શહેરના ટ્રાફિક કર્મીઓ સાથે મજાક ....??? હજારોના સ્ટાફમાં ત્રણ જ એસી હેલ્મેટ !!!!
- 16 Apr, 2024
ચુંટણી પહેલા રાજકીય પક્ષો પ્રચાર કરતી વેળાએ પ્રજાને લોભાંમણા વાયદા કરતી હોય છે. અને આ દરેક વાયદાઓ પૂર્ણ થતા જ હોય છે. એવું હમેશા બનતુ નથી . એમાંથી કેટલીક યોજનો કાગળ પર જ રહી જતી હોય છે, જ્યારે કેટલીક યોજનાઓનો અમલ અશત પણ થતો હોય છે. એવો જ વાયદો સરકારદ્વારા કરવામાં આવ્યો હતો ,જેનો આંશિક અમલ થયો ,વધુમાં આ આયોજના અમલમાં આવે તે પહેલા જ તે કોઇ કારણસર અધૂરી રહી ગઈ .
આવા વાયદાઓ માનો એક વાયદો ટ્રાફિક પોલીસ માટે કર્યો હતો , પરંતુ શહેર પોલીસના કેટલાક પ્રોજેક્ટો માત્ર કાગળ પર અમલી થયા તેમ લાગી રહ્યું છે. જેમાંનો એક વર્ષ 2023ના ઉનાળામાં ઉચ્ચ પોલીસ અધિકારીઓએ ટ્રાફિક પોલીસકર્મીઓ પ્રત્યે હમદર્દી દાખવી એસીવાળા હેલ્મેટનું વિતરણ કર્યું હતું. તે સમયે પાયલોટ પ્રોજેક્ટના નામે ત્રણ હેલ્મેટ અપાયા હતા. તેનો ઉપયોગ કરાયા બાદ તે અંગે ગાંધીનગર પોલીસ ભવનમાં અભિપ્રાય અપાયો હતો.
જો કે બાદમાં તે વિષય બંધ ચેમ્બરોમાં જ બંધ થઇ ગયો હોય તેવો ઘાટ ઘડાતા ટ્રાફિક પોલીસ કર્મીઓ સાથે મજાક કરાઇ હોવાનું ચર્ચાઇ રહ્યુ છે. માત્ર ત્રણ એસી હેલ્મેટ સાથે તીવ્ર ગરમીમાં પોલીસ જવાનો કામ કરી રહ્યા છે. આ બાબતનું કોઇ નિરાકરણ લાવવામાં ન આવતા અનેક ચર્ચા થઇ રહી છે.
ઉનાળામાં ટ્રાફિક પોલીસના ઉચ્ચ અધિકારીઓ ફિલ્ડ પરના પોલીસ કર્મીઓને લૂ ન લાગે તે માટે ઠંડા પીણા, ઓઆરએસ વગેરે અપાતા હોય છે. ગત વર્ષે ગાંધીનગરમાં બેસતા ઉચ્ચ અધિકારીઓએ પાયલોટ પ્રોજેક્ટના નામે અમદાવાદ ટ્રાફિક પોલીસકર્મીઓને ત્રણ એસી હેલ્મેટ આપ્યા હતા. આ એસી હેલ્મેટનો ઉપયોગ કરાયા બાદ અધિકારીને તેનો રિવ્યૂ આપવામાં આવ્યો હતો.
જો કે તે બાબત અધિકારીની ચેમ્બરમાં જ રહી ગઇ અને એક વર્ષ વિતી જવા છતાંય એસી હેલ્મેટનો પ્રોજેક્ટ આગળ વધારવો કે નહીં તે બાબતે કોઇ નિર્ણય લેવાયો નથી. અમદાવાદ ટ્રાફિક વિભાગના હજારો જવાનોની વચ્ચે માત્ર ત્રણ એસી હેલમેટ ઉપલબ્ધ હોવાથી સ્ટાફમાં નારાજગી જોવા મળી રહી છે. ઉલ્લેખનીય છે, આ પ્રોજેક્ટ અમદાવાદ પોલીસે નહીં પણ વડોદરા શહેર પોલીસે સારી રીતે આગળ ધપાવ્યો છે.
ગાંધીનગર પોલીસ ભવનમાં એસી ચેમ્બરમાં બેસતા ઉચ્ચ અધિકારીઓને ફિલ્ડ પર ફરજ બજાવતા કર્મીઓની સ્થિતિની જાણકારી નહીં હોય માટે એસી હેલ્મેટનો પાયલોટ પ્રોજેક્ટ ખોરંભે ચઢી ગયો છે તેવી ચર્ચા છે. ગતવર્ષે એસી હેલ્મેટનો પ્રોજેક્ટ શરૂ થતાં ફોટા પડાવીને સંતોષ માન્યો હતો. જો કે આ જ પ્રકારનો પ્રોજેક્ટ વડોદરા શહેરમાં પણ શરૂ કરાયો હતો. વડોદરા શહેર ટ્રાફિક વિભાગમાં 400 ટ્રાફિક જવાનો છે. તેમના માટે કુલ 225 એસી હેલ્મેટ વસાવાયા છે. આ જવાનો તેવી હેલ્મેટ પહેરી ફરજ બજાવે છે. આમ, વડોદરા શહેર જવાનોના સ્વાસ્થ્ય વિશે હમદર્દી દાખવી છે.
ગુજરાત વંદનના whatsapp ચેનલમાં જોડાવા આ લિંક પર ક્લિક કરોઃ
https://shorturl.at/hjzN0
ગુજરાત વંદનના whatsapp ગ્રુપમાં જોડાવા આ લિંક પર ક્લિક કરોઃ