IPL 2024-ટુર્નામેન્ટનું સ્થળ બદલાઇ શકે છે..!!! 7 એપ્રિલ પછી રમાનાર બીજા સત્રની રમતો UAEમાં થવાની શક્યતા ...
![top-news](https://www.gujaratvandan.com/public/uploads/images/newsimages/GujaratVandan16032024_101310_OuAKMFgepj75cGkdCvcQTiXWwa5zuBX26aI6ncNd.jpg)
- 16 Mar, 2024
IPL 2024ને લઈને એક મોટી અપડેટ સામે આવી છે. ક્રિકેટની સૌથી રોમાંચક ટુર્નામેન્ટ IPLનું સ્થળ બદલાઈ શકે છે. આ લાખો ભારતીય ચાહકો, જેઓ લાઈવ મેચ જોવાની રાહ જોઈ રહ્યા હતા તેમનાં માટે મોટો ઝટકો હોઈ શકે છે. લોકસભા ચૂંટણીને ધ્યાનમાં રાખીને IPL 2024નું સ્થળ બદલાઈ શકે છે. BCCIના સૂત્રો પાસેથી આ માહિતી પ્રાપ્ત થઈ છે. આ ટુર્નામેન્ટ 22 માર્ચથી શરૂ થવા જઈ રહી છે, પરંતુ તે પહેલા ટુર્નામેન્ટનું આયોજન સ્થળ બદલાઈ શકે છે.
લોકસભા ચૂંટણીને ધ્યાનમાં રાખીને IPLનું માત્ર 17 દિવસનું શેડ્યૂલ જાહેર કરવામાં આવ્યું છે. ખાસ વાત એ છે કે આમાંથી એક પણ મેચ દિલ્હીમાં યોજાવાની ન હતી. આજે સાંજે લોકસભા ચૂંટણીની તારીખ જાહેર થશે. આ દરમિયાન સમાચાર આવી રહ્યા છે કે IPLના બીજા સત્રનું સ્થળ બદલાઈ શકે છે. IPLનું બીજું સત્ર 7 એપ્રિલ પછી રમાશે. અહેવાલોમાં દાવો કરવામાં આવી રહ્યો છે કે આ સત્ર ભારતમાં નહીં પરંતુ UAEમાં રમાઈ શકે છે.
ભારતમાં રમાતી સૌથી લોકપ્રિય ટી-20 ટૂર્નામેન્ટને લઈને મોટા સમાચાર સામે આવી રહ્યા છે. બીસીસીઆઇ દ્વારા આયોજિત થનારી ઈન્ડિયન પ્રીમિયર લીગ (IPL)ની આગામી સિઝન ભારતની બહાર યોજાઈ શકે છે. બીસીસીઆઈના અધિકારીએ કહ્યું, હા, અમે આઈપીએલના આયોજનમાં આવનારી મુશ્કેલીઓથી વાકેફ છીએ. અમારે ઈંગ્લેન્ડ સામે શ્રેણી યોજવાની છે અને તે પછી સામાન્ય ચૂંટણી છે. ત્યારબાદ જૂનમાં વર્લ્ડ કપ યોજાવાનો છે. પરંતુ અત્યારે કંઈપણ પ્લાન કરવું ખૂબ જ વહેલું ગણાશે. અમારું ધ્યાન ઓક્ટોબરમાં ભારતમાં યોજાનાર વર્લ્ડ કપનું સફળતાપૂર્વક આયોજન કરવા પર છે. ડિસેમ્બર-જાન્યુઆરી સુધી જ કોઈ પણ બાબતે નિર્ણય લઈ શકાય.
ગુજરાત વંદનના whatsapp ચેનલમાં જોડાવા આ લિંક પર ક્લિક કરોઃ
ગુજરાત વંદનના whatsapp ગ્રુપમાં જોડાવા આ લિંક પર ક્લિક કરોઃ