ગુજરાત વંદન

Breaking News

આ દવાઓ મફત મળશે: ગુજરાતના તમામ આરોગ્ય કેન્દ્રો પર ફ્રીમાં મળશે જીવન જરૂરી મેડિસિન્સ, સરકારે યાદીમાં ઉમેરી નવી દવાઓ. ફ્રાન્સથી આવ્યા માઠા સમાચાર: ઓલિમ્પિકની શરૂઆત પહેલા ફ્રાન્સના રેલવે નેટવર્ક પર હુમલો થતા 8 લાખ લોકો અસરગ્રસ્ત, ટ્રેન નેટવર્કની ખામી શોધવાના પ્રયાસો ચાલું. ભારતીય શેરબજારોમાં મોટો ઉછાળો: સેન્સેક્સ 1292 અંક વધ્યો, નિફ્ટી 24834 પર બંધ; ભારતી એરટેલ, વિપ્રો, ટાટા સ્ટીલના શેર વધ્યા. ભષ્ટ્રાચારને નાથવા ગુજરાત સરકાર લાવશે કાયદો: વિધાનસભાના ચોમાસુ સત્રમાં વિધાયક આવે તેવી શક્યતા, ભષ્ટ્રાચાર કરનાર અધિકારીઓમાં ગભરાટ. કારગીલ વિજય દિવસની ઉજવણી: વડાપ્રધાન નરેન્દ્ર મોદીએ કારગિલ યુદ્ધના વીરોને આપી શ્રદ્ધાંજલિ, લદ્દાખમાં શિંકુન લા પ્રોજેક્ટની પણ કરી શરૂઆત. રાષ્ટ્રપતિ ભવનના હોલનું નામ બદલવાનો મામલો: કોંગ્રેસ મહાસચિવ પ્રિયંકા ગાંધીએ વડાપ્રધાન મોદી પર કર્યો શાબ્દિક હુમલો, કહ્યું- દરબારનો ખ્યાલ નથી પરંતુ 'શહેનશાહ'નો ખ્યાલ છે. સુપ્રીમ કોર્ટે કેન્દ્રને આપ્યો ઝાટકો: કોર્ટે કહ્યું- રાજ્યોને ખાણ અને ખનીજો ધરાવતી જમીનો પર ટેક્સ લગાવવાનો અધિકાર, ખનીજો પર ટેક્સ વસુલવાના મામલે મોટો ચુકાદો. શેરબજાર ખુલતાની સાથે જ તૂટ્યું: સેન્સેક્સ 600 અંક ઘટ્યો, નિફ્ટી 24300ની નીચે; ટાટા મોટર્સ, લાર્સન, કોટક મહિન્દ્રાના શેર વધ્યા. રેલવે મંત્રીએ આપ્યા સારા સમાચાર: મધ્યમ અને ઓછી આવક ધરાવનાર પરિવારોને થશે સીધો ફાયદો, જાણો અશ્વિની વૈષ્ણવે કરેલી જાહેરાત વિશે. કેન્દ્ર સરકારનો મોટો નિર્ણય: અગ્નિવીરોને BSF અને CISFમાં 10 ટકા અનામત મળશે, પ્રથમ બેચને ઉંમરમાં 5 વર્ષની છૂટછાટ અપાશે.

નીતિશ કુમાર રેડ્ડીને ક્રિકેટર બનાવવા પિતાએ છોડી હતી નોકરી: પંજાબ સામેની મેચમાં ટીમને ઉગારી લીધી હતી

11 Apr, 2024

નીતિશ કુમાર રેડ્ડી સનરાઇઝર્સ હૈદરાબાદ(SRH)નો ખેલાડી જે 9 એપ્રિલે મુલ્લાનપુરમાં રમાયેલી IPL મેચમાં પંજાબ સામે તેની ટીમ માટે તારણહાર બન્યો હતો. ખૂબ જ નિર્ણાયક સમયે 20 વર્ષીય નીતિશે સનરાઇઝર્સ હૈદરાબાદ માટે 37 બોલમાં 64 રનની ઇનિંગ રમી હતી. તેણે બોલિંગમાં એક વિકેટ પણ ઝડપી લીધી હતી.

આ ઓલરાઉન્ડ પ્રદર્શનના કારણે નીતિશને પ્લેયર ઑફ ધ મેચનો એવોર્ડ મળ્યો હતો. સનરાઇઝર્સ હૈદરાબાદે આ રોમાંચક મેચ 2 રને જીતી લીધી હતી. ડોમેસ્ટિક ક્રિકેટમાં નીતિશના નામે ઘણા મોટા રેકોર્ડ છે. વિરાટ કોહલી તેનો આદર્શ રહ્યો છે. હાર્દિક પંડ્યા સાથેની મુલાકાતે તેની કારકિર્દી બદલી નાખી હતી.

હનુમા વિહારીએ ડોમેસ્ટિક ક્રિકેટમાં આંધ્રપ્રદેશ તરફથી રમતા નીતિશ રેડ્ડીની પણ પ્રશંસા કરી છે. રેડ્ડીએ હનુમાની આગેવાનીમાં ઘણી મેચ રમી છે. IPL શરૂ થયા પહેલાં જ હનુમાએ નીતિશ વિશે ટ્વિટ કર્યું હતું. ભારતીય ટેસ્ટ ટીમમાંથી બહાર રહેલા હનુમાએ નીતિશ વિશે લખ્યું હતું કે, 'તેનામાં ઇન્વેસ્ટ કરો, તે ફ્રેન્ચાઈઝી ક્રિકેટમાં ભવિષ્યનો મોટો ખેલાડી છે, બેટિંગ સિવાય તે મીડિયમ પેસ બોલિંગ પણ કરી શકે છે, જે ખૂબ જ શ્રેષ્ઠ છે.

નીતિશ રેડ્ડીને સનરાઇઝર્સ હૈદરાબાદે 2023ની સિઝન પહેલાં ઓક્શનમાં 20 લાખ રૂપિયાની બેઝ પ્રાઇસ પર કરારબદ્ધ કર્યો હતો. તેણે 18 મે 2023ના રોજ રોયલ ચેલેન્જર્સ બેંગલુરુ (RCB) સામે તેની IPLની શરૂઆત કરી, જ્યાં તેણે બે ઓવરમાં 19 રન આપ્યા. આ મેચમાં સનરાઇઝર્સ હૈદરાબાદને 8 વિકેટે હારનો સામનો કરવો પડ્યો હતો. ગત સિઝનમાં તેણે હૈદરાબાદ માટે 2 મેચ રમી હતી.

નીતિશ વિશે હનુમા વિહારીએ X પર લખ્યું નીતિશ કુમાર રેડ્ડી એક સામાન્ય બેકગ્રાઉન્ડમાંથી આવે છે. તેના પિતાએ તેની કારકિર્દી માટે તેમની નોકરી છોડી દીધી હતી. તેમણે નીતિશને માર્ગદર્શન આપ્યું અને પાલન-પોષણ કર્યું. તેની મહેનત હવે ફળી રહી છે. મેં નીતિશને 17 વર્ષનો હતો ત્યારે જોયો હતો. તેના પર ગર્વ છે, તે ભવિષ્યમાં સનરાઇઝર્સ અને ભારત માટે એક શ્રેષ્ઠ વિકલ્પ સાબિત થઈ શકે છે. નીતિશે એક ઇન્ટરવ્યૂમાં એમ પણ કહ્યું હતું કે તેના પિતા એવા પ્રથમ વ્યક્તિ હતા, જેમણે તેના પર વિશ્વાસ કર્યો કે તે એક સારો ક્રિકેટર બની શકે છે.

ગુજરાત વંદનના whatsapp ચેનલમાં જોડાવા આ લિંક પર ક્લિક કરોઃ‎

https://shorturl.at/hjzN0