ગુજરાત વંદન

Breaking News

ટ્રેઈની આઈએએસ પૂજા ખેડકરને હવે ભાન થશે: પૂજાને નોકરીમાંથી તગેડી મૂકાઈ, પરીક્ષા પણ આપી શકશે નહીં; જાણો સમગ્ર ઘટના વિગતે. કેરળ અંગે મોટો ઘટસ્ફોટ: ગૃહમંત્રી અમિત શાહે કહ્યું- કેરળ સરકારને તો એક અઠવાડિયા પહેલા ભૂસ્ખલન અંગે જાણ કરાઈ હતી, કેન્દ્રએ NDRFની 9 ટીમ પણ રાજ્યમાં મોકલી હતી. નીતિન ગડકરીએ નાણાં મંત્રીને કરી રજૂઆત: નીતિન ગડકરીએ નાણાં મંત્રીને પત્ર લખ્યો, કહ્યું- લાઈફ અને હેલ્થ ઈન્સ્યોરન્સ પ્રિમીયમ પરથી GST દૂર કરવામાં આવે; જાણો હાલ કેટલો છે GST ?. ઇઝરાઈલે 7 ઓક્ટોબરે થયેલા હુમલાનો બદલો લીધો : ઈઝરાયલે હમાસના ચીફ ઈસ્માઈલ હાનિયાનો ખાતમો બોલાવ્યો, એક જ દિવસમાં મોટા બે દુશ્મનને ઉડાવ્યાં. કેરળમાં સતત ત્રણ દિવસથી ભારે વરસાદઃ પહાડો પલળી જતા ભૂસ્ખલનની ઘટનાઓમાં ભારે વધારો, ત્રણ દિવસમાં 93 લોકોનાં મોત; જુઓ તબાહીના દ્રશ્યો VIDEOમાં. ઉત્તરપ્રદેશમાં લવ જેહાદ બિલ પાસ: આરોપીઓ માટે આજીવન કેદની જોગવાઈ, લવ જેહાદ હેઠળના ઘણા ગુનાઓની પણ સજા બમણી કરાઈ. ઝારખંડમાં મોટી રેલવે દુર્ઘટના: ચક્રધરપુરમાં હાવડા-મુંબઈ મેલના 18 કોચ પાટા પરથી ઉતરી ગયા, 2ના મોત, 20 ઘાયલ. કેરળના વાયનાડમાં ભીષણ ભૂસ્ખલન: 63 લોકોનાં મોત, 100થી વધુ લોકો દબાયા હોવાની શક્યતા; ઈન્ડિયન એરફોર્સે શરૂ કરી રાહત કામગીરી. બિહાર સરકારને સુપ્રીમ કોર્ટમાંથી ઝટકો: 65 ટકા રિઝર્વેશનના આદેશ પર રોક લગાવવાનો પટના હાઈકોર્ટનો ચુકાદો યથાવત રાખવામાં આવ્યો. જમ્મુ-કાશ્મીરના અનંતનાગમાં અકસ્માત: કાર ખીણમાં પડી જતા 5 બાળકો સહિત 8નાં મોત, પોલીસે ઘટના સ્થળે પહોંચી મૃતદેહને બહાર કાઢ્યા.

બાબા, આપ તો ઐસે ન થે.... દેશને તમારી પાસેથી આવી આશા નહોતી..

15 Apr, 2024

યોગાચાર્ય બાબા રામદેવ કરતાં તેમની કંપની પતંજલિનું નામ સૌથી વધારે છે. અલબત આ કંપની તેમની જ બ્રાન્ડ છે, જે દેશી દવાઓનું વેચાણ કરે છે અને છેલ્લાં 10 વર્ષમાં પતંજલિએ કરોડોનો નહીં પણ અબજોનો કારોબાર કર્યો છે. કારણમાં એ છે કે તેઓ પોતે જ પોતાની પ્રોડક્ટનું માર્કેટિંગ કરે છે. કોઇ બોલીવુડ યા અભિનેતા કે અભિનેત્રીને બ્રાન્ડ એમ્બેસેડર તરીકે મૂક્યા નથી.

જો કે તેમની પ્રોડકટનુ એટલુ વેચાણ વધ્યું કે વધતા વધતા તેઓએ પ્રચારમાં એલોપથીને નીચુ દેખાડતા મામલો સુપ્રિમ કોર્ટમાં ગયો અને કઇ મને હાથ લગાડી શકે તેમ નથી એવી શેખી મારનાર બાબાને સુપ્રિમમાં બબ્બે વખત માથુ નીચુ રાખીને ઉભા રહેવુ પડ્યું અને હાલત એવી થઇ ગઇ છે કે કદાજ તેમને જેલ પણ થઇ શકે અથવા કરોડો રૂપિયાનો દંડ ફટકારવામાં આવી શકે....

મામલો એવો થયો કે તેમણે પ્રચાર માધ્યમોમાં એલોપથીની ઠેકડી ઉડાવી અને એલોપથી ડોક્ટરોના સંગઠને કોર્ટમાં ફરિયાદ કરી.સુપ્રિમે બાબાને હાજર થવા કહ્યું પણ મેરા દોસ્ત હૈ ઉપરવાલા....માં રાચતા બાબાને છેવટે ન્યાયનો એવો દંડો પડ્યો કે નીચા મોઢે જજોની સામે ઉભા રહી કહેવુ પડ્યું કે અમારી ભૂલ થઇ ગઇ અમને માફ કરવામા આવે. પરંતુ કોર્ટે કહ્યું કે નહીં, માફી તો નહીં જ આપીએ પણ સજા ભોગવવાની તૈયારી રાખો....!

બાબા રામદેવ ભગવાધારી છે અને યોગાનું શિક્ષણ આપવાની સાથે દેશી દવાઓનો વેપાર પણ કરે છે. તેમની વેપારની પ્રગતિને 10 વર્ષમાં જે ગતિ મળી તેનાથી સૌ પરિચિત છે. તેમના દ્વારા દેશી ઉપચારથી કેન્સરની સાથે કોરોના વગેરે. મટાડવાનો દાવો અને એલોપથી સારવાર પધ્ધતિનો વિરોધ કરવામાં તેમનું શિર્ષાસન થઇ ગયું....અને હવે જો તેમને સજા થાય તો શું થશે....કેમ કે તેમનના લાખો અનુયાયીઓ છે અને રાજકીય રીતે સત્તાની સાથે જોડાયેલા હોવાથી તેમનેી સમે કોર્ટ દ્વારા જે કાંઇ શિક્ષાત્મક કાર્યવાહી કરવામાં આવે તેની અસર પડી શકે છે. સિવાય કે કોઇ એમ કહે કે એ તો તેમનો અંગત વ્યાપારિક મામલો છે અમારે તેની સાથે કાંઇ નિસ્બત નથી...

બાબા રામદેવે 2013-14માં જન આંદોલનમાં ભાગ લીધો હતો અને દિલ્હીના રામલીલી મેદાનમાંથી મહિલાના કપડાં પહેરીને નાસવાની ફરજ પડી હતી એ ઇતિહાસ કાંઇ હરપ્પન સંસ્કૃતિ જેટલો પ્રાચીન નથી...! તેમણે એ વખતે પ્રચાર કર્યો હતો કે દેશમાં 2014ની ચૂંટણીમાં સરકાર બદલાશે તો પેટ્રોલ 35 રૂપિયે મળશે....કાલા ધન વાપસ આયેંગા....પણ એવુ કાંઇ થયું નથી અને થોડાક મહિના પહલા એક મિડિયાએ તેમને 35 રૂપિયાવાળી વાત યાદ અપાવી ત્યારે ક્રોધાસનમાં આવી ગયા હતા...

બાબાજી, કોર્ટમાં તમે માંગેલી માફી એ બાબતનો પુરાવો છે કે તમે દવાઓની અસરો અંગે દે દાવા કરતા હતા તે ભ્રામક હતા....બીજા શબ્દોમાં કહીએ તો સત્યથી વેગળા હતા અને તળપદી ભાષામાં કહીએ તો જુઠ્ઠા હતા...?! તો શું દેશ એમ માની લે કે તમે અત્યાર સુધી પતંજલિની પ્રોડક્ટ્સ અંગે પાના ભરી ભરીને જે દાવાઓ કર્યા તે સાવ જુઠ્ઠાણુ હતું..? તમારા ઉપર વિશાવસ રાખીને જેમણે એ દવાઓનો ઉપોયગ કર્યો તેમની સાથે શું ચિટીંગ થયું કહેવાય..? બાબા, કમ સે કમ તમારી પાસેથી આવી આશા નહોતી....આપ ઐસે તો ન થે....શું સંગ તેવો રંગ...નું પરિણામ છે..?

ગુજરાત વંદનના whatsapp ચેનલમાં જોડાવા આ લિંક પર ક્લિક કરોઃ‎

https://shorturl.at/hjzN0