ગુજરાત વંદન

ડિપ્લોમા ઇજનેરીની પ્રવેશ પ્રક્રિયાનો આજથી શુભારંભ 15 મે સુધી ચાલશે રજીસ્ટ્રેશનની પ્રક્રિયા

15 Apr, 2024

ગુજરાત માધ્યમિક શિક્ષણ બોર્ડ દ્વારા લેવામાં આવતી ધો. 10 ની પરીક્ષાઓ પૂર્ણ થઇ ગઈ છે. અને ગુજરાત બોર્ડ દ્વારા ધો. 10 નું પરિણામ પણ એપ્રિલ મહિનાના અંત સુધીમાં જાહેર કરી દેવાની તજવીજ હાથ ધરવામાં આવી છે, તેથી ધો.10 ના રિઝલ્ટ બાદ ડિપ્લોમાં ઈજનેરીમાં પ્રવેશ મેળવવા દર વર્ષે વિદ્યાર્થીઓનો ઘસારો થતો હોય છે. તેથી આ વર્ષે રિઝલ્ટ પહેલાજ પ્રવેશ માટેની પ્રક્રિયા એસીપીડીઇ દ્વારા હાથ ધરવામાં આવી છે.

ડિપ્લોમાં ઈજનેરીની બેઠકો પર વર્ષ 2024-25 માટે રજીસ્ટ્રેશનની પ્રક્રિયા આજથી શરૂ કરવામાં આવી છે. અગાઉનાં વર્ષોમાં ધો. 10 માં પાસ વિદ્યાર્થીઓ માટે રજીસ્ટ્રેશન કાર્યવાહીમાં ભાગ લઈ શકશે. આ રજીસ્ટ્રેશનની પ્રક્રિયા તા. 15 મે સુધી ચાલશે. પરંતું વિદ્યાર્થીઓ સી ટુ ડી માટે 30 એપ્રિલ સુધી ઓનલાઈન રજીસ્ટ્રેશન કરાવી શકશે. રજીસ્ટ્રેશન ફી પેટે રૂા. 250 ઓનલાઈન પેમેન્ટ ચૂકવવાનું રહેશે.

વિદ્યાર્થીઓ દ્વારા ઓનલાઈન પેમેન્ટ કરતી વખતે રજીસ્ટ્રેશન ફી પેટે રૂા. 250 ઓનલાઈન પેમેન્ટ ચૂકવવાનું રહેશે. તેમજ કોઈ વિદ્યાર્થીને ઓનલાઈન રજીસ્ટ્રેશનની પ્રક્રિયા સરળતાથી સમજાય તે માટે ઓનલાઈન રજિસ્ટ્રેશન પ્રક્રિયાની સરળ સમજૂતી https://acpde.gujarat.gov.in પર વિવિધ માહિતી, માર્ગદર્શિકા, વીડિયો લિન્ક પણ મૂકવામાં આવી છે. જેનાં આધારે વિદ્યાર્થીઓ ફોર્મ ભરી માર્ગદર્શન મેળવી શકશે. તેમજ ધો. 10 પછીનાં ડિપ્લામાં મેરિટ કઈ રીતે તૈયાર થશે તેની વાત કરીએ તો દર વર્ષે ધો. 10 માં ગણિત, વિજ્ઞાન, અંગ્રેજી વિષયની કુલ 300 માર્કસની પરીક્ષામાંથી મેળવેલા માર્કસનાં આધારે મેરીટ તૈયાર કરવામાં આવશે. તેમડ સીટુડીમાં આઈટીઆઈ, ટીઈબીની પરીક્ષામાં અંતિમ વર્ષમાં ટ્રેડ થિયરી, વર્કશોપ કેલક્યુલેશન સાયન્સમાં મેળવેલા માર્ક્સનાં આધારે ઓવરઓલ મેટિર તૈયાર કરવામાં આવશે.

ગુજરાત વંદનના whatsapp ચેનલમાં જોડાવા આ લિંક પર ક્લિક કરોઃ‎

https://shorturl.at/hjzN0