ગુજરાત વંદન

ધોરણ 10 ના પરિણામની તારીખ પણ જાહેર: 11મી મેના રોજ લાખો વિદ્યાર્થીઓની આતુરતાનો આવશે અંત,કભી ખુશી કભી ગમ ...

09 May, 2024

આજે ગુજરાતમાં ધોરણ 12 સામાન્ય પ્રવાહ અને વિજ્ઞાન પ્રવાહનું પરિણામ જાહેર થઇ ગયુ છે. ત્યારે ધોરણ 10 બોર્ડના પરિણામની તારીખ પણ સામે આવી ગઇ છે. ધોરણ 10ના વિદ્યાર્થીઓની આતુરતાનો અંત આવ્યો છે. ધોરણ 10નું પરિણામ બે દિવસ બાદ એટલે 11મી મેના રોજ શનિવારે ગુજરાત બોર્ડની વેબસાઇટ પર જાહેર કરવામાં આવશે.મળતી માહિતી મુજબ લાખો વિદ્યાર્થીઓની આતુરતાનો અંત 11 મી મેના રોજ સવારે 8 વાગ્યે પરિણામ સાઈટ પર મુકવામાં આવતા થશે.

ધોરણ 10ની બોર્ડની પરીક્ષાનું પરિણામ તમે ગુજરાત બોર્ડની વેબસાઇટ www.gseb.org પર જોઈ શકશો. આ વેબસાઈટ પર જઈને વિદ્યાર્થીઓએ પોતાના બેઠક ક્રમાંક નાખીને એન્ટર બટન દબાવવાનું રહેશે. ત્યારબાદ GSEB Result 2024 સ્ક્રીન પર પ્રદર્શિત થશે. હવે તેને ભવિષ્યના ઉપયોગ માટે ડાઉનલોડ કરો.

આ ઉપરાંત વિદ્યાર્થીઓ વોટ્સઅપ પર પણ પોતાનું રિઝલ્ટ જોઈ શકશે. જેના માટે 6357300971 પર બેઠક ક્રમાંક લખીને મોકલવાનું રહેશે, જ્યાં તમે પરિણામ જોઈ શકશો. પરિણામ જાહેર થયા બાદ વિદ્યાર્થીઓના રિઝલ્ટ , પ્રમાણપત્રો અને S.R. શાળાવાર મોકલવા અંગેની જાણ હવે પછીથી કરવામાં આવશે.પરીક્ષા બાદ ગુણચકાસણી, ઓફિસ ચકાસણી, નામ સુધાર, ગુણ તૂટ, અસ્વીકાર અને પરીક્ષામાં ફેર હાજરી થવા માટેની જરુરી સૂચનાઓ સાથેનો પરિપત્ર, હવે પછીથી જાહેર કરવામાં આવશે. તથા ગુણપત્રક અને પ્રમાણપત્ર સાથે શાળાઓને મોકલી આપવામાં આવશે.

ગુજરાતમા આ વર્ષે ધોરણ 10માં 9 લાખથી વધુ વિદ્યાર્થીઓ પરીક્ષા આપી છે. જ્યારે વર્ષ 2023માં ગુજરાત બોર્ડ 10નું 64.62 રિઝલ્ટ આવ્યુ હતુ.

ગુજરાત વંદનના whatsapp ચેનલમાં જોડાવા આ લિંક પર ક્લિક કરોઃ‎

https://shorturl.at/hjzN0