્ડ છે. PM મોદી દ્વારા ઉદ્ઘાટન થયા બાદ હવે સામાન્ય લોકો પાણીની અંદર મેટ્રોની મજા માણશે.
આજે દેશને તેની પહેલી અંડરવોટર મેટ્રો મળી ગઈ છે. વડાપ્રધાન નરેન્દ્ર મોદીએ કોલકાતામાં મેટ્રોનું ઉદ્ઘાટન તેમજ અનેક અન્ય પ્રોજેક્ટનું શિલાન્યાસ અને ઉદ્ઘાટન પણ કર્યું હતું. કુલ મળીને વડાપ્રધાન મોદીએ બંગાળને 15400 કરોડ રૂપિયાની ભેટ આપી છે. વડાપ્રધાન મોદીએ અંડરવોટર મેટ્રોનું ઉદ્ઘાટન ઉપરાંત કવિ સુભાષ-હેમંત મુખોપાધ્યાય મેટ્રો સેક્શન અને તરતલા-માજેરહાટ મેટ્રો સેક્શનનું પણ ઉદ્ઘાટન કર્યું છે.
મેટ્રો રેલ અનુસાર, આ કોરિડોરની ઓળખ 1971માં શહેરના માસ્ટર પ્લાનમાં કરવામાં આવી હતી. મેટ્રો રેલવેના મુખ્ય જનસંપર્ક અધિકારી કૌશિક મિત્રાએ જણાવ્યું હતું કે હાવડા અને કોલકાતા પશ્ચિમ બંગાળના બે સદીઓ જૂના ઐતિહાસિક શહેરો છે અને આ ટનલ દ્વારા હુગલી નદીની નીચેથી આ બંને શહેરોનો જોડણ શક્ય થયું હતું. આ મેટ્રો પ્રોજેક્ટની 10 ખાસ વિશેષતાઓ પર કરો એક નજર..
1 - મેટ્રોનો હાવડા મેદાન-એસ્પ્લેનેડ સેક્શન ખાસ છે, આ સેક્શનમાં ટ્રેન પાણીની નીચે દોડશે. હાવડા મેટ્રો સ્ટેશન ભારતનું સૌથી ઊંડું સ્ટેશન પણ છે.
2- હાવડા મેદાન-એસ્પ્લેનેડ વિભાગ હુગલી નદી હેઠળ બાંધવામાં આવ્યો છે, હાવડા અને સોલ્ટ લેક શહેરો હુગલી નદીના પૂર્વ અને પશ્ચિમ કાંઠે આવેલા છે.
3- એપ્રિલ 2023 માં કોલકાતા મેટ્રોએ ટ્રાયલ તરીકે હુગલી નદીની નીચે ટનલ દ્વારા ટ્રેન ચલાવીને ઇતિહાસ રચ્યો, જે ભારતમાં પ્રથમ વખત બન્યું.
4- આ 4.8 કિલોમીટર વિભાગ હાવડા મેદાનને એસ્પ્લેનેડથી જોડશે. અને હાવડા મેદાનને પૂર્વ-પશ્ચિમ મેટ્રો હેઠળ સોલ્ટ લેક સેક્ટર V સાથે જોડવામાં આવશે.
5- અધિકારીઓએ આશા વ્યક્ત કરી છે કે આ મેટ્રો હુગલી નદીની નીચે 520 મીટરનું અંતર માત્ર 45 સેકન્ડમાં કાપશે.
6- એસ્પ્લેનેડ -સિયાલદાહ વચ્ચે પૂર્વ-પશ્ચિમ સંરેખણનો ભાગ હજુ બાંધકામ હેઠળ,સોલ્ટ લેક સેક્ટર V થી સિયાલદહ સુધીનોવિસ્તાર પહેલે થી ઉપયોગમાં છે
7- મેટ્રો ઓટોમેટિક ટ્રેન ઓપરેશનસિસ્ટમથી ચાલશે. મતલબ કે મેટ્રો ડ્રાઈવર એક બટન દબાવ્યા બાદ ટ્રેન આપોઆપ આગલા સ્ટેશન પર પહોંચી જશે.
8- ઈસ્ટ-વેસ્ટ મેટ્રોના કુલ 16.6 કિલોમીટરમાંથી 10.8 કિલોમીટર ભૂગર્ભ છે, જેમાં હુગલી નદીની નીચેની ટનલ પણ સામેલ છે. બાકીનો ભાગ જમીન ઉપર છે.
9- મેટ્રોનો હેતુ જૂન - જુલાઈની આસપાસ સોલ્ટ લેક સેક્ટર V અને હાવડા મેદાન વચ્ચેના સમગ્ર પૂર્વ-પશ્ચિમ માર્ગ પર વ્યવસાયિક કામગીરી શરૂ કરવાનો છે.
10- પાણીની અંદરની મેટ્રોમાં લોકોને 5G ઇન્ટરનેટની સુવિધા પણ મળશે. એવું પણ કહેવામાં આવ્યું છે કે ટનલમાં પાણીનું એક ટીપું પણ પ્રવેશી શકશે નહીં.
ગુજરાત વંદનના whatsapp ચેનલમાં જોડાવા આ લિંક પર ક્લિક કરોઃ
ગુજરાત વંદનના whatsapp ગ્રુપમાં જોડાવા આ લિંક પર ક્લિક કરોઃ
.webp)
.webp)
.webp)
.webp)
.webp)
.webp)
.webp)
