ગુજરાત વંદન

ગુજરાતથી UP-બિહાર જવા માટે ખાસ સુવિધા : પરપ્રાંતિય મુસાફરો માટે શરૂ કરી 5 સ્પેશિયલ ટ્રેન...

22 Apr, 2024

ગુજરાત વર્ષોથી વેપાર માટે જાણીતો પ્રદેશ છે. દેશના અન્ય પ્રાંતોથી મજૂરો કામ કરવા અર્થે અંહી આવતા રહયા છે. પરંતુ અન્ય પ્રાંતથી અંહી ગુજરાત આવવા અને પાછા જવા માટે પરિવહનની સેવા ઘણી ઓછી હોવાથી તેમને પુષ્કળ મુશ્કેલીઓનો સામનો કરવો પડતો હતો. વધુમાં હમણાં દેશમાં લોકસભાની ચુંટણીઓ પણ શરૂ થઈ ગઈ છે. તેથી નાગરિકોને પોતાનો મત આપવા માટે દેશમાં જવા-આવવાની સુવિધાજો વધુ સારી મળતી હોય તો તેઓ તેનો ઉપયોગ કરી શકે . તેની સાથે શાળાઓમાં પણ હમણાં વેકેશનની શરૂઆત થઈ રહી હોવાથી હમણાં રેલ્વે પર મુસાફરોનું ભારણ વધુ હોવાનું જણાઈ રહ્યું છે.

તેથી હવે પશ્ચિમ રેલ્વે દ્વારા મુંબઈ ડિવિઝનમાં આવતા સુરતના ઉધના રેલવે સ્ટેશનથી UP-બિહાર જવા માટે વધુ કેટલીક વિશેષ ટ્રેનો દોડાવવામાં આવશે. મુસાફરોની સુવિધા માટે અને તેમની મુસાફરીની માંગને પહોંચી વળવા માટે, પશ્ચિમ રેલ્વેએ વિશેષ ભાડા પર પાંચ જોડી વિશેષ ટ્રેનો ચલાવવાનો નિર્ણય કર્યો છે. પશ્ચિમ રેલવેના મુખ્ય જનસંપર્ક અધિકારી સુમિત ઠાકુરના જણાવ્યા અનુસાર, રેલવે ઉધના સ્ટેશન પર સંપૂર્ણ ધ્યાન આપી રહ્યું છે. રેલ્વે પરપ્રાંતિય મજૂરો અને અન્ય મુસાફરોની સુવિધા માટે ટ્રેનો ચલાવી રહી છે. સ્ટેશન પર ભીડને કાબૂમાં રાખવા માટે સારી વ્યવસ્થા કરવામાં આવી છે, જેથી ટ્રેન આવે ત્યારે નાસભાગ થવાની કોઈ શક્યતા નથી. ટ્રેન નંબર 09125, 09013, 09123 અને 09061 માટે બુકિંગ આજથી શરૂ થશે.

1. ટ્રેન નં. 09125/09126 બાંદ્રા ટર્મિનસ-સહરસા સ્પેશિયલ [2 ટ્રીપ] 2. 09115/09116 ઉધના-છાપરા સ્પેશિયલ (અનામત) [2 ટ્રીપ] 3. ટ્રેન નં. 09013/09014 ઉધના-માલદા ટાઉન-પાલધી સ્પેશિયલ [2 ટ્રીપ] 4. ટ્રેન નં. 09123/09124 વાપી-આસનસોલ-રતલામ સ્પેશિયલ [2 ટ્રીપ] 5. ટ્રેન નં. 09061/09062 વાપી-ભાગલપુર-રતલામ સ્પેશિયલ [2 ટ્રીપ]

ગુજરાત વંદનના whatsapp ચેનલમાં જોડાવા આ લિંક પર ક્લિક કરોઃ‎

https://shorturl.at/hjzN0