ગુજરાત વંદન

25 બેઠકો માટે 59.51 ટકા મતદાન: ગઈ વખત કરતાં 5 ટકા ઓછું થયું મતદાન

08 May, 2024

7 મી મે ગઈકાલે ગુજરાત લોકસભાની 25 સીટ તેમજ વિધાનસભાની 5 સીટ માટે મતદાન પ્રક્રિયા યોજાઈ હતી. જેમાં લોકસભાની ચૂંટણી માટે કુલ 266 ઉમેદવારોએ મેદાનમાં ઝંપલાવ્યું હતું. જ્યારે વિધાનસભાની પેટા ચૂંટણીમાં કુલ 25 ઉમેદવારો વચ્ચે ખરાખરીનો જંગ જામ્યો હતો. દિવસના અંતે ચૂંટણી બાદ ભાજપ, કોંગ્રેસ તેમજ આમ આદમી પાર્ટીનાં ઉમેદવારોનું ભાવિ ઈવીએમમાં બંધ થયું હતું.. કાળઝાળ ગરમીને કારણે મતદારમાં નિરસતા જોવા મળી હતી. અને સરેરાશ મતદાન ઓછુ થવાની માહિતી મળી છે.

લોકસભા ચૂંટણીમાં ગુજરાતની 25 બેઠકો પર સરેરાશ 59.51 ટકા મતદાન નોંધાયું હતું. જેમાં 5 ટકા જેટલો ઘટાડો નોંધાયો હતો. મતદાન પૂર્ણ થવાના સમયે આ આંકડા ચૂંટણી પંચે જાહેર કર્યા હતા. જેમાં સૌથી વધુ વલસાડમાં 72.24 ટકા મતદાન જ્યારે સૌથી ઓછું અમરેલીમાં 49.22 ટકા મતદાન થયું હતું.

ચૂંટણી પંચના દ્વારા જાહેર કરાયેલા આંકડા પ્રમાણે, રાજ્યમાં વિધાનસભાની પેટાચૂંટણીનું સરેરાશ મતદાન 62.48 ટકા જેટલુ નોંધાયુ છે. આમાં સૌથી વધુ વાઘોડીયા બેઠક પર 70.20 ટકા મતદાન નોંધાયુ છે. આ ઉપરાંત અન્ય બેઠકોની વાત કરીએ તો વિજાપુર વિધાનસભા બેઠક પર 64.04 ટકા મતદાન થયું, ખંભાત વિધાનસભા બેઠક પર 66.28 ટકા મતદાન થયુ, પોરબંદર વિધાનસભા બેઠક પર 57.99 ટકા મતદાન થયુ અને માણાવદર વિધાનસભા બેઠક પર 53.93 ટકા મતદાન નોંધાયુ હતુ.

કચ્છમાં 54.45%, બનાસકાંઠામાં 66.10% મતદાન

પાટણમાં 56.21%,મહેસાણામાં 57.96% મતદાન

સાબરકાંઠામાં 63.04%, ગાંધીનગરમાં 59.19 % મતદાન

અમદાવાદમાં પૂર્વ 51.79 %, અમદાવાદ પશ્ચિમમાં 52.38 % મતદાન

સુરેન્દ્રનગરમાં 54.32%, રાજકોટમાં 59.60 % મતદાન

પોરબંદરમાં 51.76 %, જામનગરમાં 56.66 % મતદાન

જુનાગઢમાં 58.80 %, અમરેલીમાં 49.22 % મતદાન

ભાવનગરમાં 49.85 %, આણંદમાં 63.47 % મતદાન

ખેડામાં 55.34%, પંચમહાલમાં55.45 % મતદાન

દાહોદમાં 55.25%, વડોદરામાં 61.33 % મતદાન

છોટા ઉદેપુરમાં 66.13 %, ભરૂચમાં 68.75 % મતદાન

બારડોલીમાં 62.29%,નવસારીમાં 55.79 % મતદાન