ગુજરાત વંદન

Breaking News

ટ્રેઈની આઈએએસ પૂજા ખેડકરને હવે ભાન થશે: પૂજાને નોકરીમાંથી તગેડી મૂકાઈ, પરીક્ષા પણ આપી શકશે નહીં; જાણો સમગ્ર ઘટના વિગતે. કેરળ અંગે મોટો ઘટસ્ફોટ: ગૃહમંત્રી અમિત શાહે કહ્યું- કેરળ સરકારને તો એક અઠવાડિયા પહેલા ભૂસ્ખલન અંગે જાણ કરાઈ હતી, કેન્દ્રએ NDRFની 9 ટીમ પણ રાજ્યમાં મોકલી હતી. નીતિન ગડકરીએ નાણાં મંત્રીને કરી રજૂઆત: નીતિન ગડકરીએ નાણાં મંત્રીને પત્ર લખ્યો, કહ્યું- લાઈફ અને હેલ્થ ઈન્સ્યોરન્સ પ્રિમીયમ પરથી GST દૂર કરવામાં આવે; જાણો હાલ કેટલો છે GST ?. ઇઝરાઈલે 7 ઓક્ટોબરે થયેલા હુમલાનો બદલો લીધો : ઈઝરાયલે હમાસના ચીફ ઈસ્માઈલ હાનિયાનો ખાતમો બોલાવ્યો, એક જ દિવસમાં મોટા બે દુશ્મનને ઉડાવ્યાં. કેરળમાં સતત ત્રણ દિવસથી ભારે વરસાદઃ પહાડો પલળી જતા ભૂસ્ખલનની ઘટનાઓમાં ભારે વધારો, ત્રણ દિવસમાં 93 લોકોનાં મોત; જુઓ તબાહીના દ્રશ્યો VIDEOમાં. ઉત્તરપ્રદેશમાં લવ જેહાદ બિલ પાસ: આરોપીઓ માટે આજીવન કેદની જોગવાઈ, લવ જેહાદ હેઠળના ઘણા ગુનાઓની પણ સજા બમણી કરાઈ. ઝારખંડમાં મોટી રેલવે દુર્ઘટના: ચક્રધરપુરમાં હાવડા-મુંબઈ મેલના 18 કોચ પાટા પરથી ઉતરી ગયા, 2ના મોત, 20 ઘાયલ. કેરળના વાયનાડમાં ભીષણ ભૂસ્ખલન: 63 લોકોનાં મોત, 100થી વધુ લોકો દબાયા હોવાની શક્યતા; ઈન્ડિયન એરફોર્સે શરૂ કરી રાહત કામગીરી. બિહાર સરકારને સુપ્રીમ કોર્ટમાંથી ઝટકો: 65 ટકા રિઝર્વેશનના આદેશ પર રોક લગાવવાનો પટના હાઈકોર્ટનો ચુકાદો યથાવત રાખવામાં આવ્યો. જમ્મુ-કાશ્મીરના અનંતનાગમાં અકસ્માત: કાર ખીણમાં પડી જતા 5 બાળકો સહિત 8નાં મોત, પોલીસે ઘટના સ્થળે પહોંચી મૃતદેહને બહાર કાઢ્યા.

મહારાષ્ટ્રના નાયબ મુખ્યમંત્રી ફડણવીસની વાત: રાજ્યમાં ભાજપના ખરાબ દેખાવની જવાબદારી હું લઉું છું, રાજીનામું આપવાની કરી વાત

05 Jun, 2024

દેવેન્દ્ર ફડણવીસે મહારાષ્ટ્રમાં બીજેપીના ખરાબ પ્રદર્શનની જવાબદારી લેતા નાયબ મુખ્યમંત્રી તરીકે રાજીનામું આપવાની વાત કરી છે. તેમણે એક નિવેદનમાં કહ્યું કે મહારાષ્ટ્રમાં બીજેપીને એક ઝાટકો લાગ્યો છે તેની સંપૂર્ણ જવાબદારી હું લઉં છું. કારણ કે પાર્ટીનું નેતૃત્વ હું કરી રહ્યો હતો. હું વિધાનસભા ચૂંટણી માટે રાજ્યમાં ભારતીય જનતા પાર્ટીને પુરતો સમય આપવા માંગું છું. હું ભાજપના હાઈકમાન્ડને વિનંતી કરું છે કે તેઓ મને સરકારની જવાબદારીમાંથી મુક્ત કરી દે કારણ કે આગામી ચૂંટણી માટે કઠોર મહેનત કરી શકું.

ઉલ્લેખનીય છે કે મહારાષ્ટ્રમાં બીજેપી માત્ર 9 જ લોકસભા સીટોને જીતી શકી છે. જ્યારે તેના ગઠબંધન સહયોગી શિવસેના(એકનાથ શિંદે) અને એનસીપી(અજીત પવાર) ક્રમશ: 7 અને 1 સીટ જીતી શકે. રાજ્યની 48 સીટોમાંથી એનડીએને માત્ર 17 સીટો મળી છે. ઈન્ડિયા બ્લોકને 30 સીટો પર જીત પ્રાપ્ત થઈ છે.

દેવેન્દ્ર ફડણવીસે કહ્યું, 'હું દેશના લોકોનો આભાર માનું છું કે જેમણે મોદીજીને ત્રીજી વખત વડાપ્રધાન બનવા માટે તેમના આશીર્વાદ આપ્યા છે. મહારાષ્ટ્રમાં અમને અપેક્ષિત પરિણામો મળ્યા નથી. અમને બહુ ઓછી બેઠકો મળી. કથાની લડાઈ પણ હતી. વિપક્ષે બંધારણને બદલવાની એક વાર્તા ગોઠવી જેનો અમે સામનો કરી શક્યા નહીં. વધુમાં વધુ સીટો મેળવનારને પણ હું અભિનંદન આપું છું. તમામ ચૂંટણીઓમાં એક ગણિત હોય છે જેમાં આપણે હારીએ છીએ. MVAને ભલે 30 સીટો મળી હોય પરંતુ તેનો વોટ શેર લગભગ સમાન છે. તેમને 2 લાખ 50 હજાર વોટ મળ્યા અને અમને 2 લાખ 48 હજાર વોટ મળ્યા.

મુંબઈમાં એકંદરે અમને વિપક્ષી ગઠબંધન તરફથી 2 લાખથી વધુ મત મળ્યા છે. પરંતુ અમને માત્ર બે બેઠકો મળી. મુંબઈમાં ઘણી બેઠકો પર જીત અને હારનું માર્જીન બહુ ઓછું હતું.આ વખતે લોકસભા ચૂંટણીમાં ભાજપનું પ્રદર્શન યુપી, મહારાષ્ટ્ર, રાજસ્થાન અને પશ્ચિમ બંગાળમાં અપેક્ષા મુજબનું રહ્યું નથી. 2019ની ચૂંટણીમાં મહારાષ્ટ્રમાં ભાજપે 48માંથી 23 બેઠકો જીતી હતી. રાજસ્થાનમાં પાર્ટીએ ગત વખતે 25માંથી 24 બેઠકો જીતી હતી.

આ વખતે તેમને માત્ર 14 બેઠકોથી જ સંતોષ માનવો પડ્યો હતો. એ જ રીતે, પશ્ચિમ બંગાળમાં પાર્ટી 18થી 9 બેઠકો પર આવી અને યુપીમાં એનડીએ 64થી ઘટીને 36 બેઠકો પર આવી. ભાજપે એકલા હાથે 62 બેઠકો જીતી હતી, આ વખતે તેને માત્ર 33 બેઠકોથી સંતોષ માનવો પડ્યો હતો. આ વખતે ભાજપની લીડ બહુમતીના 272ના આંકડા કરતા 32 ઓછી છે. સરકાર બનાવવા માટે તેઓ રાષ્ટ્રીય લોકતાંત્રિક ગઠબંધનમાં તેમના સાથી પક્ષો પર નિર્ભર છે.