સેન્સેક્સ ઓલ ટાઈમ હાઈ 73,574 રહ્યો 1000 અંકથી વધારેની તેજી જોવા મળી , નિફ્ટીમાં પણ 300 અંકનો વધારો
- 01 Mar, 2024
આજે સપ્તાહના છેલ્લા ટ્રેડિંગ દિવસે એટલે કે 1 માર્ચે ઉછાળો જોવા મળી રહ્યો છે. સેન્સેક્સ ઓલ ટાઈમ હાઈ 73,574 રહ્યો હતો. હાલમાં તે 1000 પોઈન્ટના વધારા સાથે 73,530ના સ્તર પર ટ્રેડ કરી રહ્યો છે. નિફ્ટીમાં લગભગ 300 પોઈન્ટનો વધારો જોવા મળી રહ્યો છે. તે 22,290ના સ્તર પર કારોબાર કરી રહ્યો છે. સેન્સેક્સના 30 શેરોમાંથી 27માં વધારો અને 3માં ઘટાડો જોવા મળી રહ્યો છે.
NSE સેક્ટરલ ઇન્ડેક્સ વિશે વાત કરીએ તો, નિફ્ટી મેટલમાં સૌથી વધુ 1.99% નો વધારો થયો છે. તે જ સમયે, નિફ્ટી ઓઈલ એન્ડ ગેસ 1.82%, નિફ્ટી ઓટો 1.30%, નિફ્ટી બેંક 0.78% અને નિફ્ટી આઈટી 0.15% વધ્યા છે. જ્યારે નિફ્ટી ફાર્મા 0.23% અને નિફ્ટી હેલ્થકેર ઇન્ડેક્સ 0.99% ડાઉન છે.
અગાઉ ગઈકાલે એટલે કે 29મી ફેબ્રુઆરીએ શેરબજારમાં ઉછાળો જોવા મળ્યો હતો. સેન્સેક્સ 195 પોઈન્ટના ઉછાળા સાથે 72,500ના સ્તરે બંધ રહ્યો હતો. નિફ્ટીમાં પણ 31 પોઈન્ટનો ઉછાળો જોવા મળ્યો હતો. 21,982ના સ્તરે બંધ રહ્યો હતો. સેન્સેક્સના 30 શેરોમાંથી 22માં ઉછાળો અને 8માં ઘટાડો જોવા મળ્યો હતો. બેન્કિંગ અને ઓટો શેર્સમાં વધુ ઉછાળો જોવા મળ્યો હતો. પેટીએમના શેર 1.92% વધ્યા હતા.
ગુજરાત વંદનના whatsapp ચેનલમાં જોડાવા આ લિંક પર ક્લિક કરોઃ
ગુજરાત વંદનના whatsapp ગ્રુપમાં જોડાવા આ લિંક પર ક્લિક કરોઃ
.webp)
.webp)
.webp)
.webp)
.webp)
