લખનૌમાં ઘરમાં ગેસ સિલિન્ડર બ્લાસ્ટ : એક જ પરિવારના 5 લોકોનાં મોત, 4 ગંભીર...
- 06 Mar, 2024
દેશમાં રોજ કોઈ ને કોઇ અપ્રિય ઘટના સામે આવે જ છે, તેમાં આજે ઉત્તર પ્રદેશની રાજધાની લખનૌમાં એક મકાનમાં આગ લાગ્યા બાદ સિલિન્ડર બ્લાસ્ટ થયો હતો. પરિવારના 9 લોકોને આગની ચપેટમાં આવી જતાં તેમણે અસર થઈ છે. આગને પુષ્કળ પ્રયન્ત પછી કાબૂમાં લીધી , ત્યારબાદ બધાને હોસ્પિટલ લઈ જવામાં આવ્યા, જ્યાં પાંચ લોકોના મોત થયા હતા અને ચાર લોકોની હાલત નાજુક છે.
ઉત્તર પ્રદેશની રાજધાની લખનઉમાં એક હૃદયદ્રાવક ઘટના સામે આવી છે. અહીં એક ઘરમાં જોરદાર સિલિન્ડર બ્લાસ્ટ થયો, જેના કારણે પરિવારના 9 સભ્યો પ્રભાવિત થયા. આ પછી બધાને હોસ્પિટલ લઈ જવામાં આવ્યા, જ્યાં પાંચ લોકોના મોત થયા. ચારની હાલત નાજુક છે. ઘટનાની જાણ થતાં ફાયર બ્રિગેડે ઘટનાસ્થળે પહોંચીને ભારે જહેમત બાદ આગ પર કાબૂ મેળવ્યો હતો.
મળતી માહિતી મુજબ, આ ઘટના લખનઉના કાકોરીના હાતા હઝરત સાહેબ કાકોરી શહેરમાં બની હતી. અહીં રહેતા મુશીર અલી જરદોઝી એમ્બ્રોઈડરીનું કામ કરતા હતા. મુશીરના ઘરમાં ગેસ સિલિન્ડર રાખવામાં આવ્યા હતા. અચાનક ઘરમાં આગ લાગી અને મોટા અવાજ સાથે સિલિન્ડર ફાટ્યું.
સિલિન્ડર ફાટ્યા બાદ મુશીર અને તેના પરિવારના 9 સભ્યો આગની લપેટમાં આવી ગયા હતા. વિસ્ફોટ થતાં જ સમગ્ર વિસ્તારમાં ભયનો માહોલ છવાઈ ગયો હતો. લોકોએ જોયું તો મુશીરના ઘરમાંથી આગની જ્વાળાઓ નીકળી રહી હતી. તાત્કાલિક ફાયર બ્રિગેડ તેમજ પોલીસને જાણ કરવામાં આવી હતી. ફાયરની ટીમે ઘટના સ્થળે પહોંચી ભારે જહેમત ઉઠાવી આગ પર કાબુ મેળવ્યો હતો.
આ સાથે, સ્થળ પર હાજર પોલીસ મુશીર અને તેના પરિવારના 9 સભ્યોને હોસ્પિટલ લઈ ગઈ, જ્યાં પાંચ લોકોના મોત થયા. તેમાંથી મુશીર અલી અને તેની પત્ની હુસ્ના બાનો, ભત્રીજી હુમા, હિબા અને ભત્રીજી રૈયાનું મૃત્યુ થયું હતું. મુશીરની બે પુત્રીઓ, એક ભત્રીજી અને પુત્ર અજમત ઘાયલ થયા હતા.
બ્લાસ્ટ એટલો જોરદાર હતો કે રૂમની દિવાલ પણ ઉડી ગઈ હતી. પોલીસનું કહેવું છે કે પ્રાથમિક દ્રષ્ટિએ મામલો શોર્ટ સર્કિટનો હોવાનું કહેવાય છે, જેના કારણે ઘરમાં રાખેલા બે સિલિન્ડરમાં વિસ્ફોટ થયો હતો. પોલીસ ફોર્સ અને ફાયર બ્રિગેડની કુલ ત્રણ ગાડીઓની મદદથી આગને કાબૂમાં લેવામાં આવી હતી.
લખનૌ પોલીસ કમિશ્નરેટે જણાવ્યું કે કાકોરી શહેરમાં એલપીજી સિલિન્ડર બ્લાસ્ટને કારણે કુલ 9 લોકો ઘાયલ થયા છે, જેમાંથી 5 લોકોના મોત થયા છે. આ તમામ એક જ પરિવારના હતા. અન્ય ચાર લોકો ગંભીર રીતે ઘાયલ થયા છે અને તેમને સારવાર માટે લખનૌના ટ્રોમા સેન્ટરમાં દાખલ કરવામાં આવ્યા છે. તેની હાલત હજુ પણ નાજુક છે
ગેસ સિલિન્ડર બ્લાસ્ટ થવાનું કારણ શોર્ટ સર્કિટ હોવાનું જાણવા મળ્યું છે, જેમાં બે સિલિન્ડર બ્લાસ્ટ થયા હતા. ત્યારબાદ થોડી જ વારમાં આગ ફાટી નીકળી હતી અને અકસ્માત સર્જાયો હતો. આગને બુઝાવવા માટે ફાયર બ્રિગેડની ત્રણ ગાડીઓ ઘટનાસ્થળે બોલાવવામાં આવી હતી, જ્યાં ફાયર કર્મીઓની મદદથી આગને કાબૂમાં લેવામાં આવી હતી. હાલ મામલાની તપાસ કરવામાં આવી રહી છે જેથી વધુ કાયદેસરની કાર્યવાહી કરવામાં આવે જેથી વધુ બાબતો સ્પષ્ટ થઈ શકે.
ગુજરાત વંદનના whatsapp ચેનલમાં જોડાવા આ લિંક પર ક્લિક કરોઃ
ગુજરાત વંદનના whatsapp ગ્રુપમાં જોડાવા આ લિંક પર ક્લિક કરોઃ
.webp)
.webp)
.webp)
.webp)
.webp)
.webp)
.webp)
